其實二人拍拖已是眾所皆知，低調慣的戚其義亦冇再避忌。近日兩人已發展至同居階段，開工出雙入對，收工孖住買餸煮飯仔，比起年輕時，愛得更黐纏。
戚其義鬧市中不忘傍着簡慕華過馬路，盡顯細心一面。
低調同居
自從與邵美琪分開之後，金牌監製戚其義多年來的女伴不多，傳來傳去的女星，全是冇米粥。不過，港姐出身的簡慕華，與阿戚多次合作，日久生情，由八年前在《金枝慾孽》飾演張可頤身邊的小宮女，到今年一躍成為《4 In Love》的女主角之一，戲中更與金剛有一段情，戲份拍住佘詩曼和葉翠翠，其實簡慕華早已成為阿戚班底演員之一。早前就有指阿戚為陪她慶祝生日，在拍劇中途特別將放飯時間延長，只為陪她食晚飯切蛋糕，最近簡慕華更做埋女主人，登堂入室，自由出入戚家。
日前，兩口子有見及新劇《金枝慾孽貳》未開始趕工，下午時份拍住拖落街買餸，兩人在超市揀肉買蔬菜，主攻水果類，雖然日本貨傳出有輻射，但兩人仍邊睇邊揀，似是不擔心健康受損，不用半小時便買齊所需食品，然後徒步回家，似是為開派對準備。
戚其義與簡慕華雖然趁着空檔拍拖，但二人電話未停過。
早前《金枝貳》的造型活動，簡慕華企頭排，站在男友阿戚及陳豪之間，連幾位女主角都要靠邊站。
Orignal From: 金牌監製戚其義 拍拖逛超市
沒有留言:
發佈留言