娛一叮
破紀錄簽王維基 鄧萃雯壓阿佘做一姐
2012年04月13日
城市電訊(CTI)王維基入標搞免費電視台，去年 9月開始，不斷拋銀彈招兵買馬，繼佘詩曼、廖碧兒及張可頤等花旦過檔後，最新目標是實力派花旦鄧萃雯。
鄧萃雯自 04年的《金枝慾孽》爆紅後，身價飆升。王維基為了吸引對方，不惜以 3倍價錢(每集 15萬)力邀其過檔，比鎮台的佘詩曼每集 13萬還高。雙方簽了兩年 40集的部頭約，雯女穩袋 6百萬。
藝員流失，無 綫惟有撬亞視花旦如陳煒及萬綺雯等，更話到明過檔的藝人不會錄用。無奈繼姜大衞、陳曼娜及元華離開後，近日石修及秦沛等亦相繼跳槽。買少見少，無 綫都咪話唔頭痕。
薑係老嘅辣！（設計對白）
鄧萃雯 15萬/集
雯女自 04年的《金枝慾孽》之後，成為了收視保證，之後由她一人擔正的《女人唔易做》亦大受歡迎，奠定她的一姐地位。而《巾幗梟雄》及《義海豪情》同樣取得最高收視 47點，《義海豪情》更是無 綫在內地賣埠價最高的劇集。
佘詩曼 13萬/集
阿佘 98年拍的《十月初五的月光》，創下當時 46點的最高收視紀錄。及後阿佘主演《金枝慾孽》，成為無綫一姐。而 09年阿佘 孭飛的《宮心計》最高收視更有 50點，阿佘飾演的「劉三好」更被視為中國版大長今。
輸個馬鼻啫！（設計對白）
廖碧兒 4萬/集
廖碧兒憑 01年在《皆大歡喜》飾演的俏公主受歡迎。此後她主演的《妙手仁心 III》、《談情說案》都有不俗收視，但與陳豪分手後形象急跌。去年的處境劇《依家有喜》反應麻麻，她在無綫的劇集價為萬五元一集。
點解差咁遠！（設計對白）
張可頤 12萬/集
97年主演《難兄難弟》的程寶珠而初露頭角。之後與江華合演的《九五至尊》，亦獲得最高收視 46點。去年她和黎耀祥主演的《法證先鋒 III》最高收視 43點，是 2011年收視冠軍節目，在無綫的劇集價為二萬元一集。
我係上年收視冠軍！（設計對白）
被記者問到是否過檔城市電訊時，鄧萃雯一味扮傻，不過對於是否以 15萬一集過檔，她就笑不攏嘴，甚為受落。
佘詩曼過檔王維基旗下以來，是最高薪的鎮台花旦。昔日阿佘在無 綫雖然是一線花旦，但只得 3萬元一集，過檔加至 13萬，已上漲 4倍有多。但近日王維基再出手，破紀錄以 15萬一集利誘鄧萃雯過檔，實行為開台劇打響頭炮。
早在 3個月前，王維基已親自出馬聯絡鄧萃雯及其經理人 Helen Chan。「條件好吸引，雯女都估唔到對方一開價就俾 15萬一集佢，係無 綫 嘅 3倍。另外又話同佢度身訂做一個時裝女人劇，年底開拍。」知情人說。
度身做女人劇
「套劇 嘅女主角雖然仲有張可頤同廖碧兒，但主線會 喺佢身上。佢飾演 嘅女強人角色，事業同感情都有好大發揮，而男主角打算搵吳啟華及林文龍，卡士唔弱。套劇除 咗 喺香港播，亦會 喺國內播放。」據知合約自由度相當大，雯女兩年內拍 40集外，若反應好隨時加簽，其間又可以幫其他電視台拍劇，甚至返 TVB都得，不會被綁死。
上月中，由於發牌日子（ 6月初）逼近，王維基更加多幾錢肉緊，三日一 call及兩日一短訊來催促。雯女有感對方的誠意，雙方終於達成協議，待她為無 綫拍完《金枝慾孽 2》，放過短假後，便正式過檔拍劇。
雯女露口風
由於鄧萃雯目前仍為《金枝 2》開工，所以對過檔一事，她未敢向外透露半句。
4月 10日，記者上前向她求證時，她就扮懵說︰「吓？有 啲咁 嘅傳聞（過檔）咩？」不過，談到 15萬一集最高身價時，她則笑不攏嘴︰「哈！真係多謝喎！哈哈哈！（王維基開套新劇俾你喎？）吓？佢講 㗎？」說罷即以「趕入廠」為由轉身離開。
其實，早前她接受訪問時，曾漏口風承認王維基有找她，更暗示不打算簽約無綫。她說：「總之有好劇本好角色都會試，唔會諗結果……」似乎去意已決。
雯女口密，但王維基旗下紅星會館的發言人 William就露口風︰「依家佢（雯女）仲同無 綫拍緊劇，冇咁快講呢 啲！（係咪 15萬一集高薪挖角？）價錢唔講，係王生親自傾。依家講有 啲尷尬，唔想太刺激友台，等真係落實公布得，我一定第一個通知你。」
3月 21日，姜大衞、黃日華、林文龍等一班無綫舊將群星拱照城市電訊製作中心動土禮。
《金枝慾孽 2》試造型，上集得番陳豪、鄧萃雯有得留低，雖有蔡少芬及伍詠薇加入，但冇咗黎姿及張可頤，人面全非。《蘋果日報》圖片
無 綫搵外援
就雯女過檔一事，無 綫外事部副總監曾醒明回應︰「雯女將來的動向未清楚，公司都會積極同佢傾將來合作，但依家仲拍緊《金枝 2》，言之尚早。」其實無 綫以往的慣例，完約前一年或半年前已傾定續約，看來無 綫亦收到雯女去向。
敵台銀彈挖人，合約又自由度高，但無 綫對離巢藝員絕不手軟，曾醒明更暗示冇彎轉︰「無 綫好尊重合約精神，合約 嘅目的係希望佢哋遵守只為呢個機構服務。王維基點處理我唔作評論。（係咪因為被挖角所以搵外援？） TVB大門常開，我 哋會不停補充新血。」
自王維基瘋狂挖走過百台前幕後，無 綫已急謀對策。除暗中游說周麗淇轉做親生女外，又先後從亞視挖走陳煒及萬綺雯，更戮力搵外援，力邀周秀娜、 Janice Man（文詠珊）、劉心悠等拍劇，但遠水卻不能救近火。
上月尾，王維基晒行馬，在深灣遊艇會筵開十多席舉行誓師大會，藉飯局宣布新計劃，介紹將開拍的七部劇集。席上過半數均是無綫舊將，除了一線的林文龍、黃日華外，還有金牌綠葉陳曼娜、元華、石修、駱應鈞、艾威和秦沛等。
石修十月過檔
現身在上海拍無綫劇《名媛望族》的石修，坦言十月會過檔為王維基拍新劇。
石修近年在無綫演奸角多，於《荃加福祿壽探案》中，他呃盡苟芸慧同汪明荃，搶鏡度同福祿壽有得比。
同無綫冇約的唐寧，亦剛剛簽咗俾王維基。至於由佢同廖碧兒演出的《盛世仁傑》，放在倉底 4年後，現在才有幸播出。
石修吳浣儀過檔
王維基撬人，連已被觀眾淡忘的演員亦唔放過，好似扮六嬸好叻嘅吳浣儀，近日簽約復出。《蘋果日報》圖片
雖然誓師大會未見當紅花旦，不過王維基滿腹大計。手上簽了一批老戲骨外，更不斷游說一些昔日花旦復出，如梁小冰、唐寧及龔慈恩等。據知 CTI今年將開拍三套電視劇，雯女那一齣是重頭劇，另外還有 8月開拍，由黃日華擔正的警匪片，及一部以家族鬥爭為題材的劇集。但卡士未定，尚在計劃中。
而剛簽王維基的石修及吳浣儀，亦大讚新公司。在上海為無 綫拍《名媛望族》的石修，兩星期前與王維基秘密飯局後，正式動筆簽約，他說︰「拍完這個劇，再拍多一個大陸劇， 10月左右便會拍王維基 嘅新劇。酬勞我好滿意，秘密飯局？都係食飯 啫。」至於久沒拍劇的吳浣儀亦說︰「好開心，新公司自由度好大，話如果唔撞期，返 TVB拍劇都得。」
大陸搶手貨
鄧萃雯和李冰冰在《徽娘宛心》連場鬥戲。
鄧萃雯能夠成為香港電視女星一姐，全因為《金枝慾孽》效應，令她打開了內地市場。除了登台、剪綵騷接到手軟，她也間歇接拍了不少高質大陸劇。
好像 05年她接拍的《徽娘宛心》就是集合劉曉慶和李冰冰的大製作。而 08年的《玫瑰江湖》，一集已收 6萬人仔，男主角有鍾漢良、陳鍵鋒及劉松仁。去年她亦在《還珠格格之燕兒翩翩飛》演出皇后，一集收 8萬人仔，可謂有價有市。
兩台增兵
王維基撬人主要都是向無 綫現役演員埋手，除了一線女星，其實不同層面都有增兵。至於無 綫失血嚴重，惟有向亞視及模界埋手，又簽埋周麗淇做親生女，務求盡快添兵，準備未來的連場硬仗。
Orignal From: 破紀錄簽王維基 鄧萃雯壓阿佘做一姐
沒有留言:
發佈留言