現實生活中，64歲的馬海倫三代同堂，兒孫滿堂，拍戲只為止癮消閒， Helen姐至愛打高爾夫球和烹飪，做運動為強身健體添福壽，炮製美食則為家人帶來口福。 Helen姐是家人眼中好嫲嫲，好媽媽兼好老婆，與剛播完的無綫劇集《心戰》中重男輕女的奄尖老母絕對兩個人。
Helen姐縱橫影視圈多年，如今心願是可以約滿退休，與家人多點相聚時間。
攝影：陳志嵐
場地： Island Golf Club
馬海倫（左）六十年代加入邵氏，而右邊的是年少時的徐小鳳。
Helen姐在《心戰》中對陳豪的白鴿眼，令觀眾很深刻。
Helen姐愛錫家人，就算與同事食飯，女兒都會陪住她。
Helen姐最愛整幾味給家人品嚐，廚藝十分了得。
跟風打 golf
Helen姐不用工作便享受人生，她從前沉迷打保齡，可是當波友忽然轉軚打 golf，為怕失玩伴也只得跟風，她日前在將軍澳一個高爾夫球練習場接受訪問時，就大騷球技，她說：「估唔到我越玩越鍾意，我性格好急進，打咗 golf練好啲脾氣，有耐性咗。」
近年玩票性質拍劇的 Helen姐，現實生活是慈母，可是導演和監製卻愛考驗她的演技，剛在《心戰》扮完惡媽，最近參演新劇《戀愛季節》則演來自內地的奶奶，為人沒公德心，激嬲新抱仔胡定欣，婆媳嗌唔停。 Helen姐說：「呢次扮嘅奶奶好乞人憎，好冇形象，我冇得扮靚化妝之餘，仲要搽男人深色粉底，又要成日喺鏡頭前吐痰捽腳，污糟邋遢。」相信到時新劇出街， Helen姐去街巿買餸又會令師奶粉絲哄動，她說：「之前播《心戰》，我個角色奄尖挑剔，師奶同街坊撞見都話我乞人憎，不過菜檔魚檔老闆邊鬧邊塞啲靚餸畀我，真係好多謝佢哋。」 Helen姐捱轟，但家人有好餸食受惠，她當然沒所謂。
留時間湊孫
Helen姐戲癮雖大，但她計劃多拍兩年，跟無綫約滿便退出， Helen姐說：「早排王維基猛叫我過檔，但始終珍姐（無綫高層曾勵珍）對我好，我先留低，不過體力唔夠，仔女都擔心，叫我唔好咁辛苦，有時間都想多啲湊孫。」
記得索女時
拍《心戰》受壓減磅
無綫劇集《心戰》雖播完，但扮邵美琪阿媽的 Helen姐，她對女兒男友陳豪白鴿眼戲份夠入肉，讓觀眾留下深刻印象。
Helen姐最難忘與陳豪車廂困獸鬥演技，她說：「我次次哦親佢都係車廂戲，拍攝路程好多時由蘭桂坊兜上中環，我要喺停紅綠燈前講晒對白，有次啲稿好長，我又要較啱晒時間，如果 NG，陳豪要再兜圈，我拍完之後搞到成條褲都濕晒，好大壓力。」 Helen姐有苦自己知，拍劇受壓會瘦四磅，令丈夫和兒孫心痛。
Orignal From: 有話兒：馬海倫倒數退休
沒有留言:
發佈留言