2012年3月23日星期五

監製睇中加戲份《On Call》一康(魏焌皓)靠肌上位

忽然1周第869期

娛一叮

監製睇中加戲份　《 On Call》一康靠肌上位

2012年03月23日

《 On Call 36小時》上周播出大結局，收視最高 39點，帶挈飾演馬國明細佬張一康的魏焌皓（ Nathan）極速上位。一康雖然半身癱瘓，但勝在斯文靚仔、形象健康，話咁快吸納師奶、妹妹粉絲。無綫見「一康」勢好，即加重了他在《結•分@謊情式》的戲份，上位有望。

外表看似瘦削的「一康」，原來係鋼條筋肉人，擁 40吋巨胸的他，結實胸肌拍得住大隻謙（羅仲謙）。曾是籃球隊成員的他，原來不時在樂華邨與波友打籃球，而不拘小節的他更不介意在球場換衫兼除衫抹汗，六嚿腹肌睇到在場學生嘩嘩聲！

40吋胸肌
現實中嘅一康，屬陽光大男孩，而且身形相當有睇頭，難怪被無綫力捧。

繼大隻謙及袁偉豪後，無綫近日力捧肌男一族。而練得一身肌肉的魏焌皓，擁有陽光笑容，甚有觀眾緣。在《 On Call》中，他角色討好，加上與晶晶（張慧雯飾）拍拖未幾便因救人意外身亡，劇情催淚，得到萬千觀眾同情，就連楊千嬅都說因一康的死而喪喊。

劇中一康與晶晶（張慧雯）拍拖不久便意外身亡。現實中，兩人甚老友，更唔排除將來有機會發展。

打打吓波，有學生將籃球掟到魏焌皓身旁，他把籃球掟番俾班學生時，學生興奮地說：「一康幫我執波呀！」

除了胸肌，「一康」亦有一雙麒麟臂。

曾是籃球隊隊長嘅魏焌皓，當日多次射籃入樽，技術唔錯噃！

樂易玲：加多啲戲俾佢

除了《 On Call》，每晚的處境劇《結•分@謊情式》亦會見到魏焌皓。劇中他飾演張兆輝的烏龍下屬，本來只是插科打諢的角色，但據知《結》劇監製關永忠為食住「一康」人氣，劇中忽然改橋，將原本潘曉彤（張兆輝疑似女兒）與羅鈞滿（滕麗名細佬）的感情線，改為魏焌皓。
求證關永忠，他亦認加戲俾魏焌皓：「魏焌皓條件幾好，佢讀藝訓班時我已經睇中佢。過多兩星期，喺《結•分@謊情式》佢同潘曉彤會有感情線。佢嘅戲多咗，並唔係因為一康效應，而係劇情一早設計咗，只係劇情發展未到佢。」除了監製撐，樂易玲亦話明會捧：「我覺得魏焌皓喺《 On Call》做得幾好，好多觀眾、網友都讚佢，話佢係翻版羅仲謙。監製加多啲戲俾佢咪好囉。」

魏焌皓自小父母已離異，現時他與母親及家姐居於觀塘公屋。為擔起養家嘅責任， Nathan唔單止默默工作，平時亦相當慳家。

魏焌皓平時出入唔係地鐵就巴士。當日佢搭巴士時，後面嘅女學生不時眼甘甘望住佢。

街場打籃球

著名食評網「 Open Rice」都搵「一康」拍廣告。如果你眼利的話，你會發現建設銀行廣告，「一康」都有份！

據知「一康」在單親家庭長大，現時在電視台人工不多，雖然曾拍過建設銀行、太興奶茶等廣告，但收入始終不穩定。「一康」現時和母親及家姐居於觀塘公屋，因為要養家，他平時慳得就慳，希望可以賺到第一桶金盡快置業。
魏焌皓讀書時是學校籃球隊成員，擁有 40吋胸的他，亦心知健碩身材是賣點，於是不停操弗自己。他每星期最少做 5次健身，有時更會與朋友打籃球。上周五（ 16日）下午四時許，他便相約友人到樂華邨打籃球，其籃球技術有板有眼，多次射籃、入樽。當日剛巧附近有中學生在球場練波，學生哥都不禁說：「嗰個係咪馬國明細佬？張一康喺度打波喎……」而打到滿頭大汗的魏焌皓，更不介意在人前除衫抹汗，惹來觀眾席的學生哥大叫：「嘩！一康好大隻……」
打了個多小時波，魏焌皓打夠皮離去，並戴上 cap帽到附近巴士站等車，返回觀塘寓所。就最近人氣升，被監製加戲份，「一康」開心話：「真係要多謝監製俾機會我！《 On Call》出街後，託賴開始有觀眾注意到我，見到我會嗌『一康』或『細佬』，有女仔走埋嚟叫我影相，又好怕醜話︰『你好靚仔』，真係好搞笑！」