2012年4月22日星期日

潘曉彤對張兆輝 產生化學作用

無綫處境喜劇《結.分@謊情式》播出以來大受歡迎,劇中以張兆輝誤會潘曉彤暗戀他的一幕,令觀眾留下深刻印象。其後張兆輝更發現潘曉彤是他的前女友的女兒,引發一段相認親女戲。原來現實中潘曉彤背後都有一段故事。

潘曉彤(Rachel)自少是童星,演出劇集多不勝數,曾與男演員合作最多要數張兆輝,演出多場父女戲份,張兆輝也有指導她如何演繹,拍完後效果良好。原來現實中的Rachel自少喪父,由母親獨力撫養長大。

她自言從小對爸爸印象模糊,而且缺乏父愛,對年長而思想成熟的男士特別有好感,因此跟張兆輝拍父女戲很容易入戲,Rachel說:「同輝哥合作演出好有化學作用,佢好好人,經常教我演技。佢仲叫我『阿女』添!咁叫我令我好有感覺,更容易代入角色。往後劇情講到我親生媽咪返香港,搞出大龍鳳,至於我係咪張兆輝親生女呢?大家要睇埋落去自有交代。」

被問到接受男朋友年齡最大上限?Rachel表示:「梗係想依靠倒另一半啦,大我十年都OK!」往後劇情講到魏焌皓追求潘曉彤,她說:「我哋會有感情線,都算大團圓結局,雖然冇拍拖戲,但劇情講我哋會喺埋一齊。」潘曉彤表示與一把年紀的胡楓(修哥)做對手戲好開心,Rachel笑說:「我甩咗假眼睫毛,修哥扮我跟住一齊補妝,佢成個大細路咁好搞笑。」

演員如一家人

Rachel在《一屋兩家三姓人》中與馬德鐘合作過,她表示:「嗰時我十四歲,佢對我好好,雖然拍戲成日要喊,但成班演員好似兄弟姊妹一樣,感情好好。」拍《學警雄心》同吳卓羲合作,Rachel表示Ron(吳卓羲)像她的哥哥等待她。直至參與《天與地》Rachel才有較大發揮,她說:「同陳豪多對手戲,以為一線演員,熟咗發現佢好好人,原來可以同佢傾到偈,佢仲會關心我學業。由於喺廠時間長,大家經常嘻嘻哈哈搞Gag,好開心。」

少年偶像楊采妮

原來Rachel入行有段故,她的表姐是《閃電傳真機》的演員,經她介紹而加入TVB擔任童星,演出過很多劇集,Rachel憶述童年時演出:「細個時由媽咪陪伴入電視城,當時喺錄影廠多數角色要拍喊嘅戲份,媽咪喺化妝間等我。(要媽咪氹番你?)唔使,個時已經知道係做戲,拍完就唔喊。」原來Rachel未入行前是極不願意在鏡頭前演出,克服關鍵只因她是楊采妮的粉絲,而楊釆妮拍攝MV需要一位小女孩演出,Rachel得知可與偶像見面即回答:「有得見楊采妮,我去!演出後至覺得好好玩,自始喺TVB拍劇差唔多十多年。(?家對楊采妮有當年咁熱情?)入行後成日見到藝人,冇以前咁沉迷。(想跟楊采妮做導演?)其實我喺外面有試過同朋友拍片,有試過當導演同編劇,攞經驗之後,了解導演要求咩嘢囉,對演戲有幫助。」Rachel自言男仔頭性格,故此喜歡欖球運動,更有學習打泰拳。

撰文、攝影:雯雯

潘曉彤對張兆輝 產生化學作用

Orignal From: 潘曉彤對張兆輝 產生化學作用

沒有留言:

發佈留言