家明套餐
少爺仔起底 《天與地》家明平安夜食女
2011年12月28日
今年 TVB最爆劇集《天與地》，繼續贏口碑輸收視，平均收視僅得 23點。 C9唔 buy，好彩《天與地》獲網民同班 80、 90後奉為神劇，連帶劇中幾位少年版主角亦彈起。其中飾演被好兄弟分屍食的「家明」張景淳，亦因角色夠搶兼生得似歌手周國賢而率先跑出。
現年 30歲的張景淳在現實中一樣人人恨食。 09年拍《天與地》時除 咗被佘詩曼中請食飯，今年平安夜（ 24日）更與短髮索女返將軍澳寓所過夜。不過張景淳就唐僧上身，唔認有近女色：「家先有少少人知道我係邊個，呢一刻我唔會拍拖住。」
月薪 7千揸 70萬平治
週日凌晨做完倒數活動後，張景淳轉戰灣仔跟女友蒲到凌晨 4、 5點，之後二人回家時，張揸住價值達 70多萬的 99年款 CLK 320平治跑車，到油站入油。
自幼移民溫哥華的張景淳， 03年返港簽約劉德華的「加際娛樂」，以歌手組合「 Cheers」成員身份入行，直至 07年再加入 TVB等發圍。
《天與地》中張景淳飾演家明，而蔣家旻則飾演少女版阿佘，戲分僅次四位主角。
通宵蒲
開工兼蒲完的張景淳一臉倦容，但仍堅持帶埋女友上車返歸。
揼車胎
入完油，張景淳再落車揼車胎，而女友則在車廂內攤屍，狀甚疲倦。
之後二人再一齊返回將軍澳怡心園，但張景淳說車內女子並非他女友，只是碰巧住埋同一屋苑喎，搵鬼信咩！
姣佘賀壽
阿佘睇起
09年拍攝《天與地》時，佘詩曼得知張景淳生日，阿佘趁有空檔更邀約張景淳外出食飯，張景淳說：「都唔驚傳緋聞嘅，大家都着晒戲服。」
入行近 8年、終憑「家明」彈起的張景淳，父母經營飲品代理而家境不俗，但他堅稱現時全靠自己。「我入 咗 TVB之後會諗賺錢，在（藝員）訓練班出 嚟就已經做《東張西望》主持狂接騷，一個月做十幾個騷。」
《天與地》彈起，更難得被佘詩曼睇中請食飯：「嗰時（ 09年）喺化妝間佢聽到我話今日生日，當晚我 哋出外景放飯時，佢同我話『喂，你一陣跟我車，請你食飯同你慶祝生日，你想食乜就食乜﹗』佢見我係一個新人，又冇避忌，食飯時又教我點樣做戲、點樣在監製面前表現自己，私底下好提點我。我 哋拍第一場戲，佢見我唔識，又會主動同我對戲。當時我仲以為個個前輩都會咁做，後來先知原來唔係。」
鼓佬藐爆
早前鼓佬在微博開火狂轟「工作夥伴『少爺仔』冇責任心」，張景淳即在微博「灑冧」道歉。不過事後張景淳話：「嗰日我喺澳門，買唔到船票趕返嚟綵排，但我覺得有問題可以私下溝通，唔需要放喺公開地方討論；而且我敢講我唔係會遲到嘅人。」
劇場版
在《天與地》中年少版四子漸為人熟悉，不過羅鈞滿對家明經常搶答頗不滿，經常面露不屑。
現實版
自 09年起，張景淳已被 TVB安排與李豪、羅鈞滿和沈震軒一齊接騷，更有隊名叫「 SMS」，性質近似 Big 4、以唱歌為主，平安夜及除夕更有騷出。
微博開火
張景淳於微博道歉，不過羅鈞滿似未接受並說：「我唔係話佢呀！梁証嘉都有遲㗎！」
家明變形
22歲入行嘅張景淳，被網友挖出當年在組合「 Cheers」拍落嘅舊 MV，相比當年面闊眼扁，到今時今日五官突出兼眼仔碌，引死妹，張景淳解釋話：「其實 04年到 06年我處理緊（劉華公司加際）公司解約嘅事，當時律師話我至少有一年半載都唔可以露面工作，我就趁嗰段時間去箍牙。本來我係爆牙嘅，慢慢年紀大就覺得唔好睇，於是箍咗一年半嘅牙，所以面形冇以前咁圓囉！」
食女唔認
雖然同阿佘冇發展，不過張景淳一樣唔愁冇女，雖然他強調「家唔想講感情，只係想專心做 嘢」。
不過，週日凌晨一時（平安夜），張景淳在荃灣出席完倒數活動後，獨自駕車前往銅鑼灣慶祝聖誕，至清晨五點，他與一短髮大眼索女一同駕車離開，表現親暱，其後二人直返將軍澳怡心園，到翌日中午仍不見他們離開。
週一（ 26日）張景淳於電話中否認拍拖：「我冇拍拖，我只係車朋友返屋企，咁 啱我 哋一班朋友都係住喺怡心園 啫。我唔想講太多私人事，有 啲觀眾連我係歌手、主持定係演員都未搞清楚，我唔想私人 嘢令大家混淆。加上家先有少少人知道我係邊個，呢一刻我唔會拍拖住。」咁都唔認？有潛質做巨星啦你！
《天與地》陳豪益自己
係公開秘密！真實對白
週一（ 26日）陳豪出席活動時，問到他《天與地》疑似借劇宣傳，陳豪說：「呢個（投資糖水鋪）都係公開秘密啦，我成日都有介紹人落去食啦！」
《天與地》雖然收視唔理想，不過網上重播同喺各大討論區有引起廣泛討論，收視人數遠比電視官方收視高。
無綫劇宣傳效力勁，《天與地》監製戚其義當然深明此理，難怪於《天與地》中，陳豪、佘詩曼及林保怡和陳芷菁經常流連的甜品鋪，原來是戚其義及陳豪有份投資的甜品鋪「甜姨姨」，對於疑似益自己，陳豪則說：「呢個（投資糖水鋪）都係公開秘密啦，我真係唔知點解要去嗰度拍喎，其實喺咖啡店拍又得、生果店又得，我真係唔清楚呀，可能高興啩，咁都唔怕俾人話賣廣告嘅！」
影正門口
《天》劇人物喜愛蒲甜品店，除了阿佘和陳豪外，連林保怡同陳芷菁都有食，係唔明有乜必要囉！
阿佘於劇中經常食甜品店的豆腐花，疑似老闆的葉姓女士負責招呼客人，更說：「間中都有明星落嚟食甜品㗎！不過唔係好鍾意阿佘搞爛嚟食囉！」
位於天后清風街的甜品店「甜姨姨」，大股東是一名叫葉嘉盈的女子，而戚其義（右）及陳豪則分別佔 30%，陳豪亦說：「我有時都會打包啲甜品返去（ TVB）萬歲㗎！」
陳豪學結他快上手
陳建文（左一）除咗在戲外作結他指導兼演奏外，而且仲有唔少作品如〈 I Can't Love You〉等，在戲中由陳豪彈出添。
《天與地》除咗被讚拍攝夠破格，戲中的配樂及由黃貫中作曲的主題曲〈天與地〉、片尾曲〈年少無知〉都被讚好有 heart，難怪陳豪同黃德斌都話希望 TVB可以出原聲大碟。
而在戲中飾演酒廊老闆、有 10年結他造詣嘅陳建文，除咗借出私伙結他拍攝，更擔綱戲中所有結他演奏和指導。「基本上陳豪佢哋都玩開結他，但佢就未試過 rock and roll，但佢都好快上手。而德斌就最犀利，因為佢完全冇樂器底，但學得好快，而且好畀心機練。」
Orignal From: 少爺仔張景淳起底《天與地》家明平安夜食女
沒有留言:
發佈留言