容祖兒何韻詩「分手」 傳與金融才子撻著
一直傳斷背戀近10年的容祖兒及何韻詩，據最新一期《FACE》報道，指她們已「分手」個多月。何韻詩被指因演出《賈寶玉》，而溝台灣女星路嘉欣；容祖兒據說仍對異性有興趣，由媽媽介紹認識36歲金融鱷少劉鎮鴻（Jeffrey）。消息指，2人上年10月已首次約會，祖兒更向好友透露，「女人都係信唔過」。
最新一期《FACE》指，何韻詩演出《賈寶玉》時，與劇中12位女演員組成的「12金釵」超老友，其中與台灣女星路嘉欣最熟。據報道，有知情人士表示，2人經常秘密傅WhatsApp，阿詩又以錄音及義，飛往台灣。
據《FACE》報道，今年將會有《賈寶玉》的重演，3月又會到內地演出，阿詩將可對路嘉欣足足有半年時間，所以致祖兒狠心分手。據報道，2人一齊多年，感情都淡了，而且2人事業差別愈來愈大，終在1月時和平分手。
至於變回「單身」的祖兒，據說擁有2.2億物業，原來有投資高手教路。消息指，2年前容媽媽認識石庫門資本管理公司的創辦人，管理對沖基金專才，哈佛商學院畢業的劉鎮鴻（Jeffrey）；前年被創業被上市公司高盛資本併購後，成為高盛第2大股東，持有股份市值超過1.4億。容媽媽就是靠Jeffrey，使投資有聲有色。
雖然Jeffrey跟容媽媽已認識一段時間，不過他最近才表心意；於是容媽媽上年安排2人見面。據報道，有知情人士表示，2人初約會時，祖兒都有同阿詩講，不過阿詩反應冷淡；而且祖兒孝順，最信媽媽，所以聽媽媽意見。
至於祖兒的經理人Mani，表示不知祖兒新戀情，又指祖兒和阿詩只是朋友，沒有回應事件。
第二頁：FACE週刊 第246期 何韻詩秘溝台灣女星 容祖兒試愛金融鱷少
FACE週刊 第246期
封面
何韻詩秘溝台灣女星 容祖兒試愛金融鱷少
2012年02月08日
02年被拍得當街煙韌揼骨，容祖兒和何韻詩被傳斷背戀傳足 10年，兩人亦被公認圈中一對。不過本刊收到可靠消息，原來 2人已經「分手」個多月，花心何詩最近因演出舞台劇《賈寶玉》，而喪溝「 12金釵」之一的台灣女星路嘉欣。
而曾經同男仔拍過拖 嘅祖兒，雖跟何詩密友關係長達 10年，但對異性仍然有市場。坐擁 2.2億身家 嘅天后，當然要門當戶對，據知經容媽媽介紹下，認識 36歲金融鱷少劉鎮鴻（ Jeffrey），為溝掂祖兒呢位樂壇一姐， Jeffrey先後替容媽媽投資物業有所斬獲。上年 10月， 2人首次約會，快將 32歲 嘅祖兒更跟身邊好友透露︰「原來女人都係信唔過。」
撇何詩 1個月
何詩頻頻去台灣，祖兒身邊又有追求者，近呢幾次出席活動都貌合神離，「容詩戀」正式玩完。
何詩上年演出林奕華的舞台劇《賈寶玉》，與劇中 12位女演員組成的「 12金釵」超 friend，其中曾與張震拍拖 6年 嘅台灣女演員路嘉欣，同何詩行得最埋。一向有女就撩嘅何詩又經常借故到台灣搵路嘉欣。知情人士說︰「搞完套舞台劇，阿詩同 12條女玩得好埋，尤其係 Jozie（路嘉欣），成日匿埋喺房玩 WhatsApp，阿詩又成日飛去台灣，以錄音為名， 6月 喺台北搞音樂會， Jozie仲帶埋好友青峰（蘇打綠主音）一齊去捧場。」
何詩開音樂會，路嘉欣專程到後台打氣，據知 2人最近正式行埋，未來《賈寶玉》巡迴演出，可以話攞正牌拍拖。
飾演林黛玉 嘅路嘉欣同何詩最多對手戲，香港站公演時，更加 喺台上打情罵俏。
上女同志刊物爆性向
32歲路嘉欣， 02年以歌手身份出道，但出 咗一張專輯《你不懂》就冇下文。近年主要演出偶像劇、電影，其姊路嘉怡亦係台灣知名藝人。
事業未有代表作，路嘉欣最為人知就係同張震 嘅 6年情，不過於 07年已分手。今年 1月，路嘉欣接受台灣女同志雜誌訪問，大談《賈寶玉》跟何詩愛得纏綿，又話現實中 12位金釵感情好到不得了，仲話唔排除未來愛上同性，佢話︰「當我愛上同性，毋須大驚小怪。」提到以前嘅感情，路嘉欣仲喊到收唔到聲。
張震舊愛路嘉欣
提起同張震嘅 6年情，路嘉欣喺訪問時忍唔住爆喊，仲喺女同志雜誌大談轉性向。
未來「老爺」來頭勁
祖兒的新歡 Jeffrey除了是美國哈佛大學商學院畢業的高材生，父親亦來頭甚勁。劉父劉壬泉曾為恒基集團執行董事，當時亦係美麗華酒店、香港小輪及 36間私人公司 嘅董事，雖然上年已經榮休，但多年來眼光獨到， 83年曾以個人名義 300萬購入山頂白加道 41號柏架別墅一單位，早年賣出時已升值為 2000多萬，勁賺 7倍。
2.2億身家軍師劉鎮鴻
07年與鍾麗淇拍拖
07年，剛與梁榮忠分手嘅鍾麗淇，經張玉珊介紹下認識 Jeffrey，更被影到於 ifc拍拖。
05年與葉璇撻着
父親係前恒基執董
Jeffrey父親劉壬泉曾是恒基高層，幫四叔打天下，以數口精出名，為恒基出唔少力。
10年情轉淡
上年聖誕節，阿詩約埋好友劉浩龍、陳文媛，仲有媽咪同前助手一家大細喺屋企開 party，阿詩仲親手整大餐，之後俾網民發現祖兒亦有出現。
雖然何詩口口聲聲話「身冇屎」，但《賈寶玉》本週六在港再重演， 3月將到國內巡迴演出，她與路嘉欣起碼再對足半年。有見於此，祖兒最終決定斬纜。知情人續說︰「 1月左右， 2個人終於和平分手，再見亦是朋友，其實咁多年都淡 咗好多，加上 2個 嘅事業分別愈來愈大。最近有個飯局，祖兒仲同身邊好朋友講話，女人咪又係一樣花心，一樣信唔過！」
其實，上年新城頒獎禮慶功宴上，祖兒被問到聖誕是否去何詩家，祖兒亦露玄機︰「你唔係問我㗎咩？係咁問佢，一係你問番阿詩啦。」原來當時二人已醞釀分手，唔怪得祖兒不願多提何詩。
教路變樓后
樂壇一姐祖兒年賺起碼 2000萬，呢幾年密密買磚頭，加上自前年其母認識 Jeffrey後，祖兒更大手入貨，包括維壹單位、松柏新邨單位、深灣軒及東港城等。合共持有市值約 2億 2千萬物業，絕對是名副其實「樓后」。
容媽媽與身邊的好友，加上祖兒三人感情要好，容媽媽亦喜見 Jeffrey追祖兒。
祖兒好錫屋企人，松柏新村 3個單位分別自己、媽咪同細佬住，其他物業統統放租。
松柏新村
名門
金融才俊力溝
有傳祖兒坐擁 2.2億物業，原來有幕後功臣，而且更係容媽媽為女兒穿針引線 嘅好姻緣。
據知早於 2年前，容媽媽認識了石庫門資本管理公司創辦人劉鎮鴻（ Jeffrey）， 2年內，幫容媽媽手上 嘅投資搞得有聲有色，現年 36歲 嘅 Jeffrey生得高大英俊，哈佛商學院畢業，是管理對沖基金專才，前年被創業版上市公司高誠資本併購後成高誠第二大股東，持有股份市值超過 1.4億，名副其實金融才俊，而且經常同圈中人打交道，更曾分別跟葉璇及鍾麗淇傳緋聞。
雖然 Jeffrey跟容媽媽認識 咗一段時間，但 Jeffrey最近先向容媽表心意，容媽媽終於在上年安排 2人見面。知情人續說︰「祖兒搵咁多錢，又係天后，平時根本冇男人敢埋佢身，個個都驚自卑，反而 Jeffrey好積極，最初祖兒諗住只係 date吓，都有同阿詩講，但阿詩反應好冷淡，仲好寸咁話『你靚女咪多人追囉！』加上祖兒好孝順，最信嘅人就係阿媽，容媽媽覺得 Jeffrey信得過，起碼唔似何詩咁周圍去撩女啦！
本刊週一致電劉鎮鴻公司，其公司職員稱他不在香港「出咗 trip」。而祖兒經理人 Mani，問到何詩是否喪溝路嘉欣而被祖兒狠撇，她則說：「首先祖兒一向都唔評論其他人嘅事，佢同阿詩一直都係朋友。如果朋友真係搵到真愛嘅，我會替佢高興！（咁係咪有個金融才俊 Jeffrey Lau追緊祖兒？）嘩，係咪真係有咁筍呀？我唔知道喎！如果係，我就安樂晒啦！」「容詩戀」 10年情玩完，眼見其他天后都排住隊結婚生仔，筍盤在前，祖兒去馬啦！
不停撩女
何詩性向已係公開 嘅秘密， 02年被影到同祖兒當街煙韌，祖兒仲同佢 揼骨添（左圖）！其實早於祖兒，何詩曾與 Bobo（陳文媛）同 Theresa（傅穎）行埋，但同祖兒呢 10年間，何詩亦不時放電，身邊朋友都知佢最冧係 Sammi，可惜神女無心；上年又搵 咗舒淇做佢 MV女主角，不過舒淇又係唔過電囉。
10年情不再
《忽然 1周》圖片
'01
《蘋果日報》圖片
'02
《蘋果日報》圖片
'11
Orignal From: 何韻詩秘溝台灣女星路嘉欣 容祖兒試愛金融鱷少劉鎮鴻
沒有留言:
發佈留言