爭住唱
埋王維基堆拍音樂劇 60萬薛凱琪搶贏吳雨霏
2012年03月14日
拉鋸 2年，無綫和五大唱片公司仍未達成破冰協議，但王維基的新免費電視台「城市電訊」就趁機掟錢，斟掂歌手加盟拍劇，頭炮 gimmick將是 4月開拍的音樂劇。
男女主角暫定有老闆 friend底的環球唱片歌手吳雨霏和孫耀威，但據知王維基最想斟掂華納的薛凱琪和周柏豪，各以 60萬拍 20集過檔，若 2人日內落實簽紙，「吳孫」隨時被飛。
唔該借歪 設計對白
薛凱琪拍過戲又拍過電視劇，講真，演戲經驗豐富過 Kary吳雨霏；而因打爛水杯被惡搞的「大文豪」周柏豪，拍劇經驗同孫耀威都算係少，但勝在活躍樂壇，人氣搭夠！《蘋果日報》圖片
王維基預計今年尾新台啟播，已 着手籌備揼本用實景拍攝的劇集，強攻無綫頭炮鐵定是創新的音樂劇，將由多位歌星合演， 4月初開鏡。
城市電訊主席
王維基
吳雨霏去年 9月加盟環球，轉會後第一主打歌〈我本人〉即成為 3台冠軍歌，力捧下被王維基睇中。
招攬謝安琪
據知王維基與環球唱片關係較好，早已傾好孫耀威及吳雨霏埋堆拍劇，初步屬意 2人擔任男女主角，又唱又演冇難度；而關楚耀、劉美君更會亮相其他節目；而王維基一直想羅致入宮的謝安琪卻因唱片公司合約問題未解決，仍在洽談中，唔排除傾掂的話，會馬上為謝安琪度身訂做全新節目。
為女作對
《蘋果日報》圖片
孫耀威女友陳美詩去年為無 綫往沖繩拍特輯時遇車禍，事後孫大罵無 綫，今次轉投「城市電訊」撼無 綫可說合情合理。
林文龍
on call做醫生
林文龍及廖碧兒離巢 TVB後已落實簽約「城市電訊」，林文龍 6月將開拍一齣有關醫療的電視劇，他說：「我簽 咗兩年約，呢套劇同 TVB拍開 嘅好唔同。」不過廖碧兒就未被安排演出任何節目。
唔怕得罪
雖然與環球關係好，但知情人士透露，王維基亦同步努力游說華納唱片的薛凱琪和周柏豪，如傾掂數將換走吳雨霏和孫耀威。知情者說：「暫時套音樂劇大部分係環球歌星，但如果周柏豪同薛凱琪度到期肯拍，就會換走男女主角，情願調吳雨霏同孫耀威拍另一套劇；反正齣音樂劇仲有其他環球歌手關楚耀同劉美君，唔怕得罪環球。」
週一（ 12日）記者致電華納唱片，發言人 Carmen承認跟王維基洽談合作事宜：「初步有接觸過，開過會見過面但未落實，佢哋都有興趣拍劇，視乎劇本同角色囉。（係咪搵過周柏豪同薛凱琪？）呢層唔方便透露。」至於會否因而搶走環球兩位主角位置，則不願回應。
環球唱片發言人 Sian則表示現階段王維基的電視台尚未公布音樂劇卡士而不便多講，只表示：「仲傾緊，劇本同檔期都仲執緊，唔排除有呢個合作機會，（王生會遷就兩個主角嘅檔期？）合作嘅嘢要互相配合。」咁啱傾，邊個做主角都冇所謂啦！
周柏豪只拍過幾齣港台劇，最近期的是前年《有房出租》，跟官恩娜（左）有床上戲。
薛凱琪一向傻大姐性格，跟吳雨霏相似，近年轉戰影壇成績不俗， 04年她在《學警雄心》飾演 Fiona一角好搶，前排無綫深夜都重播。
環球黨入侵
無綫有英皇撐，王維基亦跟環球唱片打好關係，招攬歌手過檔「城市電訊」拍劇作多方面發展，除有孫耀威及吳雨霏，其他環球歌手亦將拍住無綫叛將開新戲。
懸疑偵探劇
4月開拍，演員有黃日華同 21歲囡囡黃芷晴、唐寧及關楚耀（環球）。
黃芷晴
關楚耀
唐寧
時裝劇
10月開鏡，主要角色有劉美君（環球）及張可頤。
劉美君
張可頤
謝安琪客串
謝安琪
王維基正與環球唱片的謝安琪洽談合作拍劇，不過 Kay去向未定，加上她 3月份忙於為電影做宣傳，中港兩地走， 4月開拍嘅音樂劇未必有佢份，有都可能係客串。
Orignal From: 埋王維基堆拍音樂劇 60萬薛凱琪搶贏吳雨霏
沒有留言:
發佈留言