謝霆鋒與張柏芝復合，身為母親的拉姑心情大靚，晚上與老公鬍鬚KONG在中環度除夕，談及鋒芝復合時她即笑笑口說：「今日唔講住，（係咪好開心？）咩都開心，日日都好開心。（佢哋進展如何？）唔知呀，不過見到佢哋身為爹哋媽咪，對兩個仔咁好就開心喇！」提到一對孫兒，拉姑還興奮得高舉V字勝利手勢說：「成日都見到呀！佢兩個不知幾好玩，又得意。」
拉姑與老公鬍鬚KONG拍拖賀除夕。
謝霆鋒風騷談復合
戴黑超及帽的謝霆鋒在司機陪同下離開寓所，甫見記者即友善地打招呼，剛睡醒的他顯得有點疲態，記者追問是否與張柏芝復合時，他即抵死地說：「我哋不嬲都咁差。」記者笑指兩人日前才合照，他拍拍記者膊頭，然後扮死說：「我好眼瞓。」隨即登上保母車直奔機場。
霆鋒抵機場後跟兩名助手會合，心情明顯大靚的他被記者追問：「你話同柏芝一向咁差係咪玩我？」霆鋒一度謝賢上身笑說：「新年係咪想開你齋！」相當搞笑，其後他認真地說：「咁佢始終係兩個仔o既媽咪，點都會見，我就係會講咁多。」
霆鋒趕抵機場準備前往江蘇出席跨年騷。
Orignal From: 謝霆鋒風騷談復合 拉姑舉V賀鋒芝復合
沒有留言:
發佈留言