TVB娛樂八卦雜誌: 陳智燊興奮又緊張筍盤首當主角

2012年7月4日星期三

陳智燊興奮又緊張筍盤首當主角

陳智燊（Jason）雖然勁得女性觀眾歡心，被喻為繼陳豪後另一「筍盤」，亦是廣告商寵兒，可惜在劇集《衝呀！瘦薪兵團》仍是飾演配角，不過最近他已升呢，有機會在新劇《幸福摩天輪》中首度擔正男主角，他接受本報訪問時，坦言既興奮又緊張，並會加倍努力報答大家支持。

撰文：杜淑霞　攝影：徐錦池　場地：OUT OF STOCK

陳智燊（Jason）繼去年在處境劇《誰家灶頭無煙火》擔任第二男主角後，今年再度升呢坐正男主角位置，拍住師姐鍾嘉欣演出新劇《幸福摩天輪》。以34歲之齡才正式上位，Jason當然不容有失，所以壓力特別大。

擇偶不重外表

Jason不違言最難擺脫是以主持口脗講台詞的習慣，「正式開工前幾日真係好緊張，後尾開工日推遲咗，多咗小小時間準備，放鬆番啲就無咁緊張，但係始終有時會用咗主持方式講台詞，雖然係順暢，但就會冇咗感情，所以成日要提醒自己，好在導演都有提醒我，依家好咗好多，我會繼續努力，希望唔會令大家失望啦！」

連新拍劇拍檔鍾嘉欣都認同Jason為「筍盤」，對於勁得女士歡心，Jason即尷尬大笑說，「呢啲都係人哋啫！我諗只係形象健康，所以先會多得大家支持啫！」對於「筍盤」的擇偶條件，會否就像緋聞女友宋熙年一樣達選美級數，他解釋說，「我同熙年只係好朋友！我揀女朋友，最重要心地善良人品好，外形真係無所謂，就算180磅都OK！如果好靚心地差都無用。」

34歲才正式上位，陳智燊Jason壓力特別大。