2012年7月20日星期五

林峯Fans信塞爆Locker

忽然1周 第886期

小特搜


林峯 Fans信塞爆 Locker


2012年07月20日

無綫有六百幾個藝員,有近七百個儲物櫃,究竟佢哋呢啲 locker放 啲咩寶物呢?
就等媽咪姐突擊打開嚟睇吓出名多 fans嘅林峯同黃智雯收埋啲乜東東啦!

林峯個 locker係 38號,佢一打開,媽咪姐都「嘩」 咗一聲,因為有近千封粉絲信湧出來,遠在英國、澳洲、新加坡、馬來西亞及中國各個省份都有粉絲嘅信寄來,阿峯搞笑話:「我個 locker唔會放自己嘢,淨係用嚟收 fans信。有時 locker爆咗, 啲信塞唔入,佢哋會擺喺我經理人度。我經理人張枱即係我第二個 locker!」

林峯個 locker塞滿粉絲信,佢伸手不停挖,足足挖咗3分鐘先挖晒出來。
林峯個 locker塞滿粉絲信,佢伸手不停挖,足足挖咗3分鐘先挖晒出來。

而黃智雯( Mandy)個 locker係 359號,佢放咗五對鞋、一個手袋、一條裙、一頂紳士帽,仲有 4年前讀訓練班嘅筆記。「我諗我半年冇開過個 locker喇!我收埋咗一對 02年嘅踢躂鞋,過兩日去美國跳舞,都可以攞番嚟用!(護膝都有?)拍危險動作時會用得着,所以擺喺 locker以便不時之需囉。」

除咗香港 fans之外,英國、澳洲及內地各省市都有 fans寄信俾林峯。為求令偶像 like,不少 fans信都好搶眼,林峯話會盡量回覆。
除咗香港 fans之外,英國、澳洲及內地各省市都有 fans寄信俾林峯。為求令偶像 like,不少 fans信都好搶眼,林峯話會盡量回覆。

林峯
每隔一段時間林峯就收晒 locker嘅信返屋企慢慢睇。佢甫打開櫃門,大堆信件跌晒出嚟!佢即時大嗌:「阿媽(經理人)要攞個袋 嚟裝喇!」

黃智雯多鞋


黃智雯
呢條裙同手袋都係 Mandy讀訓練班時買落,放咗喺 locker都有幾年,不過 Mandy話呢啲係佢珍貴回憶。

黃智雯
原來 Mandy都係舞得之人,佢仲特別 喺踢躂鞋底簽上英文名:「呢對鞋我 02年買,當時都係賣四百幾蚊港紙咋!」

黃智雯
Mandy好鍾意呢對鞋:「對鞋係舊男友送俾我 嘅,佢好似一對水晶鞋咁,有紅、粉紅、黑同白色 嘅絲帶,對鞋換 咗絲帶後就可以變成另一對鞋。」

黃智雯

黃智雯
呢本記事簿,係 Mandy讀訓練班時抄筆記用 嘅,佢仲 highlight咗「方法演技( Method Acting)」嗰頁!到依家 Mandy偶然都會揭吓本 Notes!

Orignal From: 林峯Fans信塞爆Locker

沒有留言:

發佈留言