娛一叮
老公做國家隊經理人 姚嘉妮再佗第二胎
2011年12月30日
娛樂圈最近掀起一股生龍 B熱，歌星組代表有楊千嬅、陳慧琳同劉德華老婆朱麗倩，藝員組都唔輸蝕，有郭羨妮同陳自瑤，諗起都熱鬧。早前樂易玲透露大肚婆陸續有來，仲俾晒貼士大家：「呢位媽咪已婚，生過 BB，係 TVB藝員。」搞到全城競猜誰是大肚女藝人。
本刊收到消息，樂大媽口中這位媽咪正是姚嘉妮。本月 17日記者見姚嘉妮帶兩歲的囡囡 Kyra去機場接老公林祖輝，一向 keep住苗條身形的姚嘉妮，孕味甚濃，據知已懷孕兩個多月，暫停拍劇待產。而老公林祖輝早前又泊到好碼頭，在前體操王子李寧的「非凡中國」上市公司任高級副總裁，管理國家隊運動員。睇 嚟姚嘉妮可以專心相夫教子，做幸福少奶奶。
姚嘉妮與囡囡 Kyra齊齊穿上豹紋短靴，襯到絕。懷孕兩個多月的她，身形開始圓潤，一家三口在海港城購物近一粒鐘，囡囡有點倦意。
圈中生龍 B熱潮一浪接一浪，樂易玲早前被問及郭羨妮成功懷孕時，竟口快快再爆圈中還有一位女藝人有喜，這位再度有喜的媽咪，經本刊明查暗訪，謎底原來是姚嘉妮。「嘉嘉（姚嘉妮）同祖輝見囡囡都兩歲幾，已經返學，所以好想追多個。兩個月前知道成功有 咗，佢 哋都好開心，祖輝仲叫老婆暫時唔好接劇住，好好安胎。」知情者說。
母女接機
12月 17日早上 10時許，姚嘉妮帶住女兒，由西貢寓所駕車到機場接老公林祖輝，在機場大堂等了近半粒鐘。其間囡囡 Kyra嚷 着要媽咪抱，有孕的姚嘉妮惟有抱女兒坐欄杆借力。
抱實囡囡
林祖輝終於步出禁區，雖然一臉倦容，但見到老婆同囡囡精神晒，仲即時抱實個女唔放，一時之間冷落 咗老婆 㖭！
姚嘉妮與林祖輝 06年結婚， 09年誕下女兒 Kyra，明年將增添一名龍 B，大有可能湊成一個好字。
足三個月一定公布
記者致電姚嘉妮問她是否再度有喜，她笑住回應：「依家仲未講得住呀，到講得 嘅時候先再問我啦！未來一年我都唔會有劇拍，不過廣告同埋公開活動就會繼續做。」記者問她日後公開活動見肚，會否順道公布有喜？她說：「到時見肚都講得啦！」至於一早知道姚嘉妮有喜的樂易玲，亦回應說：「係囉，佢(姚嘉妮)都話未講得住，遲 啲先講啦！」
據知姚嘉妮已向無綫請假一年，知情者說：「姚嘉妮上個月已經同公司請 咗一年假，原本要拍 嘅劇集都推 咗，生完 BB先再算。」她最後一部劇已是今年 2月開拍的《我的如意狼君》，其後她一直在家湊女玩狗，閒時只接廣告及出席公開活動，而搵錢養家的重任就交給老公林祖輝。知情者說：「祖輝早前泊到好碼頭，去 咗李寧 嗰間非凡中國做高層，管理旗下 嘅中國運動員，年薪過百萬人仔 㗎，所以嘉嘉唔使憂，可以安心生 BB。」林祖輝 08年加入 TVB任藝員發展科助理藝員經理，今年中離職後即北上發展。
影靚相
林祖輝一家去到海港城，囡囡 Kyra看見「反斗奇兵」的聖誕布置非常雀躍，祖輝與姚嘉妮即拿出手機為囡囡影相。小小年紀的 Kyra表情十足，仲識擺 post，遺傳了媽咪的上鏡面孔。
買禮物
林祖輝專程返港與家人過聖誕，一家三口先去玩具反斗城，再行兒童用品店及運動服裝店， Kyra叻到識自己揀禮物，祖輝望住阿女個樣冧到呢！
曾打算移民北京
無 綫正熱播的《我的如意狼君》是姚嘉妮懷孕前拍的最後一套劇，劇中她飾演曹永廉的惡老婆，咁 啱又係大肚婆。
現時，林祖輝因工作需要，要長時間留在北京，但他經常心掛掛在港的老婆與囡囡，故曾提出一家搬去北京住，知情者說：「祖輝一個月先返香港一次，同屋企人聚少離多，所以佢曾極力游說嘉嘉一家搬去北京，又話北京 啲學校好大，師資唔錯。不過嘉嘉好擔心當地 嘅醫療，大陸始終冇香港咁好，最後決定繼續留 喺香港生活，祖輝惟有兩邊飛。嚟緊多 咗一個 B，嘉嘉更加唔肯搬啦！」
本月 17日，有孕兩個多月的姚嘉妮，穿鬆身衫都顯得肚凸凸，帶住兩歲多的女兒到機場接從北京回來的老公林祖輝，隨即一家到尖沙嘴海港城行街 shopping，買衫買鞋買玩具，溫馨到不得了。已升呢做國家運動員經理人的林祖輝，依然將家庭放在第一位，娛樂圈又多一個模範家庭。
管理國家運動員
林祖輝早年由幕前轉做幕後，在無 綫任藝員經理人，最近北上發展，加入非凡中國體育，成為該公司的高級副總裁，專責管理旗下運動員。
非凡中國控股有限公司去年由李寧收購控股權，前體操王子李寧是主席，前體操金牌得主李小鵬則任公司董事。目標是要成為中國首屈一指和最具活力的體育及綠色企業。公司業務包括管理體育人才以及舉辦賽事及活動，旗下有不少中國著名運動員，如劉璇、鄭潔、林丹、謝杏芳、潘曉婷等，並獨家代理國家體操隊及國家跳水隊之所有商業開發業務。
祖輝的微博自我簡介，已註明自己是非凡中國體育的高級副總裁。
李寧去年入股非凡中國(8032)成為主席，上月公布第三季虧損 2578萬港元。
Orignal From: 姚嘉妮再佗第二胎 老公林祖輝做國家隊經理人
沒有留言:
發佈留言