今個聖誕節特別冷，正好給情侶們營造浪漫節日氣氛，不過跟錢嘉樂拍拖多年的盈盈，聖誕的二人世界就要換過「另一半」，盈盈說：「都係二人世界，不過唔係同嘉樂，我要拍《結．分謊@情式》，所以唔會出埠，因為爹哋媽咪會去內地旅行，留低 80幾歲婆婆，所以我去到邊都會帶埋婆婆。
盈盈續說：「我同嘉樂都係各有各忙，通常節日都係 family時間，要同屋企人一齊過，其實都可以唔冷落佢，可以一齊過嘅。」
談到結婚，湯盈盈坦言不想跟潮流，亦不會因別人催而結婚，但她笑言會有驚喜。
攝影：陳慧安
髮型： Jason of Xenter
服裝： KAREN MILLEN
場地： CENTRAL
盈盈聖誕會與男友及婆婆共享家庭樂。
多年來被催婚，盈盈坦言感到壓力。
口快呃咗阿姐
有份拍節目《明珠生活》的盈盈也乘工作之便，買定聖誕禮物給婆婆，至於嘉樂那一份，盈盈說：「都唔係年年送禮物畀佢，睇啱至買，冇話一定要節日至買。好似我同洪天明咁，大家講明唔使互相送生日禮物，唔使煩，不過……如果收到男朋友嘅聖誕禮物都開心㗎！」
盈盈在圈中人緣好，今年結婚的好友鍾麗淇、梁靖琪、呂慧儀、李思欣，甚至明年三月的周家蔚，姊妹團人選都預了她，特別是她鬼主意最多，專替姊妹們負責婚前狂歡派對。盈盈專負責替人贈興，自己又如何呢？她笑笑說：「我爹哋都有問我幾時結婚，阮兆祥咪教我答 5月囉，不過係唔知邊一年嘅 5月之嘛。 Toby（梁靖琪）結婚嗰晚，阿姐（汪明荃）問我幾時結，我原本諗住照祥仔教，答 5月嘅，點知口快快講咗出年，之後再講埋 5月，搞到阿姐以為我真係明年 5月結婚，嚇到我唔識答即刻走人，幾不負責任呀，哈哈哈……」
盈盈跟錢嘉樂早已是公開的一對，亦是大家最期待開花結果的一對。 資料圖片
經常幫好友做姊妹的盈盈（右一），最近就為梁靖琪（右四）的婚禮出力。 資料圖片
「唔想跟潮流」
今日是聖誕節，盈盈坦言希望獲男友送禮物。
與嘉樂感情穩定又屆適婚年齡，盈盈無時無刻都被追問婚期，她坦言：「其實都幾煩㗎，預咗畀人追問幾時到你，我成日都想諗啲有新意嘅答案。」那她與嘉樂可有結婚計劃？盈盈笑說：「冇喎，等佢求婚？係我未向佢求婚呀！又或者係我等緊盒飯，有飯食我至可以飯應囉！」
盈盈承認身邊不少人都向她催婚，只是嘉樂忙拍電影又將為無綫主持綜藝節目，盈盈似乎樂於被拖，難道就沒有時間結婚？盈盈說：「慢慢先啦，我都唔想跟潮流，好似為咗怕人催而結婚，唔想人哋畀壓力，呢啲係兩個人嘅事，唔催得㗎，或者我哋會畀驚喜你哋呢！」
樂做反面教材
盈盈在《天與地》中的揸車戲，引發網民尋根究柢她是否在停牌期間駕駛，這亦非盈盈意料之內：「始終呢件事（醉駕）當時係一單新聞，其實都佩服佢哋咁心水清。」雖然早前這些揸車鏡頭為盈盈帶來少許困擾，但她仍然輕鬆面對：「之前我都係喺呢啲節日出事，都好吖，提醒一下大家，千祈唔好學我，大時大節飲咗酒唔好揸車，犯咗法手尾好長，睇吓我就知啦。我都一路有提醒自己，唔可以再犯。」不過說到底，盈盈當然還是希望觀眾留意她的演出，而不是她有沒有出錯。
在《天與地》的駕車鏡頭成爭議話題，是盈盈始料不及的。 電視圖片
於《天與地》中，盈盈有一仔一女。 劇照
接受阿媽角色
至於在劇中做阿媽角色，盈盈接劇本前知道劇中女兒 15歲，兒子 8歲，覺得還可接受，誰知開工時才發現女兒真實年齡已有 20歲，兒子也 13歲，或者有不少女藝員感抗拒，但盈盈一下子就接受，還會向好方面去想，她說：「都 OK，因為個女嘅角色要識做戲，若果太細就演唔到，夜晚開工又冇咁多限制，對拍攝有幫助。」
長情請看：玩獎門人撻着
盈盈樂樂因上《獎門人》而成為戀人。 資料圖片
湯盈盈與錢嘉樂可說是由獎門人曾志偉撮合，之前盈盈一直有個圈外男友，而嘉樂亦與前女友李珊珊同居多年，直到 06年，嘉樂與珊珊情變分開，而盈盈又與男友分手，彼此回復單身，至 07年 10月，盈盈、嘉樂隨《獎門人》節目到台灣拍特輯，兩個玩得之人走埋一撻即着。
及後盈盈多次被拍得出入嘉樂的匡湖居寓所，惟二人均從未正式承認戀情，只稱兄道弟，就連身邊好友曾志偉、洪天明都幫忙掩護，但隨着拍拖多年，志偉等人亦不時玩公開踢爆，盈盈樂樂早已是公認的一對。
Orignal From: 有話兒：錢嘉樂求婚 湯盈盈飯應
沒有留言:
發佈留言