新獵物
羅仲謙嗒糖《 On Call》索醫生：佢好姿整！
2012年03月14日
想喺電視台做姐仔選美係最佳捷徑，仲要醒目識揀華姐參賽，家無綫當紅花旦陳法拉同鍾嘉欣就係最佳人辦。
華姐有運行，最近喺《 On Call 36》演護士晶晶嘅張慧雯，攞過「 2010年國際中華小姐」季軍兼有 34D迫爆身材，雖然要飾演純情護士谷住收咪，但單憑黑框眼鏡醫生 look已經令班毒男暈浪，仲連男主角羅仲謙都嗒糖，成日借機問張慧雯自己靚唔靚仔，可惜張慧雯話：「我唔鍾意男仔咁姿整。」楊怡聽到放心晒！
張慧雯 喺加拿大做過吓 part-time model，所以都識擺甫士，起碼唔會似港姐出身 嘅姐仔淨係識丁字腳甫士咁悶。
張慧雯為 2010年「中華小姐」季軍， 23歲女香港出世， 喺加拿大多倫多 Unionville High School視覺藝術系畢業，選美後同無 綫簽約 8年經理人合約， 喺《 On Call 36小時》首次拍劇，已經同羅仲謙、楊怡等有唔少對手戲。
張慧雯為 10年「國際中華小姐」季軍，雖然攞第三，不過有樂小姐力撐，好快就有劇拍，上位快過同屆冠軍岑麗香。
張慧雯咪神上圍加上 40吋長腿，又有 5呎 8，可惜拍照當日經理人全程睇實，想性感啲都難。但睇佢啲甫士，就知佢騷在骨子裏，絕對係女神級數。
樂易玲睇中
張慧雯首次拍劇唔使做布景板，全因背後有樂易玲力撐。張慧雯說：「我聽德哥（監製潘嘉德）講，話有次 喺走廊見到樂小姐揸住我張相，樂小姐話你（德哥）一定要識呢個女仔，好靚 㗎，佢喺《華麗明星賽》做 Star Ladies，之後德哥就即日見我。」
其實張慧雯之前 喺《華麗明星賽》初露 34D時，已經被高登仔睇中，連佢自己都話：「多謝網友留意，論身材點及高 Ling（高海寧），我只係外國身材 啫。」唔只巴打 like，連同劇 嘅羅仲謙都嗒糖，她說：「阿謙佢教我背稿，要先揀 啲重要 嘅字記，不過佢好貪靚㗎，成日問我靚唔靚仔，每次拍完睇 playback，佢都問『點呀，靚唔靚呀？』都唔知畀咩反應好？我唔鍾意太姿整嘅男仔！」
猛男唔 啱，之前被週刊拍得她同富商王志榮食飯，她說：「佢只係我親戚 嘅朋友，佢帶我認識吓香港 嘅地方，嗰次影到話我拖佢，其實嗰晚好多人㗎，同埋我唔會揀一個咁大年紀 嘅人做男友， 50幾喇，不過佢係一個好聰明 嘅人。」靚女果然多 uncle錫！
巴打對黑框四眼妹情有獨鍾，之前黃智雯 喺《搜下留情》係四眼，今次張慧雯 喺《 On Call 36小時》又係憑四眼 look彈起。佢話：「德哥話戴咗斯文啲喎！」
張慧雯早前 喺旅遊節目《勁食日本一》浸溫泉，雖然冇高 Ling當日泥漿浴咁爆，不過都有唔少網友話正。
張慧雯選完華姐，即刻有工開，多得樂易玲中，佢話：「好多謝樂小姐介紹我畀德哥（監製潘嘉德）。」《蘋果日報》圖片
張慧雯做過《華麗明星賽》 Star Ladies，除 咗 34D身材成網友新寵外。當日認錯蘇康做梁漢文，亦成為笑料。《蘋果日報》圖片
輪椅大隻仔挑羅仲謙機
《 On Call 36》除 咗索醫生晶晶張慧雯上位外， 喺劇中做馬明細佬 嘅輪椅仔魏焌皓，亦要留意。訓練班出身 嘅魏焌皓，今次有監製潘嘉德力撐， 喺新劇戲分唔少。雖然劇中傷殘，但實情魏焌皓相當結實，拍得住靠賣肌肉 嘅羅仲謙。上年 8月《 On》劇 喺西貢取景，魏焌皓就因天氣太熱爆衫唞咏，搞到同場羅仲謙都唔敢除衫！
魏焌皓鋼條身形，加上係無綫自家培訓，有望簽到做親生仔！
魏焌皓 喺劇中做輪椅仔，照計冇可能咁大隻，不過女粉絲應該唔介意。
採訪、撰文：林通賢
攝影：范仲良
化妝： Janice Chan
髮型： Terence@ Hair Festival Walk
形象： Byran@ the Flaming
服裝： Rosebullet
Orignal From: 《On Call 36小時》索醫生張慧雯 輪椅大隻仔魏焌皓
沒有留言:
發佈留言