現年38歲，人到中年的馬明難怪恨「脫貧」，2007年出入仍然坐地鐵，直至2008年才駕駛價值30多萬的「掃把佬」，但論名與利，跟無綫小生鄭嘉穎、陳豪相比，委實差得太遠了。還幸首部由他擔正的無綫新劇《on call 36小時》叫好叫座，這天馬國明「落區」到人氣旺點銅鑼灣時代廣場，實地視察觀眾反應，結果不夠五分鐘經已成為人肉佈景板，師奶、學生妹興奮將他團團圍住，甚至有師奶按捺不住，高呼：「靚仔馬國明呀嘛，你（部戲）做得好好呀！」 到馬明心花怒放，他細細聲說：「我仲擔心會冇人理！」
借新劇向醫護致敬
第一次狽重飛，馬國明很緊張觀眾反應：「套劇出街三日，經已有人稱呼我做『一件頭』，網民會討論劇情，甚至有醫生研討做實習醫生時，有冇畀上司鬧得咁狠？收視對我嚟講反而冇乜壓力，我只係享受拍攝期間嘅滿足感，雖然我唔識得落手落腳，但識得講開腦嘅程序㗎。呢部戲製作好認真，劇中描寫手術室個案，每場戲都有兩位顧問醫生監場做指導，好多儀器都由呢兩位醫生提供。我希望藉住呢個劇向醫護人員致敬，其實做醫生真係壓力好大好辛苦，好有使命感。至於對自己有乜期望？坦白講，梗係想帶來更多名與利，希望挾住張醫生正直形象，抓到更多廣告同埋登台外快，最好有機會拍到內地劇，搵吓真銀啦，依家訂下兩年大計，喺港島東區置業，目標係千呎可容納一家七口嘅大單位，budget大約要一千萬㗎，所以儲蓄銀彈係我最大原動力。」
性格沉悶 非分手原因
咁咪好似張一健咁，只要事業唔要愛情？「我又冇一件頭咁偉大，一健係要供傷殘嘅細佬去外國讀書，所以全力向前衝，而我唔係唔談戀愛，而係遇唔到啫，尤其是年紀愈大，愈難遇到，我承認性格係有問題，最慘係唔怕悶，唔介意一個人生活，而且生活圈子又窄，由朝到晚到踎響錄影廠，點會搵到呀？更加識唔到圈外人，原先黃智雯同李詩韻拍心口話介紹女仔畀我識，但得個講字，事實上我哋都好難見到面啦，何況係相睇約會？都係算數啦！感情事都係隨緣好了。我喺2000年第14期藝員訓練班畢業，同屆18位同學中，今時今日只得兩個有得留底，得我可以去到一線，所以要好好珍惜每個得來不易嘅機會。」
緋聞男女
馬國明和陳豪出名係無綫唔「媾女」小生，多年來馬明緋聞少之極少，只有曾華倩和胡定欣，究竟係堅定流呢？他坦白說：「我係同定欣拍過拖，直至上年先至分手，佢唔係嫌我悶，只不過大家性格唔夾啫。相反，我同華倩性格好夾，每次見面都傾到雞啄唔斷，但大家連手指尾都未拖過，（有冇機會撻着？）咁又唔知喎，佢只係我識咗好多年嘅朋友囉。」
採訪：方騫平 攝影：畢紹基
場地提供：銅鑼灣台灣一品花雕雞
馬明希望新劇可以令他多賺外快，加速置業夢。
馬明除在《on》劇中同楊怡做對手戲，對方還說要幫他介紹女朋友。
馬明落區試人氣，結果被粉絲團團圍住，可見人氣急升。
Orignal From: 處男擔正孭到飛 馬國明恨變吸金男
沒有留言:
發佈留言