娛一叮
老公破產 孭起頭家 陳慧珊加價接《衝上雲霄 2》
2012年02月17日
陳慧珊(Flora)06年與經理人鍾家鴻(Mike)在美國秘婚， 07年懷孕宣布息影，閒時只客串演出，全力照顧 4歲大的女兒。而老公鍾家鴻投資的市場推廣公司生意不濟欠下巨債，月前終於爆煲，他無奈申請破產。
一家重擔從此落在陳慧珊身上，城市電訊王維基馬上向她招手，可惜她與無綫仍有部頭合約。據知樂易玲只等陳慧珊點頭，便會在 4月開拍的《衝上雲霄 2》加一女主角，俾型仔機師吳鎮宇同靚女空姐陳慧珊歸隊再續前緣。再拍劇仲有人工加，對陳慧珊來說真是雪中送炭。
陳慧珊與經理人鍾家鴻結婚翌年誕下女兒鍾律然(Mira)，之後她只拍過無綫電視劇《搜下留情》、國內劇集《丈母娘來了》、《杜拉拉升職記》和電影《保持通話》，產量極少。
抱女即笑
3分鐘後，陳慧珊一副有女萬事足嘅樣抱住囡囡行出學校，仲同老公 share一把遮，但老公個樣依然毫無笑容。
2月 6日貌合神離
上周一（ 6日）下午，陳慧珊兩公婆湊女放學，泊好車後，一人一遮行去學校接囡囡，行到離行離列全程無交流，睇嚟大家都為破產事煩惱。
預埋妳歸隊喎！（設計對白）
03年嘅電視劇《衝上雲霄》內， Sam（吳鎮宇）同 Belle（陳慧珊）最終都冇喺埋一齊，唔知《衝 2》會唔會有情人終成眷屬呢？
五毫膠袋錢都慳
鍾家少了老婆搵錢，老公鍾家鴻近年投資的市場推廣公司，好景不常，更孭上龐大債務。據知情人士說：「 Mike其實好努力，一開始就借 咗大筆錢 嚟搞好間公司，點知生意愈做愈差，舊年已經知唔掂，但佢想好頭好尾捱埋過年，終於都要行到破產呢一步。」
上周一（ 6日），鍾家鴻載住老婆陳慧珊到達跑馬地，他下車後叫老婆幫手看車，連停車場錢都慳番，獨自行入超市。十分鐘後他徒手拎住三大袋麵包步出，他把麵包遞給車廂內的老婆，再走入超市自行取走兩個免費的透明膠袋，看來他在宣布破產前已經慳得就慳。
其後兩公婆到英基旗下的曉新國際幼稚園接囡囡放學。當日天色灰暗下 着雨，陳慧珊木無表情行入學校，在旁的老公則繼續愁爆，跟女兒 Mira亦沒有太多交流，一家三口開車直返薄扶林冠冕臺寓所。其實陳慧珊一家每月的開支都不少，囡囡讀國際學校的學費、養車、租樓以及請工人，估計每月都要約 12萬。 3月 20日鍾家鴻將會遭法庭頒破產令，陳慧珊便要 孭起頭家，故她已打算全力復出。
全職煮飯佬
公司搞唔掂要破產，鍾家鴻惟有處理番家事，一支公行入跑馬地街市買魚，唔單止同師奶迫，記者仲聽到佢同老闆傾閒偈，熟晒架步。
去完街市，鍾家鴻車住老婆再去超市，陳慧珊選擇坐在車廂慢慢等。
愁爆捱包
鍾家鴻喺超市逗留十分鐘買咗三袋麵包，之後仲折返超市攞走兩個透明膠袋，係咪咁慳呀？
力誘陳慧珊歸隊
陳慧珊多年來形象入屋，自 07年宣布停產後，不少電視台仍對她虎視眈眈。其老公破產消息傳出後，城市電訊的王維基更以一部近似《衝上雲霄》的電視劇藍本向她作招徠，講明會預留第一女主角給她。不過與無 綫仍有部頭約在身的陳慧珊，返無綫拍《衝上雲霄 2》機會較大。
「 Flora同樂小姐向來關係好好，今次佢屋企有事，樂小姐已經幫佢諗定後路，即刻喺 4月開拍 嘅《衝上雲霄 2》加多個女主角俾佢做，酬勞仲會由前年拍《搜下留情》時 嘅兩萬蚊一集，加到每集三萬蚊。而且會盡量就 Flora時間，等佢可以照顧囡囡。條件開得咁好， Flora已經心動，加上經濟問題真係要解決，應該好快會落實。」知情者說。
《衝 2》是無綫今年開拍的重頭劇之一，早前吳鎮宇已落實演出，如果加埋陳慧珊，陣容就更加吸引。本周三(15日)，樂易玲向本刊表示：「佢(Flora)同公司嘅合約形式較特別，雙方要一早傾定，要完全配合佢嘅私人生活。其實《衝上雲霄 2》個劇本仲未 pass，所有嘢都未定。我 哋都好想搵佢返 嚟拍劇。」至於老拍檔吳鎮宇，至截稿前都未有回覆。
02年陳慧珊憑《絕世好爸》攞過 TVB最佳女主角，再拍劇的話，分分鐘再攞視后囉！《蘋果日報》圖片
陳慧珊與無綫高層樂易玲份屬好友，今次游說陳拍《衝 2》，樂小姐下了不少嘴頭。《蘋果日報》圖片
兩度做鍾太
陳慧珊在美國波士頓大學修讀新聞系， 94年隨前夫、大學教授鍾偉明返港發展，曾在無綫明珠台新聞部任主播及編導。早婚的她經歷過兩段婚姻，現任老公鍾家鴻與前夫都是姓鍾。
當紮期
前夫鍾偉明《蘋果日報》圖片
96年陳慧珊獲監製鄧特希賞識，轉往翡翠台當藝人，演出首部電視劇《壹號皇庭 V》一舉成名，此後拍了不少劇集如《鑑證實錄》、《妙手仁心》系列及《衝上雲霄》等， 02年憑劇集《絕世好爸》獲封視后，成為無綫四大花旦之一，她又出過唱片闖樂壇。
變動期
現任老公鍾家鴻
01年陳慧珊與鍾偉明離婚，戀上前夫好友兼當時的經理人鍾家鴻。 04年她離開無綫，先後在亞視、內地及新加坡拍劇。 06年她與鍾家鴻展開第二段婚姻，同年她重返無綫主持節目， 07年因懷孕而停工。
Orignal From: 老公破產 陳慧珊加價接《衝上雲霄2》
沒有留言:
發佈留言