無綫早前鬧小生、花旦荒，各高層都諗計出招挽留人才及進行挖角，但由於很多藝人選擇北上挖金，故無綫亦向亞視藝員招手。早前無綫成功簽了「亞視一姐」陳煒，並落實四月拍攝新劇《法網追擊》。據知，無綫高層樂易玲亦主動致電「長腿姐姐」萬綺雯，極力游說對方合作，而六月將約滿亞視的呂晶晶亦是無綫的挖角目標。
呂晶晶樣靚身材正，過檔無綫可能有更大發揮。（資料圖片）
萬綺雯昨日接受電話訪問，承認曾有無綫高層聯絡她：「其實乜都未仔細傾，除咗TVB，好多間都同我傾過，TVB嘅平台的確好大。（陳煒都咁講！）佢講得好啱，我哋之前都出嚟飲過茶，不過暫時乜嘢都未知。我仲同大陸傾緊合作，依家做邊都冇所謂，最緊要係有自由度，可以試新嘢，我都係睇劇本同角色為主。」萬綺雯坦言與王維基亦有聯絡。
「長腿姐姐」萬綺雯效忠亞視多年。（資料圖片）
樂易玲
陳煒已與無綫簽約。
人民幣較吸引
另一亞視姐仔呂晶晶坦言早前曾到無綫，與高層傾談合作事宜。她說：「嗰陣真係好有興趣，不過依家我已經接咗幾部大陸劇，未有檔期，等我完成手頭上工作先再傾。（無綫開嘅條件好唔好？）其實仲未傾到金錢方面細節，但佢哋都好有誠意，仲有傾吓合作拍電影嘅嘢，我都想試吓。（怕機會溜走？）依家大陸嘅價錢真係好吸引，都係搵咗錢先。」
Orignal From: 無綫瞄準呂晶晶 力挖萬綺雯
沒有留言:
發佈留言