FBI File
法拉出碟拖得就拖
2012年04月18日
「第16屆全球華語榜中榜頒獎典禮」，上週五（ 13日）喺澳門威尼斯人酒店舉行，當日你噏得出嘅港、台及內地巨星，好似陳奕迅、容祖兒、陳妍希，甚至楊冪都有份領獎，不過眾多巨星都唔夠 Neway大新抱陳法拉鋒頭勁。
攞咗「最佳電視劇女演員獎」嘅法拉，黐住拍檔謝天華行紅地氈時，引起在場記者尖叫，原來法拉着住開胸大 V露背晚裝真空入場。
上週五，法拉出席喺澳門威尼斯人酒店舉行嘅「華語榜中榜頒獎典禮」時，唔只前後盡露，連側身都露春光，擺明真空上陣，搶晒鏡。臨走時仲擺定「 S」甫士同記者講拜拜，簡直引死人。
FBI聽講當日法拉專程由內地橫店趕去澳門攞獎， FBI仲收到風，之前聲稱受「面癱」問題要停拍電視劇休息嘅法拉，扭完計後上週終於復工，仲秘密飛去橫店拍劇，令到原本打算上個禮拜派新歌嘅計劃被迫延遲，新碟更加要延遲到暑假先推出。搞到連派新歌上電台都要押後， FBI聯絡過法拉經理人 Cindy，問佢法拉究竟拍乜，但至截稿仍未回覆。
法拉當日由拍檔謝天華傍住行紅地氈，着住大 V晚裝，仲夾出湯碗胸嘅法拉，成全場焦點，謝天華就變咗陪襯囉！
唔敢望
難得法拉唔怕露，但謝天華就算正面對住法拉都唔敢望，好避忌。
當晚陳奕迅獲頒「亞洲影響力最受歡迎藝人」獎；而容祖兒就獲港台地區「最受歡迎女歌手」獎。當 Eason喺後台見到 Joey，即懶親熱咁將塊面黐住 Joey，搞到 Joey唔知好嬲定好笑。
今次法拉憑 TVB嘅《潛行狙擊》，贏得港台地區「最佳電視劇女演員獎」，攞獎時應承大家會努力拍劇。乜唔係話「面癱」攞長假休息咩？
有指法拉已喺上星期秘密飛咗去橫店拍劇，上週一（ 9日）法拉喺微博上載搭飛機相，仲叫大家估佢去邊。
Orignal From: 陳法拉拍內地劇《大漠謠》 出碟拖得就拖
沒有留言:
發佈留言