退休生活
Hea爆唔想捱 童顏萬綺雯拒騷無綫
2012年03月14日
近期電視台挖角潮，搞到 TVB慌失失，連亞視棄將都成目標，前亞姐更是 TVB頭號對象。先有 96年冠軍陳煒最近高調過檔，參與重頭劇《金枝貳》，可是出動到樂易玲去游說的索腿「馬小玲」萬綺雯，竟然請 TVB吃閉門羮。
原來 98年憑《我和殭屍有個約會》短裙晒 42吋長腿一炮而紅的萬綺雯，十幾年前已拒絕過無 綫，如今愛 hea過養尊處優生活保童顏的她，更加話之你。
41歲童顏師奶
我好易養！真實對白
王維基的「城市電訊」新電視台去年展開挖角潮，無 綫成重災區，在缺乏演員的危急關頭下，決定向亞視演員招手，首要是甚得觀眾緣的幾位前亞姐如陳煒、萬綺雯等。今年初 TVB高層樂易玲更親自出馬，十級誠意請 41歲萬綺雯（蚊蚊）出山加盟，豈料蚊蚊依然唔睬無綫。
19歲亞姐驚艷
萬綺雯 19歲選亞姐，當年皮膚白滑，但 baby fat，結果輸畀翁虹得亞軍。
27歲長腿最索
41歲童顏萬綺雯上週四（ 8日）不施脂粉出現旺角，跟 14年前的索腿「馬小玲」（圖）相比，雖然 keep得算好但都有點師奶味！她表示：「暫時冇諗（拍劇）住。（演話劇）辛苦呀！諗住返 嚟休息。」《蘋果日報》圖片
撬足 14年
89年亞姐亞軍萬綺雯， 98年在亞視劇《我和殭屍有個約會》飾馬小玲跑出，據知情人士透露：「當年 TVB已秘密接觸蚊蚊，不過蚊蚊竟然用自己懶做理由，拒絕無 綫好意；幾年後無 綫又再搵佢，佢都唔肯過檔。」 08年離開亞視後轉戰內地， 3年內演過 3齣舞台劇，去年 12月演完《撒嬌女王》後回港休息。跟她友好及已過檔無 綫的陳煒，表示兩個月前聯絡過對方：「蚊蚊講過因為做完內地巡迴舞台劇想 唞吓，我諗佢唔係咁懶 嘅！」
08年同老公以 420萬在西貢買入全幢物業，現市值達 950萬，都幾富貴！
近年在內地發展的萬綺雯，依然靠騷 42吋長腿拍廣告搵食，又演出過 3齣舞台劇。
四圍遊
2千年同編劇陳耀輝（陳十三）閃婚，萬綺雯 8年後便離開亞視做少奶奶，不肯過檔無 綫，網上見她不時與老公開心遊埠， hea到極。
「食素好易養」
萬綺雯與傭人到旺角帶貓貓睇醫生，未生過 BB又食齋的她身材消瘦。
上週四（ 8日）本刊記者巧遇深居簡出的蚊蚊，就問佢挖角一事，她只輕輕帶過：「暫時全部都係好初步咁傾，暫時未有嘢可以講住，（陳生會否好大壓力？你唞咗咁耐？）佢冇大壓力，佢成日都話我好易養，我又食素。」而蚊蚊老公陳十三（陳耀輝）則在電話回應：「佢（蚊蚊）暫時冇工作，佢怕得罪人唔敢亂講 嘢，每間（電視台）都有合作機會 嘅。（係咪懶所以唔過 TVB？）懶又唔可以咁講，係就唔會上大陸做 嘢啦。」唔通人仔真係咁好賺？ TVB要出手闊綽 啲至得喇！
過檔陳煒賣口乖： TVB係紮實啲
萬綺雯 hea爆避世，剛簽約 TVB的 38歲前亞姐陳煒則非常活躍，有份拍《金枝貳》之餘更頻頻上《五覺大戰》、《玄美人生》等綜藝節目，樹大好遮蔭果然唔同 啲！
上週二（ 6日）陳煒對本刊記者表示，無 綫及王維基都有接觸過她，最終選擇了 TVB：「我 5年冇拍劇喇，最初係 TVB嘅監製文偉鴻搵我，佢話 4月開套時裝劇，一睇個角色就諗起我，所以搵我過去。我考慮過覺得 TVB係紮實 啲，王維基 嗰個始終係新台，所以揀 咗無 綫。（ TVB重金挖你？）價錢唔好講，合理滿意啦！」陳煒出山，繼續避緊世 嘅萬綺雯仲要諗咩呢？
曾貴為亞視 icon的陳煒一簽約 TVB即勁忙，新節目《五覺大戰》都預埋佢玩，又成晚表現勁 high好專業。
攞到 TVB新證，陳煒即興奮地在微博寫：「我張職員咭（卡）辦到了！」
拖手行
陳煒老公顏志行經營台灣上市公司，經常港台兩邊飛，難得本月 3日在港陪老婆睇林憶蓮演唱會， 2人拖手入場，非常甜蜜。
調皮打
紅館外有人向陳煒兜售螢光棒，陳煒調皮用螢光棒輕打老公額頭。
加入無 綫大家庭後，陳煒即接拍《金枝慾孽 2》，雖然只屬客串，但話晒係重頭劇，呢鋪明益陳煒。
Orignal From: Hea爆唔想捱 童顏萬綺雯拒騷無綫
沒有留言:
發佈留言