大封面
否認與伍允龍 5年情玩完 鍾嘉欣：佢係信得過嘅男人
2012年04月13日
鍾嘉欣與武打影星伍允龍的 5年地下情，年初因為一張親密唱 K照而曝光。 3月 30日晚鍾嘉欣飛返加拿大溫哥華放大假，即傳出她與伍允龍已分手，此行是返加國治情傷。
本刊越洋追訪，發現鍾嘉欣的加國生活充滿溫情，除全家總動員接機外，更連日為 28歲的嘉欣開生日會慶祝，爸媽當佢如珠如寶，家姐阿哥又錫到佢燶。更難得的是，鍾嘉欣發現記者後，竟肯接受訪問，首度剖白與伍允龍的關係，對於分手傳聞，她甜絲絲說：「佢係一個好信得過嘅男人，我哋關係好和諧。」罕有公開大讚男友，睇怕係打風都打唔甩至啱。
溫哥華時間 4月 9日
茶餐廳做訪問
溫哥華時間 4月 9日晚，鍾嘉欣在茶餐廳內接受本刊訪問，否認與伍允龍情變，更大讚對方是個好男人，親密關係不言而喻。
鍾嘉欣與伍允龍 07年合作拍電影《十分愛》擦出愛火花，兩人都在加拿大長大，同聲同氣，外形上也非常合襯。
鍾嘉欣在今個星期大結局的無綫劇《當旺爸爸》中，飾演夏雨二女高如珠，劇中高家三兄妹與父親關係好到不得了。現實生活中的嘉欣， 04年隻身來港發展，曾患上嚴重的思鄉病，故每次放假回溫哥華，她都非常珍惜與家人共處的時間。
全家溫馨接機
3月 30日晚，嘉欣放大假一個人乘機返溫哥華，其胞兄與胞姊在當地一見她步出禁區即上前迎接，而嘉欣父母則在車中等候，眾人見面即熱情地擁抱，場面溫馨。
嘉欣的現居座落於溫哥華市內，由於被幾間屋包圍，有幾個出口，故很難捉摸她的行蹤。加國時間 4月 7日早上，一身運動裝的嘉欣，在家附近跑步半小時，返家後再沒有外出。
翌日早上其母外出散步，之後兩母女再駕車外出。經過 20分鐘車程去到中半山 Burnaby區，嘉欣不停兜圈，又與母親下車離遠睇屋。據知情者透露，在港已有兩層共過千萬的將軍澳樓揸手的嘉欣，今次返溫哥華，其中一個目的是買大屋。「之前鍾媽媽已經睇中 咗 Burnaby區一間獨立屋，等嘉欣今次返去就扑槌買。嘉欣近年 喺香港不停賺錢，成日都話要買間大 啲 嘅屋俾屋企人住得舒服 啲。」記者透過當地一間地產公司，終於查探到嘉欣買的獨立屋所在地，新屋約 5千呎，環境清靜，不像舊屋般被其他屋包圍。嘉欣以約港幣 1,500萬購入，非常豪。
嘉欣在家中是孻女，她曾透露父母當她是掌上明珠。當年選華姐離開溫哥華時，胞兄攬住她狂喊，可想而知一家人感情有多好。今次嘉欣回鄉慶祝 4月 9日的 28歲生日，胞姊 Annie早一晚已安排好神秘派對，給她一個驚喜。嘉欣正日生日，全家駕車到列治文區一間相熟茶餐廳食飯作簡單慶祝，其間鍾爸爸發現記者。
4月 9日當日是鍾嘉欣正日生日，鍾家上下分幾架車到達列治文區，其間已發現記者的鍾爸爸，一落車就與嘉欣商討對策。鍾嘉欣在《當旺爸爸》中有個鬼馬 Daddy夏雨，現實中的鍾爸爸剪了個平頭裝，樣貌有幾分似劉華爸爸。鍾爸爸繑晒手看似好嚴肅，但對住愛女嘉欣，笑得不知幾冧。
當旺爸爸真身
新居 5,000呎新屋 1,500萬購入
鍾嘉欣睇中的新屋位於溫哥華中半山 Burnaby區，屬高尚住宅區，環境清靜優美。 5,000呎的新屋有前後花園，內有七間房兩個車房，最啱全家一齊住。
舊居 1,800呎舊屋市值約 500萬
鍾嘉欣由細住到大的兩層高舊屋，位於溫哥華市內，與隔壁的房屋相比，鍾家比較殘舊。
溫哥華時間 4月 8日
偕母親睇新屋
鍾嘉欣生日前一日早上，戴上太陽帽的鍾媽媽獨自外出散步，在家附近行了近一小時。
家姐陪切蛋糕
記者有幸入茶餐廳與嘉欣慶祝生日，有胞姊 Annie（左）與契姐 Mimi（右）陪切蛋糕，嘉欣話呢個 28歲生日好難忘。
至下午 2時，鍾嘉欣駕車與母親外出，最後去到位於溫哥華中半山 Burnaby區，兩人曾下車遠望幾間獨立屋，之後便返家。
微博晒溫情
鍾嘉欣日前在微博 post了兩張在溫哥華的生活照，返到老家見到屋企人，嘉欣變番個細路女，笑得好開懷。
大方接受訪問
嘉欣為保護家人，最初拒絕記者採訪，到飯局中段，嘉欣請記者入內傾談，雖然不施脂粉，但她非常大方，唔介意真面目示人。她一開口便笑說：「我咁悶，你 哋都跟我呀？」之後更罕有地承認與伍允龍的關係。據知此行伍允龍原打算陪嘉欣過生日，但因為要為港台劇《火速救兵》埋尾，故希望 4月尾前完成工作才前赴加國。
記：記者 鍾：鍾嘉欣
記：有報道指你同伍允龍分手？可以講吓伍允龍嗎?
鍾：講真，我同佢私底下 嘅關係唔錯，如果要再深入去講，我又唔想，始終係個人 嘅選擇。我入行後形象好低調，乖乖女咁！我好想 keep住，呢幾年大家都 focus喺我工作上，今日鍾嘉欣仲可以企得 OK，我從來都冇靠過任何緋聞，亦唔想變做一個靠緋聞 嘅女仔。我只可以講，我同伍允龍……佢係一個可以講到好多心底話 嘅人。佢係一個好好 嘅人，亦係一個信得過嘅男人。我哋關係和諧囉！同佢係乜 嘢關係？我又唔覺得我自己要講。
記：佢今次唔陪你過 嚟放假？
鍾：呢個大假 07年已經定 咗！我知道我可以搵好多錢，可以做到好耐，但最重要都係健康同屋企人。 07年拍完《蒲松齡》，我決定每年都要返加拿大探親。呢段時間我純粹想陪屋企人，呢 8年 嚟，我冇試過同屋企人慶祝生日。
壓腿
溫哥華時間 4月 7日
晨操
平時在港掛住拍劇，鍾嘉欣甚少做運動。估唔到返到溫哥華，她竟然晨早 7點起身跑步，跑前仲做足熱身準備，好認真。見到鄰居，仲會笑晒打招呼。（左上圖）
踢腳
拗手
男友搵霆鋒開餐
鍾嘉欣生日當天，伍允龍在微博公開與霆鋒撐 枱腳的照片。對於鍾嘉欣在加國接受訪問認定男友地位，伍允龍經理人代覆：「所有嘢都唔回應。」
緋聞一隻手數晒
28歲的鍾嘉欣，形象清純過蒸餾水，緋聞又少。跟她同期出道的花旦，如陳法拉、胡杏兒和楊怡等，個個落晒標籤，但鍾嘉欣咁多年除了男友伍允龍外，同佢傳緋聞嘅男人一隻手數得晒。
05年前同鄭伊健合作《隨時候命》曾傳過緋聞，但屬宣傳煙幕。
07年拍《溏心風暴》，有指被同劇演情侶的林峯力追，緋聞炒得火熱。
07年，鍾嘉欣與伍允龍合演電影《十分愛》撻着，被傳媒拍到兩人在將軍澳食泰菜，飯後伍允龍更護送嘉欣返家，十分溫馨。幾年來多次被傳媒撞見兩人拍拖，但嘉欣依然堅稱與伍允龍是朋友，不想關係浮面。
去年 6月，鍾嘉欣與已婚律師到赤柱開餐，有指兩人在加拿大讀書時已認識，不過嘉欣當時回應只是朋友吃飯，更表示不會與有婦之夫發展。
男友致電賀生日
二叔妹 hit爆
今個星期大結局的《當旺爸爸》，平均收視有 32點。劇中二叔公夏雨一家溫馨又搞笑，飾演二叔妹的嘉欣，性格單純率直，與現實中的嘉欣非常相似。
記：幾時先會公開戀情?
鍾：我想公開 嘅時候就會公開 㗎喇！冇得迫 㗎！暫時 嚟講我仲未有呢個心態。
記：會突然想講就公開?
鍾：係呀！每一年都會變 㗎！如果你 哋 4年前 嚟搵我，我會好騰雞，見到記者會走，唔識面對任何人。我以前 喺圈內冇咩朋友，但人大 咗慢慢會變，我愈來愈成熟。我希望處理到人生入面好多 嘢，暫時仲未去到 嗰個階段，我未想好高調咁去公開一 啲好親 嘅朋友。
記：今日你生日，伍允龍有咩表示?
鍾：（先甜笑）佢有同我講生日快樂囉！
記：係咪喺溫哥華買 咗新屋？
鍾：我有幾多錢？擁有幾多物業？冇人會知。我 keep住都有置業計劃，亦有行動。我向來應使得使，但唔會好離譜咁去掃樓。依家住緊呢間屋，係我 5歲時爸爸媽媽買 嘅第一層樓，好有感情亦有好多回憶。鍾嘉欣其實係一個好普通 嘅女仔，入呢行唔代表會改變自己。我唔知搵到幾錢一個月，就代表我要買 LV。我從來冇呢個心態，如果變成咁，家人朋友會驚 咗我。
面對本刊突如其來的追訪，人在溫哥華的嘉欣反而變得輕鬆自在，話題除了伍允龍，還有她最愛的家人。嘉欣透露母親已退休，希望在凍肉店工作的父親，也能退下火線享仔女福。有指嘉欣在港為搵錢，捱到有情緒病搵人發洩又狂爆瘡，她再三澄清：「 No！我從來冇鬧人。我係鍾意做 嘢 嘅人，初入行有情緒問題，突然環境轉變咁大好難適應，思鄉病好重，依家我已經好享受我 嘅工作。」
距離返港的日子尚有半個月，希望鍾嘉欣叉足電又繼續搏殺。
三兄妹攬到實
嘉欣到達溫哥華機場後，見到阿哥同家姐來接機，開心到爆燈。嘉欣與阿哥擁抱，家姐又幫她戴帽。三兄妹感情非常好，十足十《當旺爸爸》情節一樣咁 sweet。
坐經濟艙
3月 20日，鍾嘉欣到香港機場 check in。貴為當紮 TVB花旦，每年搵過百萬，但她選擇坐經濟艙客位，唔介意同人迫 12粒鐘，果真慳妹。
經濟艙座位較迫，嘉欣全程坐唔定郁來郁去，又不時搽眼霜、潤膚膏保濕，即使戴眼罩瞓覺都係瞓得一陣，不過佢好有儀態，冇擘大口同流口水。
戴眼罩瞓覺
搽眼霜
記者手記
我愛鍾嘉欣
記者和攝影師在起飛前 3小時才接獲採訪通知，滾水淥腳趕去機場。一上機才知目標人物鍾嘉欣竟坐正攝影師隔籬，機程 12個鐘你眼望我眼，尷尬不特止，嘉欣不時眼仔睩睩，偷影技術渣 啲都影唔到佢個機艙 瞓覺樣。
整個採訪過程，最深刻就是跟到去嘉欣與家人慶祝生日的茶餐廳。醒目的餐廳老闆企出門口做門神睇實記者。記者只好面懵懵上前請老闆傳話，只想同嘉欣講聲生日快樂同傾幾句。小記抱住被拒絕的心態，點知帶出來的是好消息，嘉欣竟邀請我們入內。
入到餐廳見到嘉欣已坐 着等我們，更覺人間有情，回想起上月在楊思琦 L.A.的家門外等回應等足 10個鐘，最後原來係諗計撇甩記者，嘉欣明顯親切得多！
訪問阻了嘉欣生日飯局約半小時，她半句怨言都無，更請我們食蛋糕。其實雜誌封面並不等於負面新聞，遇上行得正企得正的嘉欣，今次我們展現了她孝順、顧家和樸實的一面。採訪過程雖辛苦，最後能得到藝人的體諒，也是值得。
巡警上前問話，我們馬上被趕走。之後小記折返，不敢再留在車內，只好行來行去扮住客散步。
這是鍾嘉欣寓所外的街道，滿布櫻花樹，我們每天都望 着盛開的櫻花，等着嘉欣。
Orignal From: 否認與伍允龍5年情玩完 鍾嘉欣：佢係信得過嘅男人
沒有留言:
發佈留言