Mag及緋聞男友羅孝勇、「超級巨聲」二幫成員陳國峰、謝東閔及胡鴻鈞，跟電台監製梁志光（光仔）因工作關係而結成好友，閒時傾電話、約飯局、打羽毛球，感情要好，聞好友光仔將出書，五位年輕偶像為表支持，齊齊「捨咪」為光仔的新作執筆。
「小巨肺」林欣彤因聲帶疲累，須停工針灸。
聲帶疲累停工3周
日前Mag受訪時，因聲帶出現問題，只能發出微弱的聲線，她說：「醫生話我把聲太攰，依家失咗聲，要停工3個星期，西醫冇畀藥我食，不過我另外有睇針灸做治療。」問她是否經常與「超級巨聲」二幫歌手聯誼？她坦言和羅孝勇等曾相約打羽毛球，不過對打機會不多，她解釋：「因為我條腰有舊患，唔可以做劇烈運動，我多數只係打一陣，或只係睇佢哋打。（羅孝勇有冇讓賽？）佢哋全部都有讓我。」
羅孝勇無懼緋聞，相約林欣彤打「友誼波」。
梁志光（前排中）出書，五位巨聲幫瞓身支持。
謝東閔（左起）、 陳國峰、羅孝勇及胡鴻鈞行埋冇時停。
Mag和羅孝勇齊為好友的新書繪畫，問她可擔心緋聞傳得更勁？她不在乎謂：「冇所謂，唔怕。」
姊弟同房不可思議
Mag又謂愛跟光仔傾心事，連自己的私隱也不怕跟他分享：「我有同光仔講，我同胞弟感情好好，依家我咁大個女，都堅持同弟弟瞓同一間房，光仔覺得我不可思議。」
至於羅孝勇、陳國峰、謝東閔及胡鴻鈞則說雖然和光仔年齡上有段距離，但彼此間絕無代溝，有感光仔是資深廣播人，故經常向他詢問意見，不過因光仔要凌晨時分才收工，故欲和光仔傾電話必須要捱眼瞓，待凌晨1時後可通電。
Orignal From: 林欣彤針灸治療聲帶 負傷與羅孝勇開波
沒有留言:
發佈留言