貨不對辦
王維基嫌闊面 廖碧兒拒打 botox冇劇拍
2012年04月18日
「拜金女」廖碧兒去年飛陳豪後不獲無綫續約，轉戰內地又冇乜起色，當家花旦幾乎玩完。
廖碧兒最近以部頭形式簽約王維基的 CTI電視，無綫立即搬出她有份演出的倉底劇《盛世仁傑》，為免 CTI開台才播變幫人宣傳。即將為 CTI新劇演出的廖碧兒，近日卻身形暴脹， pizza面尤其明顯，據知連王維基亦曾開口勸她打 botox瘦面，但遭廖碧兒拒絕，新劇隨時要換人！
大圓面、粗碌臂、水桶腰
廖碧兒今年 3月出席一個癌症基金活動時，包包面現晒形，難怪連王維基都嚇親。
廖碧兒去年不獲無綫續約，轉投佘詩曼的經理人公司諗住北上掘金，可是一直不受重用，做慣花旦的她，在內地劇《深宮蝶影》中只做行行企企的妃嬪，期間只回港在 now TV主持英文節目，開工日子少之又少。
去年傳出搭上李澤楷表弟林忠豪，可惜拍拖幾個月分手。最近在微博發現廖碧兒放上不少喪食相，難怪暴肥！
今年 2月王維基（右）舉行晒冷電視台動土禮，廖碧兒脹爆出席，當日所見，王維基與她交談不多。
騎呢母女
《盛世仁傑》是 3年前倉底貨，不過已有網友話廖碧兒塊面闊得好誇張。她飾演郭羨妮的女兒，睇到網友 O晒嘴，其實郭羨妮只係繼母 啫。
內地唔掂
廖碧兒在內地拍劇，早前的《深宮蝶影》只係行行企企，最近拍《盛宴》亦只屬大配角。
新劇換角
CTI原定 8月開拍的重頭劇，屬黃日華父女上陣的鬼片，不過廖碧兒的角色最近卻「 hold住」，隨時換人。
今年初王維基旗下的 CTI電視台四出挖角，與廖碧兒一傾即簽下 3套劇集的部頭合約。 2月 CTI在將軍澳舉行電視大樓動土禮亦預埋廖碧兒，不過廖碧兒的身邊人透露，當日久未在港露面的她突然變了包包面，嚇親王維基。廖碧兒身邊人說：「 嗰日廖碧兒面腫腫肥過以前好多，又唔 set頭，王維基見到佢都嚇咗一跳，過幾日 CTI就有人打去同廖碧兒講，勸佢減肥，但係佢舊年整傷條腰唔做得運動嘛，王維基就叫佢試吓打 botox瘦面啦，否則上鏡唔靚，但係廖碧兒話：『我唔覺得自己肥喎。』死都唔肯打 botox囉。」
知情人士又透露：「本來 8月有套劇開鏡，拍黃日華同關楚耀嘅，但王維基嗰邊想 hold住先，考慮換走廖碧兒或者延期。」對於勸廖碧兒人工瘦面， CTI電視發言人鄭小姐上週對本刊解釋：「當然演員扮靚啲嚟拍劇係最好啦，但我哋都好尊重佢哋嘅決定。」
上週廖碧兒仍身處內地拍劇，其經理人 Gary在電話回應：「 Bernice（廖碧兒）之前傷 咗條腰，係唔可以做運動，加上佢不嬲容易腫！家喺內地拍緊劇，身形會瘦番啲啦！打 botox係冇可能，冇聽過拍劇有咁嘅要求，就算有咁嘅要求都唔會咁做。」今時今日打 botox都唔係新聞啦，好過面腫腫搞到冇得翻身吖！
頭炮靠台灣奇兵
王維基旗下的 CTI電視台，未獲得發牌已大鑼大鼓宣布將拍攝多齣電視劇，明撼無綫慣性收視。據知原定最快開拍的是一部殭屍劇，主要演員原定有廖碧兒但尚未落實，男主角方面則有尹子維及台灣過江龍唐禹哲，可謂奇兵盡出！
唐禹哲《幸福蒲公英》
尹子維
王維基 50億打 TVB
一向只有亞視反對政府發出新的免費電視牌照，但早前城電 CTI以 50億出售寬頻網絡， TVB終於忍唔住發炮，指 CTI申請電視牌照時是擁有寬頻網絡，但如今經營條件已有變，促政府重新考慮。
CTI發言人鄭小姐回應事件時強調：「雖然賣咗寬頻網絡，但未來 20年仍然係用香港寬頻嚟做電視嘅傳送工具，基本上經營方法係冇變。而 50億係全數用嚟發展電視業務，足夠未來幾年開支。」 50億咁重火力，難怪無綫緊張嘅。
樂大媽都有叫
做藝人靚仔靚女係着數啲，過往有唔少藝人被電視台高層「欽點」變靚，變靚咗觀眾睇得開心啲，何樂而不為呢？
鄭嘉穎脫毛賺百萬
《忽然 1周》圖片
06年樂易玲欽點鄭嘉穎接受〈變型 D〉廣告代言人，簽下百萬合約，需要脫掉濃密的胸毛，滑滑拍廣告。
楊秀惠跟大隊執靚
《蘋果日報》圖片
前年傳出樂易玲帶隊到台灣「大改造」，楊秀惠是嫌疑人之一，當年她否認有隨隊，但說：「我覺得係咪應該整少少俾大家寫吓，我想整高個鼻。」
蔡淇俊 24歲箍牙
《蘋果日報》圖片
蔡淇俊因為牙齒生得唔夠齊， 08年樂易玲建議他箍牙，當時蔡淇俊已 24歲，箍牙後的他不但牙齒雪白，更變了雙眼皮。
Orignal From: 王維基嫌闊面 廖碧兒拒打botox冇劇拍
沒有留言:
發佈留言