打穩陣章
師奶啱睇 周麗淇全力留客
2011年12月29日
由關詠荷主演的《陀槍師姐》九八年推出，及後再開第二集，收視均報捷；蔡少芬之後接力擔演第三及第四輯，師姐題材仍然受到熱捧。事隔十年，無綫開拍《女警愛作戰》，據知，無綫因為要迎接電視大戰，不想冒險開拍新劇種，故來年的重頭劇集如《怒火街頭 2》、《衝上雲霄 2》等，均屬系列類別；至於稱得上是《陀槍師姐》延續的《女警愛作戰》，以福將周麗淇擔正，買定雙重保險。
身材瘦弱的 Niki，在拍《女警愛作戰》經常要陀着手槍、對講機等道具跑來跑去，是體能上最大的挑戰。
廣告商詐型
無 綫推出兩年前的倉底劇《天與地》，贏了口碑輸了收視，令黃金時段創二十三點收視新低，新劇種新手法出師不利，亦打亂了無 綫陣腳。
「《天與地》用上一線小生同花旦擔正，拍完之後，無綫一方面想儘快推出街睇反應，但又知道觀眾未必接受，所以一直等機會唔敢亂搏。事實擺在眼前，劇集成功製造咗話題，不過有口碑輸收視，廣告商詐晒型。上頭已經落咗指示，要行番穩陣章，出年播 嘅重頭劇都係續集系列，總之要以觀眾口味為優先。」一名無 綫工作人員說。
蔡少芬接關詠荷棒擔演《陀槍師姐》第三及第四輯，劇集依然大收旺場，令她穩坐花旦之位。
當年由關詠荷及滕麗名主演的《陀槍師姐》第一及第二輯好評如潮，擔正的關詠荷更因此人氣急升。
本來《女警愛作戰》是想以韓星全智賢擔演的《野蠻師姐》為藍本，但最後為了保住收視，所以奉命延續《陀槍師姐》的口味。
無資源限制
要挽回面子，慳住做的無綫決定放水，好像張乾文監製的新劇《女警愛作戰》，無 綫就沒有嚴格設限。
「呢套劇有好大量爆破同大場面，公司冇就住 budget嚟拍，話最緊要拍得好。本來今次想拍到好似全智賢套《野蠻女警》咁，但最後都改咗，似番《陀槍師姐》，上面話 Niki（周麗淇）係福將，佢套《我的如意狼君》 啲師奶又受，所以將啲戲集中喺佢身上，套劇女主角得佢一個，連謝天華都係陪襯。」
Niki主演的《我的如意狼君》正在播映，早前她在旺角鬧市拍女警新劇時，受到市民圍觀，並大讚她演得好， Niki聽到很感動。
在《女警愛作戰》中， Niki與謝天華飾演情侶，由於劇集是以女警為主，所以謝天華這位男主角也是用來襯托 Niki，他的戲份也不多。
由佘詩曼、陳豪、林保怡及黃德斌主演的創新劇種《天與地》贏了口碑輸收視，令無 綫大失預算。
Niki在《我的如意狼君》中飾演徐芯一角，外表柔弱但個性堅強，如此鄰家女孩一角大受師奶歡迎，雖然劇種老土，但卻成為近期劇集收視之冠。
夾份搞慰勞宴
雖然不是無 綫的親生女，但周麗淇仍受無綫重用，除了鬧花旦荒外，還因為她的腳頭好。
「佢拍 嘅劇點都有番咁上下收視，好似《我的如意狼君》咁， Niki因為合約問題唔可以即時埋位，添哥（李添勝）寧願等，都唔肯換人。《我》劇開始踏入結局週，收視升返上二十九點， 嚟緊最後五集係戲肉，一定會過三十點， Niki同黃浩然已經預 咗 喺大結局（三十日）嗰晚，夾錢擺番五、六圍，請大家食飯慰勞大家。」一名劇組人員說。
穩中求勝
師奶唔啱睇，令《天與地》收視慘不忍睹，無綫唔想再搏， 2012年預計推出的劇集，不少是續集系列，實行穩中求勝，穩定黃金時段收視。
《怒火街頭 2》
鄭嘉穎與胡杏兒主演的《怒火街頭》，今年五月出街，口碑收視雙贏，無 綫打鐵趁熱，原班人馬開拍續集，明年播放。
《衝上雲霄 2》
○三年播放的《衝上雲霄》是當年的熱播劇集，飾演機師的吳鎮宇更憑「飛機頭」髮型成功引起話題，無 綫已計劃開拍續集，作為明年台慶劇集。
《宮心計 2》
○九年宮廷鬥爭劇《宮心計》帶挈佘詩曼、陳豪、楊怡等主角人氣急升，打開大陸、東南亞等市場，無綫已拍板二○一二年開拍《宮心計》續集，並與內地北京中央電視台合作。
Orignal From: 《女警愛作戰》周麗淇留客 無綫央視合拍《宮心計2》
沒有留言:
發佈留言