2012年5月29日星期二

爆《心戰》結局劇情 專訪最搶心魔簡慕華黃德斌

估錯晒 陳茵媺唔係秋官女


《心戰》開播首週已經極具神劇潛質,成為網上熱話,唔少網友同秋官(靳少楠)一樣,一廂情願希望陳茵媺就係被擄後失蹤 25年嘅女靳芷縈。真係唔好意思,大家估錯晒,靳少楠嘅女直到劇末都唔會交代去向,極有可能已經遭遇不測。秋官掛住寶貝女、成日夢中見嘅何傲兒亦只係幻想中女兒成人模樣;而陳茵媺身份亦冇大家諗得咁玄妙,實情真係跟陳豪有血緣,係佢親妹妹。


樹下冇屍
網友揣測劇內經常出現的大樹是秋官女藏屍地點,實情純屬巧合,大家諗多咗。




秋官劇中女兒 25年前被綁,最終劇情唔會交代去向,恐怕已遭不測。

專訪最搶心魔


《心戰》播映首週陳豪殺人燒屍夠搶,但論造型就唔及飾演陳豪心魔 嘅 4位演員,其中以阿戚女友簡慕華和黃德斌最搶。
德斌《 V煞》 look夠激,但簡慕華飾演的「慾望」心魔更搶,第 4集瞓身誘陳豪令網友嘩然。原來簡慕華事前狂煲一代性感女神莎朗史東 嘅《本能》,每次埋位前仲要睇一睇,不過佢話:「接到劇本後監製叫我睇多 啲情慾電影,我睇得最多係《本能》,學莎朗史東戲中講 嘢陰聲細氣,成日挨身。至於第 4集引陳豪其實係碎料 啫!我掂唔到陳豪㗎‥…之後仲激啦,有幾場床戲,有一場望落去幾乎全裸!」而德斌就話:「有人話我造型抄《 V煞》,我都未睇過,我睇 啲 fashion書諗出 嚟。我亦都有睇過《追魂交易》……阿戚冇控制我,我做番自己就得。」


阿戚冇控制我,我做番自己就得。
有一場望落去幾乎全裸!

簡慕華劇中飾演陳豪慾望,不斷誘惑陳豪,問佢現實中有沒有誘惑人或被誘惑,佢話:「我唔識誘惑人亦冇需要,更加無人誘惑我啦!套劇出咗街之後會有啩!哈哈!」

攝影:范仲良
化妝: Janice Chan
髮型: Jalian
服裝: izzue
形象: Bryan So


德斌、簡慕華私下好 friend,就算拍照時擺親密甫士亦唔尷尬,更主動叫德斌攬實啲。


第 4集簡慕華騎住陳豪,問佢陳茵媺有冇在場,佢話:「佢好似唔 喺度喎!不過 嗰陣佢哋都未一齊啦!我同阿 mo咁熟,點會尷尬。」

心魔無限復活




陳豪雖然一次過殺晒 啲心魔,不過死後竟然可以全部復活,先知道佢 哋 4個係自己心魔( Henry代表的良心除外),之後更成為朋友。

邪惡 Eric


黃德斌扮相有啲似《 V煞》,飾演酒吧老闆,其實係代表陳豪邪惡 嘅心魔。被陳豪用飛刀殺死。




電影《 V煞》

慾望 Michelle




簡慕華代表陳豪 嘅慾望,劇中被陳豪扯頭撼牆殺死。髮型被網友話似天線得得 B,她說:「每次要梳兩個鐘,係德斌提議。」

陰險 Edwin




李霖恩代表陳豪 嘅陰險,被陳豪爆樽扑死,但之後復活。

暴力 Martin




何啟南代表陳豪 嘅暴力,被陳豪掟埋牆後被硬物砸死。為演好呢個角色日日狂操 gym,練到 42吋胸。

良心 Henry




戴耀明代表陳豪 嘅良心,第 5集被黃德斌飛樽死,雖然 喺片頭曲尾段見到佢摑陳豪,不過戴耀明話:「冇用到呀,應該係 trailer嚟!」

透《心戰》血腥結局


《心戰》播映一星期,除 咗睇陳豪點殺人,錯縱複雜 嘅劇情,亦係網友狂追 嘅原因。第 6集開始除 咗交代秋官點樣認識陳豪、陳茵媺,亦會幫助笨差佬揚明,點樣拉炸彈狂徒楊英偉。陳豪最後幾乎見人就殺,最後死 喺秋官玻璃下,而邵美琪亦因為想幫男友陳豪頂罪變獨臂殺人王,殺揚明後,最後用收喺假手內嘅刀片割脈自殺,真係血腥到尾,秋官就生死未卜,主角死剩陳茵媺。

陳豪俾秋官玻璃插死




結局篇秋官終於證實陳豪係殺人兇手,更同佢 4大心魔講數,可惜最後傾唔掂,更同陳豪打起上 嚟,其間胞妹陳茵媺阻止。陳豪有感胞妹幫外人,於是扼陳茵媺頸,秋官想阻止陳豪時,用玻璃將陳豪插死。

邵美琪獄中刀片自殺


劇中飾演陳豪女友 嘅邵美琪,及後知道陳豪係殺人兇手,為 咗幫陳豪頂罪,於是幫手殺人,更將追查陳豪 嘅差人揚明殺死,之後被捕入獄,將刀片暗藏假手, 喺獄中用刀片割脈自殺。




秋官癲咗殺埋蔣志光




除 咗陳豪、邵美琪死外,劇中飾演陳秀珠老公 嘅于洋,亦被陳豪所殺;而秋官因太過投入角色,用繩勒死飾演劇團導演 嘅蔣志光。

馬海倫撞牆


劇中飾演陳豪助手 嘅趙希洛,因得知陳豪惡行險遭殺害(小圖),而成日睇唔起陳豪兼話佢揸車慢 嘅外母馬海倫,陳豪專登接佢再將車撞埋牆,馬海倫唔死得都嚇死咁滯。




海潮沙畫 12粒鐘畫晒


《心戰》除劇情另類,亦破格以沙畫配以一段角色心聲作每集結尾。監製戚其義請嚟曾在陳奕迅《一絲不掛》 MV露兩手嘅著名沙畫師海潮,以沙畫將劇中人的情感思緒表達出來。
本刊上週五( 25日)致電海潮,佢話:「最初係阿戚(戚其義)聯絡我嘅,劇中沙畫係睇晒個劇本後,消化咗先去度點畫,而每集都係用自己手法去演繹,再配合編劇嘅旁白。我一口氣 12個鐘拍晒 30集沙畫,每集畫 4至 5次,盡可能一口氣去畫。(酬勞滿意?)今次唔計較錢嘅,但 5位數點都有!」




沙畫師海潮

吸塵機唔夠力


第二集陳豪將天叔(招石文飾)用吸塵機抽真空,及用陶瓷爐將天叔燒成灰。不過浸大生物系教授黃港住表示:「用吸塵機抽真空防屍臭應該唔得 嘅,因為身體內有水分及氧氣,加上吸塵機吸力唔夠,唔使兩個鐘就入晒空氣。」而從事殯儀館 嘅師傅就話:「過千度溶爐係可以燒溶人,不過會剩番頭骨同尾龍骨,唔可能全部變灰。」


德斌爆料:「嗰場其實仲有陳豪磨頭骨同尾龍骨㗎,不過太激 cut咗咋。」




浸大生物系教授
黃港住

Orignal From: 爆《心戰》結局劇情 專訪最搶心魔簡慕華黃德斌

沒有留言:

發佈留言