2012年2月7日星期二

酒店餵嘉穎 佘詩曼送上門

FACE週刊 第246期

人佘速遞


酒店餵嘉穎 佘詩曼送上門


2012年02月08日

鄭嘉穎去年靠內地劇集《步步驚心》發圍,之後又憑《怒火街頭》成功奪得三料視帝,唔只成為中港劇集的搶手貨,身價更狂跳十六倍,收 25萬人仔一集。
吸金變大筍盤,年初同佘詩曼「重新開始」的鄭嘉穎,最近留守內地橫店拍湖南衞視重頭劇《英雄》,雖然同劇大把北方佳麗,可惜撞啱阿佘亦於橫店為《建元風雲》埋尾,據知阿佘實行人肉速遞到鄭視帝酒店,見面之餘順便實男友免拈野花。

鄭嘉穎於內地劇《英雄》中飾演吳王夫差,身邊不乏美女,上週六( 4日),鄭視帝跟劇中飾演他紅顏知己梅兒的內地新女演員王振宇(小圖)攬埋一嚿
當眾攬女
鄭嘉穎於內地劇《英雄》中飾演吳王夫差,身邊不乏美女,上週六( 4日),鄭視帝跟劇中飾演他紅顏知己梅兒的內地新女演員王振宇(小圖)攬埋一嚿,北方姑娘咁熱情,難怪阿佘要嵋實

出道近廿年, 06年攞完視帝後又霉足幾年,去年終憑《怒火街頭》及內地劇《步步驚心》再反彈,脫霉鄭嘉穎更成中港兩地搶手貨,更令佘詩曼另眼相看,決心掂嘉穎復合。


酒店過夜
曾被人踢爆於橫店送餃子餵嘉穎的阿佘,最近又遭目擊於酒店跟鄭嘉穎見面,阿佘食得回頭草唔怕俾人見。《蘋果日報》圖片


同地開工
阿佘和鄭嘉穎一齊在橫店開工,雖然大家唔同劇組,不過內地拍劇日日硬掘 9粒鍾,大把時間見面。

大把女攬


鄭嘉穎現正於內地橫店影視城拍攝湖南衞視重頭劇《英雄》,鄭視帝劇中演吳王夫差,奉旨同一堆樣靚身材正的內地女星做對手戲,攞正牌同北方佳麗攬錫兼親熱,本刊上週六( 4日)於橫店直擊鄭嘉穎拍攝《英雄》時,見他戲裏戲外都與女演員分外熱情,即使鏡頭外亦互相熊抱。
內地拍劇玩得開心,阿佘亦同樣身處橫店拍緊內地劇《建元風雲》,嘉穎早前回港出席活動時,又懶瀟灑話:「橫店話大唔大,真係冇見到,亦都未必會撞到。」以為鄭視帝真係可以撇甩阿佘,但實情鄭視帝對住大班靚女只係有得睇冇得食。


收工即回
陳浩民愛夜蒲,鄭嘉穎就生性,一收工即刻返酒店,話唔定阿佘老早喺房等你呢!


馬仔嚇親
鄭視帝做得吳王夫差,冇隻馬仔點襯得起,可惜鄭嘉穎一上馬,馬仔就唔生性向前標,嚇到視帝樣都變埋。


勁打呵欠
可能掛住同佘詩曼嘅橫店會面,上週六( 4日)朝早開工時,已經狂放蚊。


佘詩曼婆婆剛於上月以 98歲高齡離世,傷心自然要人關心。

酒店密會


據知同鄭嘉穎復合冇耐的佘詩曼,為了實翻撻男友,阿佘不惜趁拍戲空檔爭取見面,有工作人員更見過佘詩曼進出鄭下榻的東磁大廈。
據劇組人員透露:「那天阿佘戴着一副大墨鏡來的,之後看到她與鄭嘉穎一齊去一樓的酒吧,一點都不避忌呀!」有姣佘纏到實,鄭嘉穎要準時交人囉!


酒店撞破
嘉穎入住的東磁大廈於橫店屬於其中一間四星酒店,於區內已屬一級,酒店內有酒吧、餐廳,有揼骨,同阿佘過二人世界唔使出街。


市民踢爆
除咗有工作人員目擊,亦有當地市民稱一入酒店就見到阿佘和鄭嘉穎,離開香港果然唔避忌。


橫店溫柔鄉


一躍成內地大腕的鄭嘉穎,中港兩瓣照樣撈得掂,除早前散拖國產模徐靖雯後,家陣雖然有姣佘翻撻,不過仍阻唔到一班上進北方妹獻殷勤,唔係阿佘實,嘉穎有排歎呀!

幕後熊抱




本刊於週六( 4日)拍得鄭等埋位時,有位女服裝幕後則由前攬向鄭腰熊抱,幫手着衫都可以叫鄭視帝轉一轉身,唔使咁熱情啫。

新晉女神




23歲女演員穎兒,有「史上最最漂亮的香香公主」稱號,有報道指穎兒經常借請教劇本博溝嘉穎。

熱情人妻




30歲內地演員吳岱凝,雖然 05年已下嫁內地歌手朴樹為妻,不過有報道指吳岱凝拍攝期間跟嘉穎出雙入對。

孖妹服侍


1月中被雜誌拍得豪請兩個年輕女助手,更被傳貼身服侍兼餐餐陪食飯。





Orignal From: 酒店餵嘉穎 佘詩曼送上門

沒有留言:

發佈留言