鄧智偉說﹕「剛過去一年，係我人生嘅一個過渡期，當中發生好多唔同嘅事，而工作上有感不停重複，令好我好想去搵新衝擊，突破一下自己，加上喺一次機緣巧合下，遇見其中一位投資者林生，大家都想有合作嘅機會，再加上樂易玲小姐同我講，你係時候做啲嘢﹗就變相促成今次演出。是次《平行回憶作品音樂會》對我嚟講，唔單止係一個讓我回憶、回顧自己以往8至10年內所有作品嘅機會，更同時係一個令我與歌手朋友們一起回想昔日種種喜怒哀樂嘅好時光，絕對係一個共同回憶嘅晚上。」
台前台後一手包辦
除了表現者的質素外，音樂會也很注重舞台設計，燈光，服飾等，不說不知道，原來是次兩場音樂會，由挑選演繹甚麼歌曲，以致視覺效果，音響效果，表演者的服飾等都是由智偉一手負責，定必為大家帶來驚喜。
鄧智偉說﹕「當晚係以一個故事嘅形式去包裝整件事，而非金曲夜，每位嘉賓就好似故事入面嘅一個角色而作出唔同嘅演出，互相穿插，所以歌曲其實唔一定係由原唱者去演繹返，可以係互唱對方嘅歌，有唔同嘅Cross Over，我希望係利用旋律去打動觀眾。歌曲選擇方面，大約會挑選25至30首，主要會選擇比較經典，能夠感動人心嘅歌曲，特別我更加希望來一個大平反，好似某些歌曲原本係套用喺古裝劇上，但到時我會加入一啲新派些嘅旋律、效果，為首歌來個大平反。至於大家嘅服飾，髮型等等，都會由我一手包辦。」
莊冬昕讚作品旋律動人
知道智偉能夠成功踏前一步，舉行個人音樂會，實在替他感到高興，不少演唱過其作品的好朋友，如鄭融、許廷鏗、莊冬昕先後得悉消息後，更齊聲表示撐硬他﹗ 許廷鏗說﹕「其實之前優秀選時已知道，記得當晚慶功宴上，佢親口走來問我有無興趣做呢件事，我當時聽到已經覺得好興奮，好想參與﹗日子愈來愈近，依家更加開心。至於演唱咩歌曲就要等智偉安排，好期待佢畀Direction我去如何演繹，當中好多作品我都想嘗試。」 鄭融說﹕「我係公司、佢嘅朋友通知。知道之後，好替智偉好開心，我一直都好鍾意智偉寫嘅歌，佢每首歌嘅旋律都好好聽，喺未有詞，單係聽旋律嘅時候，已經聽得出首歌想講咩，有咩情緒，所以我覺得智偉嘅歌好特別，而我亦好開心能夠參與佢嘅音樂會。我特別比較喜歡《巾幗梟雄》同菊姐演唱嘅歌。」 莊冬昕說﹕「其實我同智偉識咗好耐，我係其中一個最早知嘅朋友。記得當時佢問身邊嘅朋友，包括我，究竟應唔應該做呢個Show，而大家都好鼓勵佢，支持佢做，因為佢寫咗咁多咁好嘅作品，係時候將所有作品撮埋一齊畀人欣賞一下。佢係我合作咁多音樂人內，寫旋律寫得最好聽、最感動嘅其中一位，無論係時裝也好，古裝也好，佢都有辦法將旋律配搭入內，加上佢係一位比較感性嘅創作人，平時聽佢彈琴，聽佢創作嘅旋律，已經知道佢最近生活開唔開心，Melody係佢同人溝通嘅方法之一。」許廷鏗Tune好靚聲支持 眼見智偉如此落力為自己的演唱做足準備，實在欣賞，而當晚與他一起演出的嘉賓們，也不敢放鬆自己，更各自出招把音樂會推至另一個高峰。
許廷鏗說﹕「雖然我未知自己將會唱甚麼歌曲，但依家就盡量調節緊自己把聲，加上最近自己成日病，把聲未去到平時嘅水準，所以依家就Tune好自己把聲，希望到時能夠發揮得更好。」 鄭融說﹕「我將會演唱三、四年前嘅作品，《借》與《還》。依家都諗緊點唱先可以配合首歌，如何感性一點，感情豐富一點去演繹。因為依家重新去演唱幾年前嘅歌已經唔係嗰件事，所以依家當係一首新嘅歌去重溫返佢嘅歌詞同旋律，重點Pick Up，希望可以配合整個Show同感動觀眾，唔會不負智偉。」 莊冬昕說﹕「我嗰Part係由我自己負責諗點去演出。因為智偉平時太感性，做事太認真，所以到時我會帶樂趣畀佢，喺佢個音樂會上搗蛋﹗我已經同其他兄弟諗緊到時點演繹點攪事，畀一個挑選佢，挑佢機，希望畀一個Surprise佢﹗」
Orignal From: 無綫音樂總監開騷 鄧智偉獲鄭融瞓身撐
沒有留言:
發佈留言