爛 Gag王扮嘢搵銀
嗡鼻祥仔激變 Mei Ling
「福祿壽」阮兆祥、王祖藍和李思捷因在綜藝節目中扮鬼扮馬而打響名堂，更帶挈搵了不少真銀。雖然福祿壽今年2月完成紅館騷後，三人暫時拆夥，但扮嘢本性依然搣唔甩，祥仔日前化身做《盛女愛作戰》的 Mei Ling拍廣告，無論造型和神態都似到十足。
由阮兆祥、王祖藍同和李思捷組成的「福祿壽」紅足多年，三人由綜藝節目做到拍電視劇、拍電影和開騷等，長做長有，銀到手軟，不過今年三人完成2月的紅館騷後就暫時分道揚鑣各自搵食。
阮兆祥在手機廣告中扮婚姻介紹所老闆 Mei Ling（右圖），無論造型還是神態均維肖維妙。
三人中被封為爛 gag王的祥仔，近日因無綫新劇《衝呀！瘦薪兵團》收視理想，人氣急升之餘更帶挈他接拍 Samsung galaxy SⅢ手機廣告，可謂豬籠入水。早前祥仔就率先重操故業化身做《盛女愛作戰》中最多人激讚的導師兼婚姻介紹所老闆吳美玲（ Mei Ling）。戴上 Mei Ling招牌假髮的祥仔在廣告中扮演星級紅媒 Mei-ing，祥仔刻意將眉毛弄幼，連正牌 Mei Ling的表情都跟到十足，維肖維妙，他在鏡頭引用 Mei Ling金句說：「香港好多人唔睇內涵，呢個唔啱，嗰個又唔啱。」
大呻難扮
今次祥仔有機會拍廣告，他昨日在電話中說：「《盛女》最吸引人、最搶嗰個係 Mei Ling，之前我都同啲兄弟（王祖藍、李思捷）講過，下一次做福祿壽會扮 Mei Ling，點知廣告商比我早一步諗到。」
至於 Mei Ling是否難扮？祥仔說：「樣樣都難扮，佢講嘢態度、雙眼皮同眼眉都難扮，我睇咗佢一輪片再同廣告商研究，原來我『嗡』起個鼻嗰陣好似佢。」
Orignal From: 阮兆祥扮Mei Ling拍手機廣告
沒有留言:
發佈留言