勁歌捧大獎
王菀之拍劇回禮
無綫同五大唱片公司嘅關係到家未完全正常番，而喺年初舉行嘅《 2011十大勁歌金曲頒獎典禮》，王菀之（ Ivana）冷手執個熱煎堆，首次奪得亞太區最受歡迎香港女歌星獎。近年 Ivana相當努力做碟，成績唔錯，得獎係咪合理，見仁見智。不過得到個大獎， Ivana同以往得過大獎嘅歌星一樣，點都要做番啲嘢報答一下，加上家無綫鬧藝員荒， Ivana係時候出馬喇。
王菀之喺年初勁歌總選得到亞太區最受歡迎香港女歌星大獎，梗係要做嘢報答無綫。資料圖片
同祖藍談情
據馮仁昭八到話嚟緊 Ivana會處女下海為無綫拍劇《老表你好嘢》（暫名），套劇由監製過《阿旺新傳》、《戇夫成龍》同埋《學警》系列嘅黃偉聲製作，其他演員包括郭晉安同王祖藍，仲有新加盟嘅萬綺雯及之前被指係祖藍老竇嘅黃光亮，祖藍好大機會做黃光亮個仔，祖藍同 Ivana仲會有感情線，齋諗佢兩個嘅外型，同埋 Ivana把雞仔聲，相信幾搞笑。東亞唱片發言人梁小姐噚日就 Ivana係咪拍無綫劇回應：「係有傾緊， Ivana都有興趣拍，不過要再詳細傾。」
黃光亮都有份演新劇，極有可能同祖藍扮演父子。
據知王祖藍喺劇中會同王菀之有感情線，相信必定相當搞笑。
Orignal From: 王菀之拍《老表你好嘢》
沒有留言:
發佈留言