直至近年，嘉年終憑《巾幗梟雄》系列的敗家仔必文和排骨仔角色上位，雖然事業略見曙光，但隨即惹上不少是非及緋聞，去年被哎吔師傅冼灝英掟爆眼眉後，又先後與兩位人妻梁靖琪和江美儀傳緋聞。為向女友派定心丸，早前竟向傳媒透露自己好鍾意小朋友，並計劃明年成家立室，似乎是想將地下情公開。
昨日傍晚，嘉年與女友在銅鑼灣時代廣場的City Super超市行街，嘉年戴上招牌賊仔帽，與女友同穿黑色外套，口味一致。可能是擔心被途人認出，二人全程表現避忌，沒有親暱動作，但卻非常合拍，嘉年負責拿購物籃兼買醬油，而女友則到凍肉櫃位買雞肉及火腿，似乎是想趁聖誕節將至，整一頓豐富晚餐撐枱腳。
由於傍晚時份排隊付錢的人較多，嘉年為免女友等得太久，細心地先行到收銀處排隊，女友則繼續「血拼」，見排到差不多才攝位畀錢埋單。買完餸，二人便乘扶手電梯到上層，沿途有傾有講，見其女友突然鼓起泡腮向男友撒嬌，嘉年則耐心聽女友說話，沒有駁嘴。據悉二人早在北角共赴同居，二人行去禮頓中心取車時終放下防線，女友一邊行一邊掃男友背脊，場面溫馨。
Orignal From: 敖嘉年女友情侶裝搵食
沒有留言:
發佈留言