憑「翻版羅仲謙」封號突圍而出的魏焌皓（Nathan） ，因於《On Call 36小時》飾演傷殘人士，所以全劇都要坐輪椅，最後更意外死亡，不幸地，結實胸肌無用武之地！唔緊要，記者即邀約每周勤做三天運動的他，於鏡頭前大晒40吋巨胸，加埋俊樣，問你死未？Nathan算係半個健身教練，在健身室做推肩及舉啞鈴等擴胸運動，十分鐘唔使已大汗疊細汗，順手拉起背心抹汗，WOW，六塊腹肌盡入眼簾。「我以前係瘦骨仙，瘦到連服裝間阿姐都話無啱我size嘅褲，所以喺《情越雙白線》中演蠱惑仔，點做都唔似可以兇到人，之後我就發憤，努力健身，操咗年幾都算有成績啦。」
脫貧有望
Nathan畢業於2008年第23期無綫電視藝員訓練班，曾演出多部劇集，「由細到大我都無錢，所以好自卑；而家係賺到人氣，個個都叫我做一康，甚至有少女衝上前要求合照。不過，仍然無乜錢，我要交租、畀家用屋企，平日要慳住使，我目標好低咋，只要養到屋企人，揸到部爛車就夠。」唔怪得做完運動後，Nathan只能去大排檔醫肚，據知無綫有意同佢改簽經理人合約，相信魏焌皓好快會「脫貧」。
Nathan拉起背心抹汗，六塊腹肌盡現。
以前是瘦骨仙的Nathan，為了飾演蠱惑仔而健身幾年，現在總算有點成績。
Nathan每周勤做三日健身，操弗身形。
做完運動都只去大排檔醫肚，Nathan真係慳家。
Orignal From: 《On Call》憑死上位 一康魏焌皓挑機羅仲謙
沒有留言:
發佈留言