陳嘉桓上月在橫店被陳浩民醉攬一事曝光後，其師傅冼國林怒髮衝冠，揚言要報警處理，陳浩民得悉事態嚴重，急急造勢挽回形象，除偕太太蔣麗莎聲淚俱下開記者會及夫妻檔出巡晒恩愛外，囡囡陳雅薷出世時，他又揚言緊張到手震兼落淚，實行打「親情牌」博同情！眼見成效不大，他終於本月中出動撒手鐧，在《東方日報》刊登「公開道歉聲明」，並承諾捐款予護苗基金，終打動冼國林接受其道歉。
不會定死線
不過，醉攬事件原來還未告一段落，護苗基金創辦人蕭芳芳昨日出席基金活動時，被追問陳浩民捐款一事，她打趣說：「等咗呢條問題好耐！聽聞你哋畀咗啲壓力佢！」問到是否已收到捐款，她避重就輕，並向助手查問，然後說：「其實歡迎任何有善心嘅人捐錢畀我哋，實在有太多犯事嘅人冇被揭發，如果個個冇被揭發嘅人都捐，咁我哋就發達！希望由陳浩民帶動起捐款風氣！（覺得蝦女人嘅人都應該捐錢？）我哋只會理18歲以下嘅人，18歲以上嘅人有其他機構處理。」
活動結束後，記者致電護苗基金發言人查詢，發言人表示仍未收到陳浩民的捐款，陳浩民亦沒有主動聯絡，但他們不會定下「死線」要他捐款。
狂搵奶粉錢
對於被踢爆未兌現捐款承諾，身在橫店開工的陳浩民力撐只是時間問題：「捐款唔係聽日就後日，講過捐就一定捐，你估我仲係細路仔咩？我已經做咗爸爸，要做榜樣畀囡囡睇，依家妻女安康，要努力工作賺奶粉錢！」但問到捐款數目，他即表示交由經理人林查理處理。而林查理則指捐款已進行中：「浩民係個有承諾嘅人，佢話咗捐就一定捐。（捐幾多？）唔講得，做善事講心唔講金。（冼師傅話超過30萬？）唔講呢個問題喇！只可以話個數字同冼師傅有共識。」據知，陳浩民與馬德鐘一樣捐出30萬元。
Orignal From: 蕭芳芳踢爆 陳浩民無捐款
沒有留言:
發佈留言