即將卸任的港姐冠軍朱晨麗已拍罷新劇《名媛望族》，正式踏上星途，人人想要的機會來到她面前，即使未準備好也得勇往直前一試。
朱晨麗未卸任即獲安排拍劇，面對好機會，當然要勇往直前一試。 攝影：葉君海
跟馬國明在《名媛望族》中合演夫妻，現實中朱晨麗對緋聞男友也大加讚賞。 資料圖片
朱晨麗表示來港生活，最辛苦的莫過於生病時沒人理。
朱晨麗與舞蹈員男友古思宇（右）無奈分手，順勢讓她專注剛起步的事業。 《忽然1周》圖片
與舊愛被迫分開
有得自然也有失，短短一年， Rebecca跟外籍舞蹈員男友古思宇分手收場，她說：「人有悲歡離合，識到佢係緣份，但冥冥中有安排，佢要去第二度，令我哋迫不得已分開，我冇理由將一個後生仔箍喺呢度，男人最緊要係事業，應該放手等佢事業好啲，有緣份嘅話再喺埋一齊囉。」正如 Rebecca所說，冥冥中自有安排，既然安排了男友在這段時間離港發展，她也順勢全身投入剛起步的事業中。
Rebecca回復單身，也大大增加傳緋聞的機會，未夠一年， Rebecca的名字就跟香港先生李晉強和馬國明扯上關係，看來還會陸續有來， Rebecca笑說：「呢行多俊男美女，傳緋聞係正常，多謝傳媒畀咁好嘅人我傳緋聞，都幾開心，但李晉強係乜都可以傾嘅好朋友，佢好似小朋友咁，馬國明拍劇時做我老公，教我好多，我唔知佢真人係點，不過如果嫁畀劇中嘅佢都抵㗎！」
讚馬國明夠坦白
筍盤一號陳豪已落在陳茵媺手中， Rebecca對馬國明這筍盤二號可有興趣？她笑說：「未了解，唔知喎！但睇新聞佢好正面，答嘢唔會遮遮掩掩，夠直接，證明佢冇嘢要隱瞞，你哋想影就影，夠大方。」她不諱言這些觀感令她對馬國明加分，但還有待了解。
雖說要專注事業，但其實 Rebecca頗關注馬國明的動態，例如留意到他親民及有話直說的作風，問是否很欣賞他時， Rebecca坦言：「都幾得意嘅，好多人都有面具，佢就將自己真實一面畀大家睇，我睇新聞佢認有睇鹹碟，男人睇好正常，但好多男人唔認，所以我覺得佢都夠坦白誠實，呢啲筍盤大把人住啦。」
搵筍盤遠離劏房
來港八年，朱晨麗早就坦承最初經濟不好，曾入住劏房，現在貴為港姐冠軍，經濟明顯改善，但原來仍有生活上的細節令她憂心， Rebecca說：「就快同公司簽新約，公司都畀到我想要嘅嘢，當然我想要嘅嘢唔係太高，我要努力儲錢呀，10幾年嚟父母好少喺我身邊，如果佢哋鍾意想接佢哋嚟住，可以照顧佢哋。」
入行前曾住劏房的朱晨麗，目標是搵筍盤做理想安樂窩。
去年參選港姐，朱晨麗以貌似陳法拉和勻稱身段突圍而出。
朱晨麗備受無綫力捧，更有份演出《衝上雲霄2》。 資料圖片
八年來獨自在港生活， Rebecca坦言有辛苦的時候，她說：「喺屋企有病冇人知，臨時臨急要搵，搵邊個好呢？所以希望快啲搵多啲錢，尤其是我嚟香港時，人民幣低過港幣，家就高過，啲樓又越嚟越貴，叫我點生存呢，所以我嘅目標係搵筍盤囉，係樓嗰隻喎。」
Orignal From: 有話兒：朱晨麗嗒硬馬國明
沒有留言:
發佈留言