2012年7月10日星期二

遊捷克見家長 羅鈞滿溝上位索主播張文采

FACE週刊 第268期

高攀愛情


遊捷克見家長 TVB蛋散王 越級溝上位索主播


2012年07月11日

上年神劇《天與地》播出後,幾位少年版彈起,做林保怡版的「少年鼓佬」羅鈞滿開始有人識,今年更連踩六劇,最近亦在《護花危情》拍住男角黃宗澤做保護證人組,不過發揮有限位未上。

事業起步慢,但愛情方面絕對係贏家。上月中,羅鈞滿與 TVB上位索主播張文采同遊捷克及德國兼見家長,上週五,張文采報完天氣,連衫都唔換,火速赴約跟羅鈞滿拍拖食飯,甜密拖手勁溫馨。越級溝掂索主播,羅鈞滿話自己係「有恆心」兼要「排除萬難」,你估女神咁易溝咩?

羅鈞滿和張文采
拍拖覓食
上週五( 6日),同遊捷克的羅鈞滿和張文采返港一星期,二人放工後拖實到圓方食飯。雖然夜晚 8點幾,商場人流極旺,不過二人毫無避忌,大方拖手搵餐廳。

比 28歲羅鈞滿細一歲的主播張文采,講天氣亦學足師姐黃婉曼咁跳脫,一句「又係張文采陪大家睇天氣」,令宅男中晒毒,現時張文采更擢升為六點半新聞主播,兼負責互動新聞台午間主播。

正播映的《護花危情》,羅鈞滿做 Bosco下屬,之後仲會追樂瞳,戲分算多啦!
正播映的《護花危情》,羅鈞滿做 Bosco下屬,之後仲會追樂瞳,戲分算多啦!

報天氣出身的張文采,由於外表清純標致,被網友大讚靚女。
報天氣出身的張文采,由於外表清純標致,被網友大讚靚女。

拍拖觀禮


上月 19日(週二),羅鈞滿家姐結婚,並於捷克舉行婚禮。當時一齊飛捷克的除了羅及家人外,女友張文采亦陪同在側。 Sweet到爆的歐洲之行雖然短短一星期,但張文采已見過男友家長,實行當正一家人。

回港後,二人各有各忙,但於上週五( 6日),做完天氣報告的張文采,衫都冇換即會合早在藍田等候的羅鈞滿,再前往圓方食飯兼拍拖,其間兩人不避嫌拖手行街超甜蜜。
對於越級溝掂上位女主播,羅鈞滿回應亦甜到漏。

F:《 FACE》 羅:羅鈞滿
F:你哋一齊幾耐呀?
羅:只可以話係緣分,而且要有恆心,呢啲嘢男方要努力啦,我都要排除萬難㗎,哈哈哈!我哋喺埋一齊年幾啦!
F:你哋去旅行見家長喎?
羅:哈哈哈,冇呀,佢去德國、我去捷克,其實我冇刻意避忌,女朋友嚟㗎嘛!
F:怕唔怕同女友有距離呀?
羅:吓?唔會嘅,我哋唔講呢啲嘢嘅!不過佢做嗰行(主播)有形象,我就唔緊要,幫我錫住佢啦!
F:見微博你哋去旅行,啲相係雙人床,仲有隻男人腳,你哋一齊瞓?
羅:嗰個真係唔係我嚟㗎!係佢細佬,佢哋好 friend會一齊瞓㗎,總之唔係我啦!
同女友去吓旅行同房好平常啫,唔使咁驚喎!

羅鈞滿和張文采
繑實挨埋
行咗一陣,二人已揀定心水餐廳,不過張文采好似好攰咁成半邊身挨晒落男友度,仲要繑住佢添!

羅鈞滿和張文采
Sorry,可唔可以唔好影啊!(真實對白)
騰雞即閃:撐完枱腳,二人拖手離開,點知見到記者嘅張文采嚇到眼都大埋,馬上甩手彈開,仲叫記者唔好影。

羅鈞滿和張文采
食包留影
平時正經報新聞的張文采,食飯時,忍唔住叫男友影低佢嘅食相。

羅鈞滿和張文采
溝女戰車
10年台慶筆橫財,羅鈞滿買入這部 Audi作為戰車。上週五( 6日)當晚,張文采報完天氣後,羅鈞滿揸埋車接女友收工,雖然羅的座駕為舊款,但有人接,女友一樣坐到四萬咁口。

羅鈞滿和張文采
拍《點解阿 Sir係阿 Sir》時,其中有 K-4成員曾與樂瞳傳出緋聞,但羅鈞滿就免疫,皆因當時羅已溝掂索主播張文采。

微博穿崩


秘密拍拖一年多,羅鈞滿和張文采戀情低調。今次羅的家姐結婚,二人樂極忘形上載照片到微博,不慎露出馬腳。

羅鈞滿和張文采
同步打咭
上月 25日(週一),二人從捷克抵達德國,二人開心到馬上打咭兼上傳照片,而且打咭地點相同。

張文采
同床露腳
一抵埗捷克,張文采已急不及待 post相,其中一張就影到床上雙男人腳,但羅鈞滿死撐話:「隻腳唔係我㗎,係佢細佬㗎!」兩姐弟一齊瞓,有冇咁 friend呀?

男「奀」女「上」


羅鈞滿和張文采同於 09年加入 TVB,雖然二人於不同部門出鏡,但在嶺大讀政治系的羅鈞滿勝在同女神有共同話題,珠海新聞系畢業的張文采,喺 TVB新聞部缺乏小花下扶搖直上,反而男方浮浮沉沉,一直處於三四線。

張文采
坐正報新聞
今年 3月,張文采被 TVB調往翡翠台六點半時段報新聞,亦報新聞台天氣。由報天氣跳到做主播,大把前途。

張文采

羅鈞滿
《法證》拍可頤
於《法證先鋒Ⅲ》飾演法醫孫嘉軒,為張可頤下屬,雖然都係行行企企,但勝在多啲同前輩嘅對手戲。

羅鈞滿
《天與地》扮鼓佬
去年為全城熱話的《天與地》,羅鈞滿雖然演鼓佬林保怡的年輕版,不過出鏡一樣唔多。《蘋果日報》圖片

羅鈞滿
台慶大豐收
10年台慶,羅鈞滿被抽中成為 20萬免找數簽賬額得主的幸運兒,有筆意外之財,想點使都得啦!

Orignal From: 遊捷克見家長 羅鈞滿溝上位索主播張文采

沒有留言:

發佈留言