港男出身的翟威廉自當選後即參與拍攝無綫劇集，興趣廣泛的他除了樂器、舞蹈甚至是多國語言亦難佢唔到，談到感情事，直言曾與亞姐拍拖的他，對緋聞對象陳庭欣冇感覺。
外形俊朗的翟威廉性格務實，目標是當一個出色的藝人，不過他希望自己賣的不是樣子，而是多元化的演技及才能。百足咁多爪的他於語言、樂器及舞蹈等方面亦有涉獵，為了「周身刀、張張利」，於空閒時他亦努力練習：「其實好多嘢如果擺低咗一排就真係會生疏o架啦，所以都要keep住練番！」
談及感情事，翟威廉抱開放態度。
未想上位
入劇組一年多，他自言自己的目標是在四年內當上男配角：「我依家係三、四線，希望可以上到二線，我預咗自己要浸幾年，夾硬上位都冇用，孭唔起、做咗收視毒藥仲慘！」
翟威廉對於與好友陳庭欣傳緋聞感到搞笑。
翟威廉最近有份參演劇集《耀武長安》，他目標是四年內成為男配角。
似乎是緋聞絕緣體的他僅僅與和他同年當選港姐的陳庭欣傳過緋聞，不過卻令他得啖笑：「嗰次我拗柴佢扶住我行o架咋，我哋係好朋友，好難有感覺！」談及拍拖一事，他不諱言於亞視時曾與亞姐拍拖，愛得相當大方！至於往後，他就持開放態度的說：「有就拍啦，唔想閂咗自己後門，哈哈，唔好逼死自己吖嘛！」至於喜歡的類型，威廉表示：「我鍾意啲女仔識得溝通，如果可以令我屋企人都鍾意佢就最好啦！」
文：冰奇 攝：李廣成
場地：McSORLEY'S~ALE HOUSE~＠SOHO
高鈞賢積極掘金 35歲前生B
首屆港男冠軍高鈞賢早前爆出在夜店「大髀任坐」後，近日又弄傷腳，但他態度積極，即使曾被批演技未夠成熟仍積極備戰，務求獲得觀眾認同之餘，更希望努力賺錢，可以給媽媽一個安樂窩！
前港姐葉翠翠緋聞男友高鈞賢（Matthew）日前出戰籃球賽時不慎弄傷右腳，令他有份演出的無綫新劇暫時停拍其戲份，令Matthew大感無奈，不過他並沒氣餒，反而積極備戰。Matthew日前自爆初入行時，因拍劇表現失準而備受批評：「我記得我拍第一套劇係《幕後大老爺》，當時飾演第二男主角，戲份都好重，但因為入行唔夠年半就要拍，有好多嘢都未Ready，最終出嚟嘅反應唔太好，以致監製日後都唔敢畀好重嘅戲份我。」
Matthew並沒被擊倒，反而更積極面對新挑戰，他在早前播畢的古裝劇《盛世仁傑》中落足心機，他坦言此劇的表現比上次更好！不過萬分期待劇集播出之際，一等卻等足4年，他說：「當時好希望畀觀眾睇到我演技上嘅進步，所以好想套劇快啲出街，一等就等咗四年。不過睇番當時個樣有啲稚嫩，但表現都滿意嘅！」他近日在新劇《女警愛作戰》中擔任第二男主角，期望能給觀眾耳目一新的感覺。
想買大屋畀媽咪
Matthew對於事業信心十足，更立下目標，除了希望得到觀眾認同及打進內地市場外，亦期盼密密吸金，賺錢搬進更大的安樂窩，給媽媽更好的生活。問到會否給媽媽一個港姐新抱？他笑說：「唔一定要港姐，華姐都得！但我一定要揀個獨立嘅女仔，因為我太多嘢做，唔可以日夜對住佢。曾經有相士話我31歲結婚，我唔係好信，不過我希望可以喺35歲前生小朋友，因為我想同我個仔打波！」
跟初出道相比，無論外形還是演技，Matthew自問亦更趨成熟。
Orignal From: 翟威廉望4年內做阿二 高鈞賢35歲前生B
沒有留言:
發佈留言