娛一叮
禁鄭嘉穎翻撻前度 阿佘狂啤周麗淇
2011年12月23日
出爐三料視帝鄭嘉穎最近炙手可熱，除了拍劇身價升到25萬人仔一集外，還辣㷫翻撻兩個月嘅佘詩曼。本刊收到可靠消息，12月6日Toby（梁靖琪）擺酒，鄭嘉穎、周麗淇與阿佘同場，阿佘見鄭嘉穎公然兜搭舊愛，對自己眼尾都唔望一眼，當場打翻醋埕㷫過火屎。
翌日（12月7日）阿佘返無綫為《天與地》宣傳，竟在化妝間撞正拍攝《女警愛作戰》的周麗淇。怨家路窄，阿佘沉唔住氣坐埋去怒啤對方，現場火藥味甚濃。對於又牽涉入嘉穎與阿佘的戀情是非中，周麗淇回應時無奈說：「好多嘢控制唔到！」
我控制唔到!
(真實對白)
尷尬回應
周麗淇周二（20日）見本刊記者即耍手擰頭，再三請求下她才作簡短回應。臨走前她拋下一句：「求吓你啦！唔好再問我有關佢哋之間嘅嘢啦！請你剔除我個名啦！」
情侶檔揾銀
行開唞吓氣先！（設計對白）
我實你，你走唔甩！（設計對白）
去年12月，鄭嘉穎罕有地與阿佘一起出席食店開幕儀式，有指全靠阿佘拉攏二人作情侶檔，帶挈鄭嘉穎搵錢。
孖住出埠
《蘋果日報》圖片
今年12月8日，二人孖住出征新加坡攞亞洲視帝、視后獎，不但同行任影，鏡頭前仲有傾有講。
08年有指阿佘介入鄭嘉穎與周麗淇（Niki）的五年情，不過「佘穎戀」維持年幾就玩完。最近盛傳二人復合兩個月，除了孖住去新加坡出席《第16屆亞洲區電視大獎2011》，齊齊被封亞洲視帝、視后外，更有指阿佘唔介意屈就，不時潛去鄭嘉穎月租兩萬的紅磡海韻軒寓所短敍。
婚宴上破冰傾偈
雖然成功翻撻，但戀情唔見得光。12月6日晚上，Toby（梁靖琪）在尖沙嘴洲際酒店擺喜酒，鄭嘉穎與Niki都在場。當年鄭嘉穎被揭暗交阿佘，Niki如夢初醒即斬纜，多年來兩人不相往來，今次見面，竟是破冰之日。
當晚Niki與靚靚（袁詠儀）同坐一圍，當年阿佘曾被指暗撬張智霖，所以靚靚同Niki絕對是同一陣線，故當晚阿佘每次行近那枱都兜路行。據知情者透露：「Toby已經好識做，為免尷尬安排佢哋分開坐。嘉穎同阿佘顯得好避忌，全程冇乜交流，但婚宴中段嘉穎竟然託古仔（古天樂）經理人Ronnie傳話，問Niki介唔介意自己過枱傾幾句。冇幾耐，現場幾十對眼睇住嘉穎主動行過去，同Niki世紀傾偈，大家都覺得好出奇。阿佘咁醒當然瞄到啦！佢當時扮冇嘢，不停撩吳卓羲玩，之後去到after party，阿佘猛話睇見嗰個女人就扯火。其實俾嘉穎咁樣落面，阿佘嬲到爆，不過當場唔可以發難。」
婚禮翌日（7日），阿佘返無綫為宣傳《天與地》接受報章訪問。無綫有咁多個化妝間，偏偏她與Niki在15廠化妝間相遇。「嗰日Niki化緊妝準備入廠拍《女警》，當時化妝間有好多吉位，但阿佘專登同Niki隔一個位坐，所有人當堂靜晒。阿佘仲得勢不饒人，一直怒啤Niki，在場嘅盧宛茵聞到味，走埋去坐喺佢哋中間，撩阿佘傾偈諗住緩和氣氛。不過唔係太有用，阿佘都係咁啤，好彩之後冇嗌交啫。」知情者說。無辜辜被怒啤的Niki，只好當對方透明，化好妝即入廠。記者曾致電盧宛茵了解事件，惟一直轉駁至留言信箱。至於鄭嘉穎與阿佘亦不在港，未能聯絡得上。
12月6日世紀破冰
鄭嘉穎選擇在12月6日Toby大婚之日，的起心肝與分手3年的Niki破冰，本來係一件好事，大家以後唔使面左左。點知俾醋佘當場到，仲嬲到眼火爆。
再遇前度
赴Toby喜宴當晚，Niki孖住伍姑娘同袁靚靚到場，心情靚絕，點知同鄭嘉穎破冰後竟然要受氣。當晚鄭嘉穎一支公去飲，仲刻意同阿佘保持距離，真係此地無銀。
阿佘當晚為好友Toby做姊妹，滿場飛招呼賓客，眼見男友同前女友破冰，即時被辣㷫。
傳話人
《壹週刊》圖片
古天樂經理人Ronnie就係當晚幫鄭嘉穎傳話嘅雞仔媒人。Ronnie同Niki講，鄭嘉穎想過枱同你傾兩句，Niki亦大方答應。
人財兩得
《蘋果日報》圖片
自成為三料視帝後，鄭嘉穎身價暴升，加上同阿佘翻撻成功，真係飲得杯落。
好戲佘
發生怒啤事件當日，阿佘風騷接受記者訪問，佢嘅演技完全唔需要質疑，大情大性嘅性格亦令人知道佢唔易相處。
出事現場
當日Niki正為《女警愛作戰》趕戲，故使用最近15廠的化妝間化妝，就喺呢度撞正好日都唔返TVB嘅阿佘。
12月7日怒火化妝間
證人盧宛茵
鄭嘉穎前一晚喺飲宴種下火種，翌日阿佘與Niki竟然相逢在無綫15廠化妝間，醋佘怒火狂啤Niki，Niki扮傻扮睇唔到，繼續做自己嘢。而路人甲盧宛茵一心做和事佬，緩和氣氛。
無辜辜被抹黑
自從在Toby婚宴上與鄭嘉穎破冰後，Niki反而頭頭碰着黑。早前被揭與紗廠太子爺分手，她承認回復單身要寄情工作，拍新劇又惹上不少是非。據一名幕後工作人員透露：「早前聽到個傳聞，話Niki拍劇時唔見咗銀包，佢發晒火話要在場工作人員全部搜身，搞到好麻煩，個個聽完都話Niki衰。有日我同Niki傾開，問佢係咪有件咁嘅事，佢話完全冇發生過，每次開工都有助手跟身，貴重嘢從來冇唔見過。好明顯有人玩針對，專登放流料搞佢啦。呢啲是非喺電視台成日發生。」
愁爆開工
Niki日前為《女警》拍外景時經常發呆似有心事，向來與工作人員有傾有講的她，停機後與工作人員亦沒有交流。
極唔笑
本周一（19日），Niki與高鈞賢在溜冰場拍《女警》。Niki心事重重，飾演其男友的高鈞賢與她傾偈講笑，Niki都依然面燶燶，受好大委屈咁喎。
助手保財物
Niki的貴重物品一向由貼身助手阿Ling負責保管，基本上物品唔會離身，所以有指她唔見銀包而要工作人員搜身一事，發生嘅可能性極低。
貼身助手Ling
不想招惹是非
本周二（20日）晚，周麗淇在將軍澳電視城為新劇《女警》開工，對於與鄭嘉穎破冰，她直認不諱，不過當提及化妝間被佘啤一事，她就說沒有留意。
記：記者周：周麗淇
記：Toby結婚當晚，係咪同鄭嘉穎破冰？
周：我哋係有打招呼同傾過偈。
記：內容傾啲乜？
周：都係恭喜佢啦！
記：之後嗰日係咪喺無綫化妝間撞到阿佘？
周：……化妝間咁多人行出行入，我冇留意。
記：有人見到阿佘怒啤你，盧宛茵仲坐喺你哋中間。
周：冇留意喎！
記：最近你係咪俾人無中生有抹黑？
周：好多嘢我控制唔到，總之唔好太離譜。希望唔好再有呢啲是非。我想專注工作，天下太平。
兩女一男，唔嬲都幾難。
鬼祟四年情
07年底鄭嘉穎背住Niki與佘詩曼合作《法證先鋒II》時互生好感，加上好友洪天明穿針引線，二人蒲到撻着。08年鄭嘉穎終與Niki分手。阿佘多次被傳媒影到夜訪鄭嘉穎寓所，08年在8號風球下，鄭嘉穎揸住阿佘的座駕在村內拋錨遭村民撞正，又曾被傳媒追訪時趕阿佘落車。09年阿佘向鄭嘉穎主動提出分手，想不到今年尾又秘密復合。
鄭嘉穎和佘詩曼於07年拍《法證II》時撻着，發展地下情3年，終在09年拍《宮心計》時分開。
《狼君》收視勁過《天與地》
無綫正在熱播嘅年度壓軸劇《我的如意狼君》，周麗淇飾演孤女，仲要俾黃浩然欺騙感情同金錢，真係苦過弟弟。劇集播出已近尾聲，收視最高28點，高過《天與地》的平均收視23點。Niki話喊到眼腫都抵：「拍呢套劇好大壓力，幾乎場場都喊，喊到成個人情緒差晒。依家總算吐氣揚眉，下星期好想請成班同事食餐飯答謝，最怕約唔齊腳咋！」
監製添哥周三（21日）亦向本刊表示：「嚟緊呢個星期黃浩然會俾人踢爆真面目，山聰同翠翠嘈到咁都會離婚，不過大結局喺星期一(1月2日）播，係長假期，你話收視唔受影響就呃你啦！（收視高過《天與地》喎！）冇得咁講嘅，戲種唔同嘛！（Niki做成點？）佢得㗎！過骨㗎喇！」Niki幾年先返無綫拍一套劇，成績咁好仲俾添哥讚，呢餐飯抵請啦！
李添勝
Orignal From: 禁鄭嘉穎翻撻前度 阿佘狂啤周麗淇
沒有留言:
發佈留言