郭晉安、萬綺雯、王菀之（Ivana）、朱咪咪及王祖藍等，昨日到灣仔金紫荊廣場為無綫新劇《老表，你好嘢！》開工，吸引大批內地遊客圍觀。雖然天氣酷熱，但眾人即使曬得汗流浹背亦不介意！拍攝期間，有些女途人認出祖藍，更興奮地大叫：「祖『蘭』呀！成日扮女人嗰個呀！都幾得意！」惟正在拍攝的祖藍卻聽不到，不過有工作人員聞言後即忍俊不禁，還模仿該名途人叫祖「蘭」，認真抵死！
身兼劇本創作及演員的祖藍，大讚幕後工作人員把故事寫成20集內容不簡單，加上全劇演員亦有為故事給予意見，盡顯愛的一面。談到徐濠縈因在微博罵「沒禮貌的中國人」，惹來十多萬網民洗版，祖藍呼籲大家以和為貴：「我哋好明白觀眾好鍾意我哋，但同時希望得到尊重，好多時佢哋唔講聲就影你相，唔多唔少會感覺畀人侵犯。」
萬綺雯感激安仔
而由亞視過檔後首度拍劇的萬綺雯透露，已適應無綫的拍攝情況，更感謝劇中「另一半」安仔不時幫忙。至於處女拍劇的Ivana則自爆蝦碌趣事：「我唔識就鏡頭，有次以為自己演得好好，點知Cut機後導演話我背住鏡頭囉！」至於郭晉安對公司小生接二連三受感情事困擾，問到有何忠告？安仔說：「又唔好講到咁，希望大家留意佢哋工作，花邊新聞係做藝人嘅代價，咁辛苦做嘢都係為賺錢，緋聞呢啲嘢係冇利益收嘅！」
祖藍在劇中率領一班「內地兒童」來港參觀。
萬綺雯感謝安仔幫助她度過適應期。
過檔後首次拍劇的萬綺雯神采飛揚，看來已適應新環境。
深受強國女士歡迎的祖藍，埋位前落力指導演員。
王祖藍
安仔跟萬綺雯倚着海濱圍欄，大方地做人肉布景板任影。
Orignal From: 《老表，你好嘢！》拍攝（郭晉安、萬綺雯、王菀之、王祖藍、朱咪咪）
沒有留言:
發佈留言