郭晉安在新劇《東西宮略》享盡齊人之福，左擁陳敏之、右抱陳法拉兩位美人，但艷福不易享，戲內連場香艷出浴戲就浸到安仔頭暈眼花兼皺晒皮，難怪安仔謂大王唔易做。
郭晉安透露拍《東西宮略》期間，最令他難忘的是拍浸浴戲浸得頭暈眼花。
無綫當家小生郭晉安在新劇《東西宮略》中飾演鹹濕昏君，平日沉醉於陳敏之飾演的夏迎春的溫柔鄉，有事則向陳法拉扮演的鍾無艷解困，劇中安仔享盡艷福，戲內更少有地有多場出浴戲，有安仔為敏之沖涼、亦有敏之侍奉安仔，但原來卻是有苦自己知，安仔表示：「今次有五六場出浴戲，睇落就好爽，其實好慘，浸住兩三個鐘熱水，都浸到頭暈同埋皺晒皮。」
郭晉安表示以可愛方式演繹好色皇帝亦有一定難度。
郭晉安在新劇左擁陳敏之、右抱陳法拉，艷福不淺。
安仔戲內獲敏之侍奉「殘廢餐」，但最後卻要睇中醫收場，他說：「戲裏敏之不停咁餵我食提子，食到我係咁咳，最後中醫話我食得太多提子，大王真係唔易做。」
趁機享天倫之樂
安仔今次齊宣王的角色似乎並不討好，會否擔心惹來觀眾討厭﹖他說：「呢個角色傳統上係唔討好，今次監製嘅唯一要求就係要我令到呢唔討好嘅角色變得可愛，要求就得一個，但係就有一定難度，不過，劇本都寫得好好嘅，寫佢對陳敏之好專一，呢個優點可以發揮。」安仔指飾演的齊宣王雖然平日嘻嘻哈哈，但要演繹深藏着的攝人威嚴也是難度所在。
近期無綫小生成大陸劇的搶手貨，身為視帝的安仔當然不愁出路，原本他三月會到大陸拍劇，但因劇組延期開機，令他突然多了兩個月的空檔，除了趁機放假享受天倫之樂外，也可以到外地登台搵真銀。
採訪：影視組 攝影：鄭家俊
服裝、場地：Beauty & Youth United Arrows
林穎彤考演技精神分裂
加入無綫短短日子的林穎彤，最近接拍兩個劇集，一個角色是大放笑彈，另一角色卻喊苦喊忽，令她頓感精神分裂，更踢爆前輩謝天華嘲笑她喪喊的角色咁慘，「唔死都冇用」！
童星出身的Bella，深明花無百日紅，故努力自我增值。
無綫小花林穎彤（Bella）在新劇《東西宮略》中，飾演齊國大王郭晉安的妹妹田芸公主，與史官梁烈唯譜出爆笑戀情，她說：「因為我唔想嫁去燕國，一出場就詐癲扮傻，後來我同唯唯邂逅仲私奔添！」她自爆為《東》劇獻出不少第一次：「呢套係我第一套喜劇、古裝同重戲份嘅戲，所以對收視好有期望。」並指不少幕後人員大讚《東》劇好看，為她打下強心針。問到會否打算穿三點式慶功？她笑自己「冇料到」：「係都留番畀法拉啦，話晒好睇啲！」
演公主的林穎彤與梁烈唯玩私奔。
林穎彤（左）與朱晨麗在《名》劇中飾演失散姊妹。
謝天華取笑
雖然在《東》劇放笑彈，但Bella卻在另一劇集《名媛望族》中變「喊包」：「我喺《名》劇同朱晨麗飾演失散嘅姊妹，但我係啞嘅，仲畀人賣咗落妓寨做『琵琶仔』，後尾吳卓羲救番我出嚟，本來打算以身相許，可惜食檸檬。」面對超悲情角色，她坦言感到精神分裂：「《東》劇同《名》劇差唔多時間拍，但角色遭遇係天堂與地獄，前者溫馨搞笑，後者喊到眼都腫。」並笑言與朱晨麗為了效果好經常谷淚，最後雙雙喊到變「大細眼」，她說：「Laughing哥（謝天華）仲笑我個角色咁慘，唔死都冇用！」
完美主義者
除了忙拍劇外，Bella亦希望在主持界站穩陣腳，更希望如曾志偉般轉數快，她說：「主持好難做，要講急才同內涵，志偉哥真係典範。」年紀小小的她自言危機感十足：「螢幕上嘅形象可能好搞笑，其實私底下係完美主義者，成日『匿』埋一邊咪劇本，好多嘢諗架！」
場地：金玉滿糖
髮型：JJ@Xenter
化妝：Rita Leung@Imagine Art
文、攝：阿彭
Orignal From: 郭晉安鴛鴦浴 林穎彤精神分裂
沒有留言:
發佈留言