兵分兩路
《女警愛作戰》未播開續集 TVB留謝天華 氹周麗淇
2012年04月26日
周麗淇（ Niki）與謝天華合演的《女警愛作戰》香港未播出，但在內地網站 PPS作網絡獨家首播，即掀起了網熱。據知，無綫為了留住今年底約滿的謝天華，會力谷他主演的《女》劇爭視帝，另一方面亦積極籌備《女》劇開拍續集，希望成功羅致 Niki做親生女。
Niki是無綫的福將，每次合作均有好成績，無綫在缺花旦下很想將她簽約旗下，現正洽談中。而謝天華將於年尾約滿，據知無綫為了留住他，將會力谷他成為今年的視帝。
買家有信心
今年二月尾拍畢的無綫新劇《女警愛作戰》，四月分別在大馬 Astro On Demand、澳洲 TVBJ及內地網站 PPS播映，因為海外買家對該劇反應好甚有信心，無綫才放膽率先安排在海外播出。
「有唔少劇集都會咁做，不過同內地網站合作係第一次，海外買家對呢套劇嘅反應普遍都話唔錯，所以套劇未拍好就安排播映，有份主演 嘅演員都唔知會喺內地播先，初時仲以為俾人偷咗啲片添，好好笑。」一名無綫工作人員說。
內地網站 PPS首播後，《女》劇亦掀起了網熱。「冇諗過會咁快成為網民嘅話題，高登友同其他討論區都喺度炒緊，其實警呢套劇算係重投資，好多爆破同槍戰位，節奏又緊湊，應該會收得。」
二月尾才拍完的《女警愛作戰》，無綫早已將播映權賣埠。大馬、澳洲及內地觀眾可率先睇。
劇集在內地網率先播，香港觀眾亦可先睹為快，看過的人在討論區留言力讚，掀起了熱話！
一箭雙鵰
另方面，謝天華今年底便滿約，無 綫亦為留低 Laughing想盡辦法。
「而家打仗時期，小生花旦買少見少，謝天華當然唔可以放走啦！公司見套劇外面反應好，咪順勢話會幫謝天華爭視帝，加上好想簽埋 Niki，其實傾咗一段好長時間，但都未成事，所以《女警》未播，已經籌備拍續集，理想一定係原班人馬，仲話等 Niki睇到公司有誠意喎！」工作人員透露。
有關簽約無綫， Niki透過經理人回應說：「一直以來 TVB對 Niki好好，至於親唔親生，係好機密嘅事，唔方便透露。」
自己孭飛的劇集未播已掀起網熱， Niki說：「好開心，啱啱同謝天華錄完劇集主題曲，希望快 啲可以喺香港播！（無 綫已經籌備拍續集）拍續集當然好啦，最好拍埋電影添，但都要睇 TVB點安排啦！」
由於拍攝《女》劇時出唔切劇本，所以演員有很多時間等埋位，幸好一班女仔相處和睦，很多時會一齊玩自拍打發時間。
Niki表示拍攝此劇是挑戰自己體能的極限，要佗住十幾磅道具槍、手銬等跑來跑去，是最令她難忘的事。
《女》劇有很多爆破及槍戰場面，是無綫近年來少有的重本投資劇集。
謝天華與 Niki在劇中合作愉快，雖然拍攝期間出現不少問題而阻礙進度，但兩人都無怨言，表現很專業。
除了 Niki之外，《女》警還有很多女藝員參演，黃智雯、王君馨、呂慧儀及朱慧敏等人也有很破格的演出。
黃智雯在劇內除衫露 bra帶一幕，亦成為了網民的熱話。
Orignal From: 《女警愛作戰》未播開續集 TVB留謝天華 氹周麗淇
沒有留言:
發佈留言