官恩娜哥哥官仲銘食狗肉

家養三犬　無惻隱之心
官恩娜哥哥大擦全狗宴

官恩娜從小便是愛狗之人，多年來家中飼養過超過20頭愛犬，但原來她胞兄官仲銘上月不但曾到瀋陽食狗肉，更在微博大晒「全狗宴」照片。官恩娜昨聲稱不相信兄長食狗肉，身為愛護動物協會會長的傅明憲則強烈譴責說：「好惡心、好唔人道！」

貓狗不僅是寵物，更是人類的知己良朋，可惜內地人仍不斷殘殺貓狗進食，日前本報揭露內地人屠殺狗隻炮製「狗肉即食麪」事件，更是人神共憤，被中、港兩地網民痛斥聲討。不過，正當本港多個愛護動物團體計劃進行大規模示威活動，促請中國政府盡快頒佈法例禁止吃貓狗之際，本報接獲消息，身為愛狗之人的官恩娜，其胞兄官仲銘（Jamis）上月曾到瀋陽食狗肉，事後還到處跟友人表示：「狗肉好味道。」



一邊向佛一邊殺狗

記者在官仲銘的微博（Jamiskoon）發現兩張相關照片，兩張照片同於上月11日上載，第一張是瀋陽「綠緣之都葯膳狗肉冷面店」外貌，另一張則為「全狗宴」，枱面上9款餸菜全是狗肉炮製。有網民看到後痛斥說：「點解要食啲狗，咁可愛邊食得落，應該立法禁止殺狗。」也有人直斥官仲銘食狗肉太過殘忍，但官仲銘未有作任何回應。

現年33歲的官仲銘原來於98年無綫第12期藝員訓練班畢業，跟周家怡和任港秀是同期同學，比妹妹官恩娜更早入行，但其後官仲銘離開娛樂圈跟隨父親做生意，至近年代理罐裝葡萄酒。令人覺得諷刺的是，官仲銘香港家中有飼養狗隻，他曾在微博上載愛犬的照片，並謂：「我有一條黑狗，他的名字叫『實Kill』。」另外，他又不時上載好友在內地興建大佛寺的施工照片，他一邊向佛一邊殺生，實在自相矛盾。


官恩娜從小便是愛狗之人，多年來家中飼養過20多隻愛犬，松鼠狗阿Bul便是其中之一。　《忽然1周》圖片

官恩娜哥哥將愛犬命名實kill，認真騎呢。

「懂性開始就養狗」

記者昨日致電官恩娜，問她可知胞兄在微博大晒「全狗宴」照片一事？她說：「我唔知道，最近我忙緊拍戲，都冇乜機會見屋企人，同埋佢成日唔喺香港，我唔係好清楚佢嘅動向。」對於胞兄食狗肉，官恩娜說：「我要了解一吓，我哋好愛狗，由細養狗養到大。」

官恩娜指現時家中有三隻狗，其中實Kill本是被遺棄的流浪狗，其後胞兄帶回家中飼養。問她可相信胞兄食狗肉？她說：「我覺得佢唔會食，以我所認識嘅佢，可能只係影低咗。」怕不怕是事實？她說：「我梗係怕聽到，我有少少唔相信，因為我哋從懂性開始就養狗，同狗係唔可以分離嘅人。」


官恩娜對兄長官仲銘在內地食狗肉，表示難以置信。　資料圖片

傅明憲怒轟好殘忍

身為愛護動物協會會長的傅明憲，昨獲悉官恩娜兄長食狗肉時強烈譴責說：「我覺得食狗肉係好惡心、好唔人道、好不知所謂，因為佢係我哋嘅好朋友，養狗嘅人好清楚知道佢對我哋人類係好忠心，我覺得如果咁都食得落，真係好不知所謂，人都不如囉。內地仲食狗肉，你要同呢啲飲食傳統文化抗衡，就一定要立法，因為你單靠我哋啲愛狗人士抗議，佢哋都會同你拗點解你食雞食豬食牛又得，點解我哋唔食得狗唔食得貓？所以我覺得避免再拗呢個問題，索性立法最好。我哋愛護動物協會一路都做緊，幫手一齊草擬一份草案，希望快啲立法。」

傅明憲續說：「我覺得連狗都食得嘅人，人品都好有問題，家又唔係打仗又唔係饑荒，冇excuse去食，好殘忍，我好憎佢哋。」

---

Orignal From: 官恩娜哥哥官仲銘食狗肉