頭啖湯
阮兆祥搶閘扮 Meiling
2012年07月05日
福祿壽今年二月踩紅館舉行完《那些年，笑死不離三兄弟演唱會 2012》後，決定暫時拆夥，各自搵食。阮兆祥轉 channel做小生，一劇接一劇，嚟緊又夥拍薛家燕主持飲食節目。
小別之後，福祿壽落實台慶（十一）月重組，並構思好以《盛女愛作戰》做藍本，祥仔更霸定婚姻介紹人吳美玲（ Meiling）是必扮首選。夾都無咁啱，廣告商搵上門要他扮 Meiling，難抗金錢誘惑，阮兆祥頭盤先食。
我哋最似係個鼻！（設計對白）
在廣告中叫「 mei-ing」的阮兆祥，大談搵完美情人的要訣同心得。
搶先一步
廣告商大嚿錢送到門口，阮兆祥為了活化 Meiling，拍劇百忙中抽空翻煲《盛女愛作戰》，專注留意 Meiling的一舉一動，甚至在網上搵落一堆硬照，供化妝、髮型師參考。
「 Meiling小姐個眼窩比較深，個鼻哥窿又豐滿，我同化妝師研究過，要喺呢兩個位做多啲手腳。」阮兆祥說。
化好晒妝，食住沙律當午餐的阮兆祥，遠睇依然同盧覓雪孖生一樣，不過一埋位講對白，就好似撞嘢咁，十足 Meiling上身，加上對白抵死，令在場工作人員頻頻爆笑；因為現場收音，結果頻頻 NG。
祥仔覺得自己「翁」起個鼻的神情同 Meiling最相似。
未上晒妝，睇落似盧覓雪的阮兆祥，同工作人員即場研究正版 Meling的化妝手法。
喂你問過我未？（設計對白）（《忽然 1周》圖片）
初扮 Meiling，阮兆祥說心情矛盾，一方面覺得有新鮮感，但亦有失望。「我哋（福祿壽）度咗啲嘢做台慶，其中一 part就係要做福祿壽版嘅《盛女愛作戰》，思捷唔使講一定係扮 Santino，我就一早 mark咗扮 Meiling，冇諗過廣告商都諗到，台慶再扮新鮮感會冇咁大！」
有排忙
阮兆祥有份孭飛的《衝呀！瘦薪兵團》，今個星期將進入結局週，播映以來收視比起陳豪秋官孭飛的《心戰》更佳。
一劇接一劇，拍罷新劇《法網追擊》後，祥仔會夥拍薛家燕主持飲食節目《皆大歡喜之溏心風暴》，然後便會集中為台慶月推出的四集《福祿壽》度橋開會，荷包同人一樣，脹！
去年台慶孭重飛的福祿壽，今年台慶將復合演出，暫定以早前熱爆的《盛女愛作戰》作為扮嘢藍本。
彷如孖生的祥仔同盧覓雪，曾兩度合演姊妹花，去年賀歲片《我愛 HK愛心萬歲》便是其中之一。
今年二月福祿壽於紅館開完演唱會後，暫時拆夥，各自搵食。
轉行做小生的阮兆祥，正與楊怡合拍《法網追擊》。
Orignal From: 阮兆祥搶閘扮Meiling
沒有留言:
發佈留言