娛聞樂
40小時直擊 狂隊牛腰生蠔 林峯澳門谷肌
2012年05月18日
林峯近日忙到有氣冇碇唞，既拍攝《雷霆掃毒》，又要做《 Light up my live巡迴演唱會》。雖然工作不斷，但怕醜仔林峯為了轉型做型男，每日都 keep住操練，又跑步又做 gym，就連出騷，都不忘帶埋條操肌橡筋在酒店房隨時操練。難怪短短一個月，他由最肥的 170磅減到現在 152磅，更操出一雙 14吋麒麟臂。
5月 12日，林峯演唱會巡迴第三站在澳門威尼斯人舉行。記者直踩林峯酒店房、場館綵排、進補晚餐兼電暈 fans演唱會，貼身追擊林峯開騷前後 40小時……依家去片！
熱身谷肌 4:45pm
冇得 瞓台，林峯即席 喺台上做 咗三十幾下掌上壓，做到青筋暴現、手瓜起，他說：「我細個係泳隊，所以好大隻，但又容易肥，唔操唔得。」
落船咬唇 5月 11日 3:40pm
林峯由兩位「實蕉」傍實，與經理人、唱片公司同事坐船到 氹仔。落船時見到記者，他親切 say hi之餘，更不忘來個招牌式咬唇，電到男攝記差 啲手都震。
飲開聲茶 4： 00pm
林峯在酒店卸下行李後，即攞開聲茶自隊兩杯，他說：「呢劑開聲茶 嘅藥方係我上海 嘅唱歌老師俾我，佢話梅蘭芳都係飲佢。有時拍完通宵戲聲沙沙，飲 咗佢即刻開到聲，真係好勁。」
私伙橡筋
林峯將操肌的私伙橡筋掛在房門上，他說︰「我每晚臨 瞓都會做 15分鐘拉橡筋 嘅引體上升。」
秘道出入 4： 25pm
林峯離開房間後，由酒店職員帶路，行秘道坐高爾夫球車直駛至場館。
誤 瞓玻璃 4： 40pm
林峯等綵排時，突然間 瞓 喺台上，有工作人員即緊張大叫：「個台好多玻璃 㗎！」嚇到林峯即刻彈起。
15磅窩釘衫
化妝間內整齊地掛 着當晚的表演服飾，大部分是金、銀及螢光色系列。其中一件窩釘衫，重達 15磅， 着住 嚟跳舞都咪話唔辛苦。佢綵排至晚上 8時，便跟大隊食餐勁。
螢光戰衣 6:25pm
演唱會主題係「光」，林峯 嘅演唱會衫大部分都係螢光色，而呢套粉藍色 嘅新衫亦充滿「光」。每當遇到閃燈時，件衫便會反光，勁型仔！
滋補牛腰 8:15pm
綵排後，林峯便約埋樂易玲、吳雨同經理人，一行八人到酒店內的西餐廳開飯。佢柯打了新鮮生蠔、牛腰、 T骨扒等美食。雖然要減肥，不過林峯話唔會節食：「唔可以唔食嘢，我係揀 嘢食嚟減肥，今餐食肉就唔食澱粉質。」食飽飽 嘅林峯，仲走 咗去做 SPA，貪靚到暈，凌晨才返房休息。
誠心拜神 5月 12日 4:00pm
翌日下午，林峯在後台對出的空地進行拜神儀式，佢唔使谷，手瓜都起呀！
冧爆歌迷 9:30 pm
演唱會中，林峯除了勁歌熱舞，更不時落台與歌迷近距離接觸。 Fans高呼他的名字時，林峯電眼掃射兼溫柔回應︰「嗯！」搞到一班女 Fans嗌破喉嚨，完騷後佢搭凌晨 1點船返港。
弟妹捧場
林峯開騷，細佬及堂妹林夏薇特地來捧場。 Fans找林夏薇合照，林小弟立即驚青彈開。
飛釘開工 5月 13日 7:30am
翌日大清早，瞓咗兩粒鐘嘅林峯，即刻要為《雷霆掃毒》開工，真箇馬不停蹄。
Orignal From: 40小時直擊 狂隊牛腰生蠔 林峯澳門谷肌
沒有留言:
發佈留言