今年台慶頒獎禮賽果無甚驚喜，胡杏兒封后沒有懸念，鄭嘉穎稱帝實至名歸，反而其他獎項競爭更形激烈！男女配角及男女飛躍僧多粥少，爭到頭崩額裂；而飛躍進步女藝人如此具競爭性，鵪鶉妹黃智雯（Mandy）向兩位大熱馬賽和樂瞳挑機，輸是必然，但她輸人不輸陣，還向得獎的馬賽報以深情擁抱，鵪鶉妹就是如此真實！
失獎對Mandy來說一早預咗，並非自己冇料，而是形勢使然，早已接受命運，她說：「真係一啲都唔失望！一個月前知道自己有提名都好開心，因為冇諗過會有機會入提名名單，今年拍嘅劇唔多，可能因為《怒火街頭》同《潛行狙擊》收視好啦！我知道今年一定係陪跑，馬賽好叻女，進步得好快；樂瞳又多人鍾意，一早都知道冇行，所以我真係好戥馬賽高興，呢個獎佢係應得嘅！」
唔識泊碼頭
口口聲聲話沒有戚戚然，其實Mandy心裏早有嘀咕，明白放長線釣大魚：「出年我有四套劇上，我係農夫，不斷耕作，希望下年可以收成！我唔知來年有冇運，但覺得應該有份再提名！我唔識乜嘢係泊碼頭，但觀眾眼睛係雪亮，你問我有冇信心攞獎？梗係有啦！」
做鵪鶉做得耐，這一刻Mandy要爆喇！並非鵪鶉妹不好，但電視城千人一面，像Mandy之流的小花俯拾皆是，懂得改善形象，向鵪鶉說不，就是她的新武器。Mandy說：「我形象就係太過鵪鶉，太局限做鄰家女孩同乖角色，知道咁樣好蝕底，所以問自己係咪唔好理形象豁出去呢？我知道係時候喇！所以嚟緊我唔做鵪鶉妹，我要做巴渣妹。喺新劇《缺宅男女》我要做梁烈唯嘅巴渣大肚老婆，恃肚行兇，周圍鬧人，唔好令人人只知道我淨係識乖。」
鬧爆苗僑偉
可是Mandy天生就是一隻鵪鶉，又何來惡得出樣？這倒是一個大難題，她說：「係！我性格係偏向鵪鶉，不過我都可以好放o架！當知道喺套劇連三哥（苗僑偉）都要鬧埋，真係有啲驚！不過唔理得咁多，對住佢咪當自己係三嫂囉！又或者當自己係八婆咁鬧佢，哈哈！三哥都話有啲驚！」鵪鶉妹原來一早已做過不鵪鶉的事，大家還記得她如何出身嗎？冇錯，Mandy曾參選07年港姐，這份勇氣，並非一般鵪鶉可以擁有，她說：「真係好多人唔知我係港姐出身！當然真係好想試吓自己得唔得！幾經抉擇，最終都係參選，都覺得自己叻。雖然落選，但我最少都可以因此入到訓練班，都唔錯吖！」的確，行得出這一步，就注定Mandy一生不會鵪鶉。
後記：救命之恩
又一例子證明Mandy並非一般的鵪鶉妹，因為要補訪問，小記臨時臨急電聯她，可是她一直在拍劇，未有帶電話在身。在失望之際，突然見到她的主動來電，還三扒兩撥完成整個訪問，她說話之快如電光火石，語音之鏗鏘，如珠落玉盤，令小記好生感激！
默默耕耘的黃智雯，期望明年可以「收成」！
黃智雯在《搜下留情》飾演「鵪鶉妹」而人氣急升。
黃智雯雖然敗於馬賽，仍大方結伴出席台慶夜慶功宴！
黃智雯以粗豪坐姿告訴大家不再做鵪鶉！
選美小花最爭戲
雖然近年選美競爭性大減，但電視城中當紮花旦大多是選美出身，從這條方程式看，Mandy一定有運行！
胡杏兒99年參選港姐奪得季軍，06年以肥田一角挑戰佘詩曼失敗，失落視后，今年捲土重來，憑《萬凰之王》奪最佳女主角。
陳法拉05年參選華姐奪得亞軍，天生麗質，加上形象討人喜歡，成為電視城內炙手可熱女星，可惜今年爭視后卻敗於胡杏兒！
馬賽是08年港姐季軍，加入無綫做演員，初時毫不起眼，至今年劇接劇成為搶手貨，終奪飛躍進步女藝人，她在台上特別感謝高層樂易玲，又笑又哭，成為一時佳話。
Orignal From: 黃智雯鵪鶉發爛渣
沒有留言:
發佈留言