轉型打女渴望被愛
JJ冧吳卓羲「佢成日電我」
賈曉晨（ JJ）早前在無綫劇集《缺宅男女》飾演自閉少女，獲不少觀眾溺愛，劇中的她集萬千寵愛於一身，但慘遭吳卓羲欺騙感情，現實中 JJ同樣垂青男方，直認拍劇時曾過電，她說：「佢成日都電我㗎，戲中都過到電。」
入行多年的賈曉晨近期憑無綫劇集《缺宅男女》高采貽一角，令不少觀眾留下深刻印象，劇中飾演自閉少女更與吳卓羲有感情戲， JJ直言雖然已非首次拍劇，但今次角色令她深深體會到作為演員的滿足感，她說：「因為之前啲角色都會比較性感、比較女人啲，第一次做一個咁清純嘅女仔，係個好開始。」
JJ拍完《打擂台》後習武一年，主要學扇拳，有板有眼。
密實清純獲讚
JJ坦承拍《缺宅男女》時勁冧對手吳卓羲，讚他人品好又搞笑。劇照
令 JJ最感開心是劇集出街後，獲 fans大讚，她說：「佢哋見到我話，嘩！估唔到原來你咁清純。成件事其實反而對我嘅得着多過觀眾所知道，因為真係改變咗我一向嘅形象。」
JJ首次獲監製賞識，更與吳卓羲有段情，但最終被他欺騙感情，可有被吳卓羲電親？ JJ說：「佢成日都電我㗎，戲中都過到電，但拍完就冇囉，我都唔係佢鍾意嘅類型，不過自己都好欣賞佢，佢人又好好同好笑，佢係一個好簡單嘅男仔，如果佢單身都可以考慮吓。」
外表弱質纖纖的 JJ原來不像戲中般受保護，年多前她拍完電影《打擂台》後一直有習武，經陳觀泰介紹下更成為周強師父大聖劈掛門下女弟子，見 JJ耍扇拳時亦有板有眼，但她表示由於疏於練習，故目前狀態難以登大雅之堂：「因為之前拍電影前開始有練武學咗一年，起初成日練，但有段時間太多工作，少咗練習，連師傅都話我懶咗。」
組織溫馨家庭
跟師傅學武的 JJ，因工作疏於練習而被罵懶。
另外， JJ提到在《缺》劇中的高采貽是受哥哥過份保護的單純女孩，現實中她亦希望可以受到保護及被愛：「喺濟南嚟咗香港七年乜嘢都要靠自己，精神上真係好辛苦，我都好想嫁人有個溫馨家庭，受到保護。」問到她目前可有男友呵護時，她說：「都有㗎，不過都係外國返嚟嘅男仔。」
採訪：王崇穎、汪芷寧
攝影：陳志嵐、葉君海
梁烈唯人氣升有運行
梁烈唯剛跟無綫續約有人工加，並打算結婚。
梁烈唯在無綫劇《缺宅男女》演關二哥，演技備受讚賞，唯唯回想過去事業低潮時，慶幸有不少朋友支持，他說：「嗰陣有好多人叫我努力，華哥（黃日華）都話雖然我係做咗好多年，但做人唔好怕蝕底乜嘢都做，觀眾喺電視機見得你多，就有印象。」
現時事業總算有起色，唯唯又剛與無綫續約，加人工，並打算今年與同居女友結婚。之前有傳唯唯沒工開，潦倒得在茶餐廳做夥計，他解釋：「嗰間餐廳係我表哥開嘅，我得閒去幫手，學做生意，吸收唔同經驗。」他續說：「有啲嘢真係時也命也，做人真係唔好太執着。家工作上雖然唔係平地一聲雷，但叫做穩步上揚都覺得開心。」
採訪：何慧斯 攝影：仇志中
Orignal From: 賈曉晨（JJ）冧吳卓羲 梁烈唯有運行
沒有留言:
發佈留言