龔嘉欣（Katy）入行短短四年已參演逾十部電視劇，由第一部《四葉草3盛裝舞步愛作戰》到近期的《拳王》，印證着這位只有22歲的小妮子成長之蛻變，她回想起當時決定入行，全因「貪玩」：「嗰時《四葉草》有面試，我抱住人去我去嘅貪玩性質，點知最後真係畀人揀中！」為此她毅然輟學，離開香港演藝學院，誤打誤撞下展開她的演藝旅程。
姣爆小三有突破
多年來，娘家無綫都給她很多機會，演出的角色由最初的妹仔到新近的姣爆小三，角色變化之多也是她始料不及。迄今為止，她最愛是在處境喜劇《誰家灶頭無煙火》的角色：「個角色比我實際年齡仲要細，拍嘅時候成日笑哈哈好開心，好似冇煩惱咁，做都做得好開心！」Katy至近年參演古裝劇，方發現原來最鍾情古裝劇，正拍攝《金枝慾孽（貳）》的她在劇中飾演宮女首領木都兒，由於角色嚴肅，除拍劇時不能笑，還要唸冗長的對白，極具挑戰！
鍾情古裝劇，可能跟Katy愛讀歷史有關，雖然每次化妝加整頭要花個半小時，但仍無損其熱誠：「我鍾意古裝因為現實生活冇，有時喺廠見到個景好靚就會好開心，驚嘆以前啲人點解咁犀利起到啲咁嘅嘢！」為了演好角色，Katy會鑽研劇集朝代的資料，由參考歷史書籍到看歷史節目，巨細無遺！演上癮的她更日日恨返工，除了期待演這個角色，同劇演員亦是她愛上《金》劇的主因。猶記得首次開工，甫見化了妝、恰似「如妃」上身的鄧萃雯時，即嚇到她三魂不見七魄：「見到佢入晒戲真係好緊張，雯女反而安慰我叫我唔使驚，拍吓拍吓壓力就冇咁大！」她跟劇中演員成為了「麻吉」，可惜現時仍未有機會見蔡少芬的女兒：「我電話有好多楚兒嘅相，得閒睇吓都會好開心，佢啱啱個生日會我又開工去唔到。」
助打理家族生意
Katy的爺爺早前因跌斷腳而入院，令她萌生協助打理家族生意的念頭：「屋企做塑膠生意，依家有時會幫手接生意，做啲嘢好簡單，唔會用好多時間，想幫輕吓屋企，等大家唔使咁辛苦！」原來她的爺爺以前一日做幾份工，最後白手輕家開公司，直至現在，爺爺也是Katy最尊敬的人！
後記：未嫁得
龔嘉欣跟男友鄧健泓一直戀得低調卻感情穩定，但談婚論嫁絕不會在這幾年發生：「我思想比較傳統，想有個家庭，亦都鍾意小朋友，但一定唔會呢幾年結，等吓先，現階段大家都好着緊做嘢！」兩人會互相留意對方的劇集並交換意見。
22歲的龔嘉欣屬於物質享受豐富的新世代，沒想到卻情迷歷史。
龔嘉欣坦言當年入行全因「貪玩」，並有幸參演多部劇集。
龔嘉欣因與蔡少芬合作拍《金》劇而變得老友鬼鬼。（資料圖片）
龔嘉欣（前中）最愛《誰》劇中的柴娃娃角色，與馬海倫（前右）、陳智燊及林漪娸相處融洽！（資料圖片）
龔嘉欣在《拳王》中與黃浩然發展婚外情，挑戰演技！（資料圖片）
Orignal From: 龔嘉欣「古」你唔到
沒有留言:
發佈留言