選美向來都是加入娛樂圈的不二法門，但要突圍卻非易事。張慧雯（Candy）暫停學業，在娛樂圈苦拚兩年後，處女劇《On Call 36小時》早前終於播出，她的實習醫生角色成功入屋，可謂事業起飛的里程碑！不過「人怕出名豬怕肥」，在知名度上升的同時，卻有自稱其「前男友」的人爆料指有她的情慾照。對此，Candy說：「唔係真實嘅嘢我唔會理，亦唔覺得受打擊！而且件事冇證冇據，總之清者自清！」
感激父母 自小栽培
作為演藝新丁，Candy受到抨擊仍堅強硬淨確是難得！不過原來她童年時卻曾被欺負，她說：「記得三年級移民去溫哥華嘅時候，着衫老土又唔識講英文，成日唔出聲，搞到畀人蝦同笑！有一次同老師用英文喊住講有人蝦我，此後由唔出聲學識點去出聲，之後我好努力提升英文能力。讀中學時去咗多倫多，我對每個人都好Nice，有人覺得我過分熱情，但都好過太冷漠，因為呢個世界有太多人需要愛同開心！」
Candy小時候已被父母送往外國讀書，令她學會知書識禮及訓練出一些才華，故她對父母充滿感激：「媽咪由細到大都會幫我報好多提升技能嘅班，例如學芭蕾舞同中國舞等等，媽咪覺得一個人最緊要有氣質。至於爸爸喺TVB做國語配音員，之前配過《無間道》嘅黃秋生、《英雄本色》嘅周潤發，因為佢係行內人，對我要求特別高。」
朋友鼓勵 毅然選美
Candy擁有美麗外表，加上有家人栽培，選美奪獎可謂順理成章，不過她坦言本無選美打算，直至男友人鼓勵，才令她毅然參選：「佢突然向我遞上選美報名表格，仲話：『你一定要去做！因為我知呢個係你未完成嘅遺憾同夢想！』跟住我眼濕濕，覺得佢好了解我，而且畀咗好強大嘅推動力我參選。」參選期間，因其樣貌酷似前華姐冠軍苟芸慧，加上二人同樣來自多倫多，故她有「苟芸慧師妹」的稱號！
入行至今，Candy的緋聞離不開於劇集發展感情線的羅仲謙及魏焌皓，不過她澄清二人只是其好友：「我當羅仲謙係師兄，至於魏焌皓係我好好嘅同事。」問到有甚麼擇偶條件？她笑說一定要是大方的男生，不過一切還是順其自然。
後記：視爸爸為偶像
談及親人，Candy提起從事配音員的父親時特別激動，言語間流露出對爸爸的敬佩之情。原來爸爸上班從沒試過遲到，即使生病入醫院仍要求上班，這全因為「責任」兩個字！而小記從Candy身上亦深深感受到她對父親的愛。
Candy得朋友鼓勵，毅然參加選美踏上演藝之路，一圓夢想。
美貌與氣質並重，Candy選美獲獎似乎是意料中事。
跟黃智雯（左）等拍《On》劇，令Candy成功「入屋」。
Candy因貌似華姐苟芸慧，故參選時已被稱為「苟芸慧師妹」。
張慧雯（左起）、苟芸慧、郭羨妮
羅仲謙（右）及魏焌皓是Candy入行至今僅有的緋聞男友。
魏焌皓
Orignal From: 張慧雯含淚追夢
沒有留言:
發佈留言