2012年2月7日星期二

捱足20年《 4 in Love》包皮男韋家雄唔靠大佬

FACE週刊 第246期

各自修行


捱足 20年《 4 in Love》包皮男唔靠大佬 韋家輝:佢好有骨氣


2012年02月08日

《 4 in Love》上映一週,反應冇神劇《天與地》咁爆,不過溫馨小品,平均收視 28點,算掂。
除陳豪、佘詩曼跑出,網友最 like飾演控煙辦「包皮男」韋家雄。雖然 39歲韋家雄樣子戇直,圈中打滾 20年至今日才稍為彈起,但勝在默默耕耘,完全唔靠金牌編劇監製大佬韋家輝關係走捷徑。連韋家輝都大讚細佬:「家雄好有骨氣,一直冇求過我!」

韋家雄
韋家雄得 5呎 4吋高,與葉翠翠 5呎 9吋幾乎差成個頭,不過韋家雄有間 LED燈公司,收入都唔錯,論搵錢能力應該好過翠翠緋聞男友高鈞賢啩。

39歲韋家雄, 92年入行,第一套作品係亞視《伯虎為卿狂》, 95年過檔無 綫,拍攝《真情》大力仔一角令他算係多咗人識,更同苑瓊丹傳出緋聞,不過唔係無 綫親生仔 嘅佢,近年無 綫演出機會較少,直到最近《 4 in Love》憑控煙辦督察鍾炳良一角,常被劇中阿媽催「割包皮」,而令一眾網友關注。

唔使大佬關照


娛樂圈借刀上位最易,韋家雄亦有個猛料胞兄韋家輝,第一代無 綫神劇《大時代》編審兼監製。
韋家輝近年轉戰電影亦夠實力,不過翻查資料,原來兩兄弟在娛圈活躍多年都冇合作過,韋家輝監製的電影中,連一個小角色都冇預過韋家雄,以為兄弟關係麻麻,原來情同手足。
上週四( 2日)韋家輝出席其監製的《高海拔之戀Ⅱ》首映時表示:「好多人靠關係上位,但家雄係一個好用心 嘅演員,就連劉青雲都話佢做戲好,佢呢幾年搞 LED燈生意,我知佢搞得唔錯,佢應該要獲得更多 嘅肯定。(佢有冇要求你幫佢? 喺你電影中撈番 嗰角色?)家雄好有骨氣,一直冇求過我!」

韋家輝自離開無綫後,多與杜琪峯合作,一直都係票房保證,新作《高海拔之戀Ⅱ》本週四( 9日)上映
韋家輝自離開無綫後,多與杜琪峯合作,一直都係票房保證,新作《高海拔之戀Ⅱ》本週四( 9日)上映。

韋家輝、韋家雄兩兄弟情同手足,不過二人甚少一同出席場合,合照都要在韋家雄微博先搵到。當年四人夾份喺沙田開唱片鋪,左起韋家輝、韋家雄、《長江七號》編劇曾謹昌(右二)和《壹號皇庭》系列監製鄧特希
罕有合照
韋家輝、韋家雄兩兄弟情同手足,不過二人甚少一同出席場合,合照都要在韋家雄微博先搵到。當年四人夾份喺沙田開唱片鋪,左起韋家輝、韋家雄、《長江七號》編劇曾謹昌(右二)和《壹號皇庭》系列監製鄧特希。

韋家雄、葉翠翠喺劇中飾演情侶,拍攝期間韋家雄仲不時寫情歌歌詞喺微博向翠翠示愛,可惜追唔到
韋家雄、葉翠翠喺劇中飾演情侶,拍攝期間韋家雄仲不時寫情歌歌詞喺微博向翠翠示愛,可惜追唔到。


LED發圍


韋家雄近年多拍港台節目,但原來近幾年跟友人夾份搞 LED燈飾生意,亦有聲有色,他說:「一直都有搞開設計燈飾,近幾年搞 LED燈生意, 08年除夕 ifc嘅倒數,我公司都有份設計同製作。家公司仲發展到去日本,搬咗去福岡。其實我大佬(韋家輝)拍《一個字頭的誕生》時有搵過我,但我推 咗,我驚做得唔好累 咗佢。」娛圈人人靠關係,好似韋家雄呢啲咁有骨氣的演員,真係買少見少。

LED大茶飯


韋家雄 07年開始同拍檔呂柏納搞 LED燈飾生意,之前公司地址 喺明報工業大廈,但最近已結束香港業務,並搬 咗去日本福岡,韋家雄表示:「 TVB份糧未夠我食兩餐,但搞 LED生意都托賴,幾好啦,除咗 ifc倒數, 10年上海世博法國館嘅 LV騷,入面用嘅 LED都係我公司作品。公司 喺日本福岡,好多時去大陸同日本兩邊走,嗰邊多生意,嚟緊打算再擴充日本生意,始終玩設計 LED暫時都係日本人叻啲。日文?我識少少。」


ifc倒數
08年除夕 ifc倒數外牆嘅燈飾就係韋家雄公司設計兼製作。


世博 LV騷
10年上海世博法國館 LV騷入面嘅 LED,就係韋家雄公司設計兼製作,認真巴閉!

日本吸金



韋家雄嘅 LED燈生意搞得唔錯,前年佢更去咗福岡參加環保展覽。


有 2間 LED燈飾公司,其中一間韋家雄跟拍檔呂柏納(小圖)夾份經營。

《 4 in Love》唔師奶


《 4 in Love》係由《天與地》班底周旭明、戚其義炮製,雖然今次監製講明回歸師奶劇,不過兩位鬼才又點會由頭師奶到尾?喺一 啲細節位都會寸吓無 綫,又寸現時娛樂圈及傳媒!有啲似諷刺娛圈嘅《娛樂插班生》喎!

玩藝人


阿佘飾演 嘅國際大明星 Chloe, 喺第一集舉行記者會宣布同男友分手,無論造型,同台型都同阿 Sa前年搞 嘅離婚記者會相似。






郭少芸飾阿佘經理人,十足十英皇經理人霍汶希。

寸師奶劇


第 4集講葉翠翠 喺醫院,想睇劇冇得睇,話想睇《父母心事有誰知》,擺明寸《誰家灶頭無煙火》,之後被護士寸佢睇師奶劇。編審周旭明借劇情暗寸無 綫師奶劇後生仔唔會睇。




寸傳媒




第 5集阿佘向陳豪交代底褲事件,全部都係傳媒 喺微博攞相炒作。

玩惡搞




第 5集陳豪被當街燒褲露底,更被人起底,之後更被網民惡搞首歌暗寸,相當緊貼現時網民反應。

Orignal From: 捱足20年《 4 in Love》包皮男韋家雄唔靠大佬

沒有留言:

發佈留言