2012年3月16日星期五

羅仲謙暗中夾楊怡八字 神婆娟姐:唔會揀呢個

忽然1周 第868期

娛一叮


記者放蛇 羅仲謙暗中夾楊怡八字 神婆娟姐:唔會揀呢個


2012年03月16日

有樣有肌的羅仲謙去年拍攝《 On Call 36小時》搞掂久旱楊怡,二人拍拖九個月,雖多次被斷正,但為保事業,二人夾定口供,宣稱對方只是好朋友。

有幸黐到花旦級楊怡,羅仲謙為箍實女友,除了買戒指送花冧女外,上月更秘密拜訪出名睇三世書的神婆娟姐,更攞埋女友的出生時辰八字夾姻緣。上周五( 9日),記者就此事放蛇問過娟姐,她承認羅仲謙曾幫襯,更斷言「羅仲謙最終唔會揀呢個。」

雖然娟姐唔睇好,但楊怡羅仲謙卻愛得癡纏,女方去年更一擲 617萬,買了位於電視城附近的「領都」千呎單位,準備與男友朝夕相對。

周一( 12日),楊怡和羅仲謙宣傳《 On Call 36小時》時表現尷尬,全程扮唔熟。在記者多番要求下,二人才大方企定合照。
周一( 12日),楊怡和羅仲謙宣傳《 On Call 36小時》時表現尷尬,全程扮唔熟。在記者多番要求下,二人才大方企定合照。

部分記者離開後,楊怡和羅仲謙開始放下戒心,更忍唔住咬耳仔打情罵俏。
打情駡俏
部分記者離開後,楊怡和羅仲謙開始放下戒心,更忍唔住咬耳仔打情罵俏。

上月有人目睹羅仲謙鬼祟到隱世神婆娟姐位於佐敦的神壇批命。娟姐有不少明星客仔,專門幫人查解三世書和批命,楊千嬅、袁詠儀等都有幫襯過。「嗰日羅仲謙頭戴 cap帽,上到嚟之後一直頭耷耷,冇乜人認到佢。佢冇特權可以優先見娟姐㗎,都要喺大廳等咗十分鐘。」知情者話。

微博傳情


《 On Call 36小時》本周進入結局篇,飾演魚仔的楊怡,不幸患上重病要做手術,劇中暗戀她的洋葱(羅仲謙)近日就在微博話要做楊怡的守護天使,兼上載合照,借劇傳情,非常肉麻。




催旺姻緣


據知,羅仲謙當日甫見娟姐先查問自己流年的事業運,繼而將女友楊怡的時辰八字告知娟姐,夾下自己和楊怡命中有冇註定姻緣。「佢好緊張自己同女朋友條命有冇相剋,有咩方法可以催旺佢哋嘅姻緣,又問有冇機會同楊怡同居或結婚,總之諗得好長遠。」其實羅仲謙自去年被爆掌摑前度女友傅穎後,惡男形象現形,不過他依然有本事極速冧掂楊怡。而且楊怡形象入屋,羅仲謙有望借女友知名度令自己事業起死回生,所以對這段戀情份外緊張。

新屋升值百萬


根據土地註冊處資料顯示,楊怡去年 9月以 617萬買入將軍澳領都一個高層單位。現時單位市值近 700萬,足足升值近百萬,眼光算獨到。
根據土地註冊處資料顯示,楊怡去年 9月以 617萬買入將軍澳領都一個高層單位。現時單位市值近 700萬,足足升值近百萬,眼光算獨到。

根據土地註冊處資料顯示,楊怡去年 9月以 617萬買入將軍澳領都一個高層單位。現時單位市值近 700萬,足足升值近百萬,眼光算獨到。

楊怡的三房單位建築面積有千三呎,但實用只得一千呎,不過勝在所有睡房暫時都有海景。
楊怡的三房單位建築面積有千三呎,但實用只得一千呎,不過勝在所有睡房暫時都有海景。

周一( 12日),楊怡出席宣傳活動後,便坐無綫的小巴返回現時和母親同住的將軍澳中心
周一( 12日),楊怡出席宣傳活動後,便坐無綫的小巴返回現時和母親同住的將軍澳中心。

放蛇直擊


近日楊怡忙為《名媛望族》開工,未有時間拍拖,羅仲謙惟有和女助手食飯,醫完肚就揸車返大埔寓所,算乖仔
近日楊怡忙為《名媛望族》開工,未有時間拍拖,羅仲謙惟有和女助手食飯,醫完肚就揸車返大埔寓所,算乖仔。

上周五( 9日),記者以顧客身份,親身到娟姐的神壇拜會,在大廳等候了五分鐘後,終於見娟姐廬山真面目。年約五十多歲,中等身材的娟姐第一時間便叫記者提供時辰八字。記者聽了娟姐約十分鐘的批命後,便單刀直入問早前羅仲謙夾八字一事。她以半鹹淡廣東話說:「呢度真係有好多明星名人上過嚟,不過我唔方便講人咁多嘢!你知啦!我淨係要人哋啲時辰八字,唔需要知個名。係啲客同我講,先知道嗰個係羅仲謙!」記者提起羅仲謙當日夾楊怡八字一事,她則說:「佢同嗰位小姐嘅姻緣唔錯嘅!不過佢咁後生,最終唔會揀定呢個(楊怡)㗎喇!」

秘買大屋


雖然羅楊二人的戀情被娟姐睇淡,但足足冇拖拍兩年的楊怡,久旱逢甘露,一於少理。近日楊怡就以 617萬秘密買下將軍澳領都一個高層千呎單位,更有別以往和胞姊楊娜合資買樓的習慣,獨自孭起層樓。知情人士說:「無綫好錫謙仔,遲啲仲搵佢同汪阿姐拍劇做母子,住喺大埔嘅謙仔返將軍澳電視城當然唔方便啦!依家楊怡有層新樓咁近公司,佢哋 sweet嘅時間都多啲!況且楊怡依家仲同阿媽住,買新屋明顯就係想過二人世界啦!」
據知楊怡下月便要赴上海拍攝《名媛望族》,待七月拍完返港後,她才籌備搬住新竇。

楊怡:相處得舒服


記者多次致電楊怡及其經理人,截稿前仍未回覆。早前楊怡接受訪問時就大讚羅仲謙夠大隻,她說:「男仔都係身材健碩好,我哋大家都係同行,我唔排除拍拖可能,暫時相處得幾舒服。」
而問到羅仲謙是否幫襯過娟姐,他卻以「忙」為藉口,「而家咁忙邊有時間去睇呢啲嘢呀,我同楊怡係好朋友。」

睇通三世


羅仲謙秘密幫襯的娟姐,在娛圈中有一定地位。據知沈殿霞、林建岳等人亦是她的顧客,關菊英為了和同性密友 Willy拍拖, 09年就試過帶母親睇娟姐,希望娟姐可以「點化」其母。娟姐擅長睇三世書,只要知道時辰八字,就能睇穿顧客前世、今世和下世。娟姐每次只會接見客人二十分鐘,客人須事先預約,而收費亦悉隨尊便,最少$250一次。

上周五( 9日),記者放蛇幫襯娟姐,娟姐得悉記者時辰八字後,便立即揭開手上的三世書分析
上周五( 9日),記者放蛇幫襯娟姐,娟姐得悉記者時辰八字後,便立即揭開手上的三世書分析。

娟姐辦公室面積約五百呎,大廳更設有頗大的觀音神枱,俾善信上香。
大廳設神壇
娟姐辦公室面積約五百呎,大廳更設有頗大的觀音神枱,俾善信上香。

娟姐的辦公室位於佐敦吳松街置域大廈,樓下水牌沒任何指示,而正門的門牌才有「娟姐」兩字,非常神秘
正門隱秘

娟姐的辦公室位於佐敦吳松街置域大廈,樓下水牌沒任何指示,而正門的門牌才有「娟姐」兩字,非常神秘。

傅穎睇化


曾因自爆遭羅仲謙暴力對待,而遭公司雪藏的傅穎,已經痛定思痛。近日楊羅戀傳得甚盛,傅穎卻在微博自稱看透人生,相當弔詭。



32歲的楊怡與 28歲的羅仲謙,去年因拍劇撻着。男方冧招多多,女方鬼咁受落,二人更不時公開傳情,戀情愈來愈浮面。

姊弟戀浮面


32歲的楊怡與 28歲的羅仲謙,去年因拍劇撻着。男方冧招多多,女方鬼咁受落,二人更不時公開傳情,戀情愈來愈浮面。

雖然全劇組有份賀楊怡生日,但楊怡當日就只叫羅仲謙齊齊切燒豬。
雖然全劇組有份賀楊怡生日,但楊怡當日就只叫羅仲謙齊齊切燒豬。

1.暗撻期
二人去年 8月趕拍劇集《 On Call 36小時》期間,羅仲謙暗地通知劇組台前幕後,在錄影廠為楊怡舉行驚喜生日會。女方事後更於微博冧爆話:「多謝謙謙,今年生日好難忘,一點也不覺寂寞,好充實!」事後羅直認二人拍劇時投契。

二人拍拖燒嘢食雖被斷正,但楊怡面對鏡頭亦不禁露出甜笑。《壹週刊》圖片
二人拍拖燒嘢食雖被斷正,但楊怡面對鏡頭亦不禁露出甜笑。《壹週刊》圖片

2.約會期
去年萬聖節當日,羅仲謙被拍得由大埔寓所,揸車到將軍澳接楊怡,之後再到大埔 BBQ。當時有指二人於暗角位起爐,態度親熱,玩到凌晨五時半,羅才駕車送楊返回將軍澳香閨。


《 Face》圖片

3.傳情期
楊怡去年 11月返內地拍劇,羅仲謙特意轉用 iPhone 4並裝上通訊 apps Viber與 WhatsApp,更於 WhatsApp的 status打上「心錫羊羊錫心」的圖案。羅被踢爆以 WhatsApp傳情後更說:「我覺得姊弟戀冇問題,佢係個好女仔、好獨立。」


羅仲謙睇戒指時睇得相當投入,更不時對住櫥窗手指指。《 Face》圖片

4.浮面期
月初羅被拍得和助手去太古坊買大紮粉紅玫瑰,還到珠寶店睇過 10萬的鑽戒。事後楊怡雖然否認有收禮物,但仍冧爆說:「佢嗰隻鑽戒太細,自己會買大啲獎勵自己,唔鍾意叫人送,戒指要好有代表性。」

Orignal From: 羅仲謙暗中夾楊怡八字 神婆娟姐:唔會揀呢個

沒有留言:

發佈留言