2012年3月6日星期二

拍拖9個月玫瑰攻勢羅仲謙定情鑽戒箍楊怡

FACE週刊第250期

封面

拍拖 9個月玫瑰攻勢　羅仲謙定情鑽戒箍楊怡

2012年03月07日

28歲靠肌上位羅仲謙，曾經被指腳踏 13船兼疑似虐打前女友傅穎，搞到要開記招認錯，一度成為女性公敵變暴力謙。

個底花晒，但巨胸謙依然有本事冧掂 32歲花旦楊怡。兩人拍拖 9個月，多次斷正，雖然有指楊怡對男友 check得太緊，而且需索過大，令謙仔頂唔順要出走杜拜唞氣，但實情謙仔已改過自新，對楊怡錫到燶。週一（ 5日）謙仔同楊怡出席完新劇宣傳，撇甩對方靜靜雞睇鑽戒，實行用超級「誠意」將大把人追的楊怡箍實。

拍拖9個月玫瑰攻勢羅仲謙定情鑽戒箍楊怡

睇親 10萬
謙仔睇鑽戒睇得好認真，全部過 10萬，其中佢對一隻價值 10萬幾嘅 4C級（全美級鑽石）戒指最有興趣。話晒女友係當家花旦，冇番咁大粒點襯得起佢呀？

被前度傅穎數臭的羅仲謙，被指脾氣暴躁鍾意郁手郁腳，傅穎更向傳媒展示 pat pat瘀傷暗示被打，乖仔形象一鋪清袋。

拍拖9個月玫瑰攻勢羅仲謙定情鑽戒箍楊怡

拍拖宣傳
羅仲謙同楊怡週一拍住拖宣傳新劇，可以寓工作於娛樂，楊怡開心到動作多多，唔使講都知道兩個有幾 sweet！

拍拖9個月玫瑰攻勢羅仲謙定情鑽戒箍楊怡

楊怡一向鍾情肌男，羅仲謙有 40吋巨胸做撒手鐧，如果加埋隻過 10萬鑽戒，就算係一線花旦都走唔甩啦！

隔空互冧

睇完戒指買完花，羅仲謙晚上再到將軍澳跟伯樂《 On Call》監製潘嘉德飯局。

疑似打女友，好在謙仔後台夠硬，冇俾公司雪藏之餘，連續兩套劇都幫謙仔成功洗底，上年拍《 On Call 36小時》更與同劇對手、比自己大 4年的楊怡撻着，升呢食花旦。

行埋大半年，堅稱只係好朋友的二人近日不停借記者支筆隔空互冧，先有謙仔撐楊怡冇整容，「我睇過佢以前啲相，同近距離睇過，覺得冇分別好自然！」事隔幾日又到楊怡讚男友夠大隻，「我摸過佢，佢好勁，我喺後面摸佢，佢唔知㗎！」熱戀中情侶果然好難隱藏。

一向冧女唔怕肉麻的謙仔，曾經在 WhatsApp的狀態欄加上「錫羊羊」表情符號，單方面向好友公開戀情。姊弟戀穩定，但可惜據知楊怡日日開工忙到死，平時靠短訊電話維持難免擔心牆角被人撬，好在細心謙仔近日已密謀向女友送上驚喜。

低調熱戀

羅仲謙和楊怡於去年 6月拍《 On Call 36小時》撻着，二人雖然打得火熱，但咁耐只一次跟大班朋友 BBQ斷正，據知二人平時甚少出街拍拖，二人低調有共識，知情者說：「楊怡成日開工好忙，而且佢根本唔鍾意出街，就算兩個見面，都會揀留喺屋企，所以好難影到。」

拍拖9個月玫瑰攻勢羅仲謙定情鑽戒箍楊怡

自從去年 11月遭雜誌踢爆二人拍拖後，兩人一直小心謹慎，只係羅仲謙一次唔小心於微博上載一個意思為「愛羊羊」的公仔符號，被指是冧楊怡所為。

拍拖9個月玫瑰攻勢羅仲謙定情鑽戒箍楊怡

拍劇撻着
楊怡和羅仲謙因拍攝《 On Call 36小時》撻着，雖然期間有傳羅仲謙偷嗒同劇的黃智雯，但仍無損兩人感情。

拍拖9個月玫瑰攻勢羅仲謙定情鑽戒箍楊怡

iPad揀花

睇戒指前，謙仔先去鰂魚涌 agnè s b.花店買花，其間店員遞上 iPad畀謙仔揀款，謙仔睇到眼都唔眨，非常專注。

拍拖9個月玫瑰攻勢羅仲謙定情鑽戒箍楊怡

笑住走
$1,680粉紅玫瑰
買咗一紮 24枝、價值$1,680嘅紅玫瑰，謙仔笑住走人，睇嚟楊怡收到肯定冧晒！

堅持地下

胸肌爆
羅仲謙喺《飛虎》入面除咗揸槍扮型，仲要同袁偉豪、王浩信等大隻仔日騷肌吸粉絲。

週一（ 5日），謙仔與楊怡一齊出席《 On Call》宣傳活動，兩人全程唔避嫌排排企，又孖住接受訪問。之後謙仔賣甩楊怡，獨自同助手去太古坊 agnè s b.買花，謙仔諗都唔諗便用$1,680買了一大紮粉紅玫瑰，然後轉去附近珠寶店睇戒指。主攻鑽石系列的謙仔企喺櫥窗手指指睇足 5分鐘，仲要隻隻起碼一卡過 10萬，謙仔氹女果然落足本。
揼本睇定鑽戒，但據知謙仔堅持唔會將戀情浮面。知情人士透露：「上次傅穎單嘢搞到謙仔一頭煙，佢話以後拍拖一定要低調，尤其係同圈中人就更加要避忌！難得公司唔反對佢同楊怡一齊，謙仔自己都好保護呢段感情，所以淨係同圍內班好朋友講，咁楊怡又唔想男友俾人話博宣傳，兩個咪一早夾晒口供打死都唔認！」
之後羅仲謙再到將軍澳跟監製潘嘉德飯局時，本刊問他是否揀定鑽戒畀楊怡時，羅只說：「唔係！唔係！睇吓啫。」說完便急步閃。