能歌善舞演技好 胡定欣上位睇遲早

胡定欣既「能歌」（1999年參加全球華人新秀歌唱大賽晉身最後四強），又「善舞」（2008年參加《舞動奇跡》比賽奪季軍），更有演技（《2008年萬千星輝頒獎典禮》獲「飛躍進步女藝員」獎），但她卻欠缺運氣，多年來只在電視台擔任二線角色，未能擔正做女主角。胡定欣表示，她正努力付出，等待機會上位。

撰文、攝影：雯雯 化妝：Jessica Chan，Francis

髮型：Matt Chiu，Hei@Xenter 服裝：Izzue

胡定欣於新劇《拳王》中飾演聾啞女「丁恩慈」，被鄭嘉穎訓練成女拳手，定欣表示：「需要短時間內打得似模似樣，運動量好大，舉啞玲做Sit-Up，排汗後身體線條好咗，仲有老鼠仔?！連教練都話我有天份，（拍戲要面對職業拳手對打？）係呀，佢話冇出力，但受咗一拳打正面頰，雖然我已經用手擋住，但都覺得震盪力好大。嗰一刻有諗過『我唔打拳啦！』（?家遇到色狼都唔驚？）有作用，不過希望唔會遇到色狼。（會轉型做打女？）冇刻意諗，但如果機會嚟到我都想嘗試。」

陳國邦狂追 暗?鄭嘉穎

問到胡定欣學手語一事，她謂：「因應劇本而學習，老師教我錄喺手機度溫習。劇中我同陳國邦都有用手語溝通，鏡頭以外都有同佢打手勢溝通。（同邊個有感情線？）劇中陳國邦鍾意我，另外又講我暗戀師傅鄭嘉穎，（擔唔擔心同嘉穎傳緋聞？）唔會，大家好同事，只會傳佢同李詩韻有緋聞，因為佢哋有接吻戲。（一直以來未有機會演出女主角？）希望有呢一日，我都想Step By Step，o依家監製畀我戲份越來越重，好大發揮，希望將來有機會嘗試，做得更加好，唔會令大家失望。」

情路多戀事 懶理封姣精

胡定欣在劇中感情多姿多采，現實生活中感情亦一樣多線發展，皆因有報道指31歲的胡定欣除了跟馬國明拍過拖外，更曾跟吳浩康、馬德鐘、吳卓羲、電視台監製潘嘉德、郭政鴻等七男傳緋聞，甚至被封「姣精」，不過她並不似「丁恩慈」啞子食黃蓮，相反笑對緋聞，拋下一句：「入行第一日已經有人係咁叫啦！」相信胡定欣似乎適合拍《太極》多。

---

Orignal From: 能歌善舞演技好 胡定欣上位睇遲早