大封面
女藝員被姦震撼 TVB
2012年05月18日
今周爆出的無綫女藝員強姦案，席捲整個 TVB，受害人於 14日由胞姊陪同下報警，聲稱在錄音室飲醉遭男性友人性侵犯。同日晚上警方拘捕涉案男子音樂人李銘豪（ Max），疑犯現獲保釋外出， 6月中要向警方報到。他接受傳媒訪問時說︰「我真係冇做過。」
至於報案稱被強姦的女藝員，年約廿三歲、乃選美出身、熱愛唱歌，曾參加過歌唱比賽及拍過劇集，受害人身份與無 綫不少姐仔相符，難怪一眾小花如馬賽、何傲兒、朱晨麗、張慧雯、及陳婉婷等人人都成為城中熱話人物。
馬賽：聽到好驚！（真實對白）
年齡： 24歲
選美經驗： 08年香港小姐季軍
曾拍劇集：《女王辦公室》、《萬凰之王》、《耀舞長安》、《九江十二坊》等
唱歌經驗：入行前曾作公開演唱鄧麗君的歌曲。
本月 14日，一位年約 23歲的無 綫女藝員向警方報案，指當日凌晨因為心情欠佳，自攜紅酒到友人李銘豪位於尖沙嘴的錄音室借酒澆愁，因飲醉在梳化上睡着，至凌晨 4時許乍醒，發現遭人性侵犯。她奮力推開對方離去，返家後睡了一會，酒醒後向胞姊哭訴，商量後兩人決定報警。警方即時安排受害人到醫院驗身，由於女藝員被侵犯後沒有洗澡，所以身上可能有重要的證據。
受害女星
●年齡 23歲
●選美出身
●拍過劇集
●熱愛唱歌
受害人高度保密
有指報稱遭人強姦的 TVB女藝員，樣子甜美，乃選美晉身娛圈。她曾參加過歌唱比賽，目標是希望成為歌手，曾演出不少劇集。為了令自己演藝事業更上一曾樓，她近日學習跳舞及唱歌，積極備戰，更愛在微博與粉絲分享點滴。
據知事發後， TVB為了保秘其身份，沒有刻意暫停她的工作，而受害人身份，亦只有幾個高層知曉。知情者話︰「成間公司除咗樂易玲，只有經理人部門幾個人知道， 5隻手指數得晒。樂小姐已暗中下令要絕對保密，更嚴禁經理人部門談論此事。」
強姦事件震撼電視城，上上下下都在談論今次事件，連高登的網民亦熱估女主角是誰。涉案的男子李銘豪，今年 32歲，是「 VI-MAX Music Studio」的老闆，接觸過他的歌手如 G.E.M.及林欣彤等，都形容他有禮貌及親切。
據無綫一位幕後人員透露︰「 Max（李銘豪）間 studio，之前包辦晒《勁歌》 嘅錄音，佢唔係識咩皇親國戚，只係因為收得平，所以無 綫鍾意用佢，但自從年半前無 綫自設 咗 band房，雙方合作少 咗好多啦。」
強姦逐格睇
1.14日凌晨，女事主帶紅酒到李銘豪的錄音室，找他飲酒談天。
2.女事主不勝酒力，她在沙發睡到凌晨四時，發現自己正被人侵犯。
3.她反抗逃離錄音室。
4.由於她事後未有沖身，有可能留下證據，在胞姊陪同下，女事主到警署報案。
朱晨麗：個女仔好慘！（真實對白）
年齡： 24歲
選美經驗： 11年香港小姐冠軍
曾拍劇集：《名媛望族》
唱歌經驗：暫時未有
《蘋果日報》圖片
何傲兒：唔會單獨見異性。（真實對白）
年齡： 23歲
選美經驗： 07年參選香港小姐，獲得「旅遊大使獎」。
曾拍劇集：《畢打自己人》、《天天天晴》、《花花世界花家姐》、《心戰》等
唱歌經驗：暫時沒有
《蘋果日報》圖片
張慧雯：女仔要識保護自己。（真實對白）
年齡： 23歲
選美經驗： 09年多倫多華裔小姐冠軍及 10年國際中華小姐季軍。
曾拍劇集：《 On Call 36小時》、《雷霆掃毒》等
唱歌經驗：選美時表示自小喜歡唱歌
陳婉婷：當然不是我！（真實對白）
年齡： 23歲
選美經驗： 10年參加過大專校花校草選舉，去年再參加《 TVB周刊》 cover girl選舉，奪得「美目傳神獎」。
曾拍劇集：《結．分＠謊情式》及《愛．回家》客串
唱歌經驗：在競選校花校草時，曾經獻唱。
《蘋果日報》圖片
陳婉婷在微博澄清並非風化案受害人。
《 Face》圖片
曾是《勁歌金曲》搖籃
李銘豪在尖沙嘴堪富利士道開設的「 VI-MAX Music Studio」錄音室於 04年開業，主要做錄音、綵排，及教授樂器工作，陳奕迅、莫文蔚、蘇永康、草蜢都是他的顧客。而「 VI-MAX」亦曾協助無 綫製作老牌音樂節目《勁歌金曲》，惟無 綫近年自設錄音室，已經在年多之前減少和「 VI-MAX」的合作關係。
涉嫌強姦的男主角李銘豪乃音樂人，亦是 Studio老闆，更會親自招呼熟客，十分殷勤。
Studio人去樓空
「 VI-MAX Music Studio」位於尖沙嘴堪富利士道的一幢唐樓內，記者到訪拍門，但卻冇人應。
Studio全層均拉了窗簾。
事發的錄音室設備簡單，只設有一張梳化，估計就是事主被侵犯的地方。
何傲兒反應大
強姦新聞出街後，年紀相若的無 綫女藝員旋即成為採訪目標，其中疑似受害人物馬賽，早前被指硬撬「巨聲」大孖周志文，遭對方模女友 CoCo寸到出口︰「搶人男友冇品！」陷入三角戀的她，有傳近日情緒低落。記者致電馬賽求證，她說︰「我聽到（件事）好驚、好愕然！加上件事發生 喺 TVB，就更加關心。其實做女仔幾時都唔可以俾自己醉 㗎！因為飲醉 咗就連危險 嘅意識都冇埋，就算同個男仔好好朋友，但如果大家都飲醉，亦難保唔會做錯事 㗎！」
何傲兒反應甚大︰「唉吔！肯定唔係我啦！係我都唔會出嚟講嘢啦！（你都係選美出身喎！）好多人都係 23歲兼選美出身啦。我平時會一大班人出動，就算飲酒，飲到差唔多就一定會停，尤其對住異性，就更加會小心。唔開心都可以搵朋友傾吓，但唔會單獨同異性一齊，以免誤會！」
憑《 On Call 36小時》廣為人識的「晶晶」張慧雯，對被傳是受害人感無奈︰「我係參加過華姐，但我冇參加過歌唱比賽。唔怕！我認為做藝人要識保護自己，唔好咁易信男人，就算識咗好耐嘅朋友都要小心，女仔都係去少 啲夜街好。」
飲夠就停
何傲兒話自己對男人好有戒心，亦唔會追酒飲。加上父母睇到實，管接管送，所以莫講話餓狼，連狂迷都埋唔到身。
小心男人
在《 On Call》做一康女友晶晶的張慧雯，飾演見習醫生，清秀可人，但穿起低胸裙都很有睇頭。佢咁索，難怪佢話要時時警惕自己小心男人！
愛與星合照
李銘豪因為開錄音室，所以同很多歌星接觸過。本刊訪問過林欣彤及鄧紫祺，兩人對李銘豪的印象都唔錯，至於蔡一智就表示對李銘豪冇印象。
草蜢冇印象
蔡一智話：「可能幫 TVB錄大合唱或者賀年歌時去過啩，真係諗唔起上過去。如果將我哋或者其他藝人 嘅合照放喺 facebook，但又去做啲咁唔正面嘅事，就唔係咁好囉。」
為 G.E.M.收狗
鄧紫祺：「佢間 studio有隻狗，佢知我驚狗，所以每次我上去都會預先收埋隻狗。佢每次都會同我打招呼，有時會影合照。我未試過同男仔單獨飲酒，從來未蒲過酒吧同蘭桂坊，最多只叫相熟朋友上我屋企飲，一定安全。」
和林欣彤傾狗經
林欣彤：「平時上去錄音，覺得佢好有禮貌，唔似會做 啲咁嘅嘢嘅人，佢亦無口花花。佢有養狗，我哋會傾吓狗經。」
微博露玄機
五位疑似受害人，近日都各有煩惱，在微博分別流露心事。
馬賽 感情困擾
近日成為周志文與 Coco之間的第三者的馬賽，感情備受困擾，特別思鄉。
朱晨麗 心有鬱結
朱晨麗早前成為李晉強與圈外女友的第三者，近日朱晨麗正式狠飛外籍男友，早前在微博表示對明白自己的人不需解釋，心中似有鬱結。
何傲兒 恨嫁姑娘
近期勤於上微博的何傲兒，在 5月 14日全日都未有在微博留言。早前在出席婚紗活動時，她坦言待嫁，恨嫁心情浮面。
張慧雯 回鄉療傷
14日下午，張慧雯在網上留言，她表示自己 7月尾回加拿大，又說朋友是永遠都能依靠的肩膀，似乎是在香港遇到不快事，要回家鄉療傷。
陳婉婷 嚮往出碟
陳婉婷 16日在網上否認受害人是自己。她早前在微博刊登了一張疑似在錄音室拍的照片。照片上有一句：「如果……」，似是反映她對歌唱事業的希冀。
朱晨麗︰將來有陰影
今年被無 綫力捧的朱晨麗，亦無辜捲入事件，她理直氣壯說︰「事發當日我 喺屋企，夜晚又要返廠錄《都巿閒情》。其實個女仔好慘，將來都會有陰影，所以幾時都話，做女仔要學精 啲，識朋友要小心。我平時都好少飲酒，要飲都一大班人，唔開心匿 喺屋企煲電話粥就最安全。」
至於新人陳婉婷因為剛簽無綫，還未分派經理人，至截稿前聯絡不上。就強姦事件，樂易玲表示︰「首先必須承認係我 哋公司 嘅藝員。邊個真係唔講得，我已經見過受害人，了解 咗件事。作為女性，佢肯挺身而出，係好大勇氣。屋企、公司都一定支持，將來佢要面對 嘅 嘢唔少。我叫佢將不快事情盡快放低，努力做 嘢可以好快忘記。我已經警誡過好多次，男男女女都好，酒精解決唔到問題。出去蒲只會增添麻煩，唔開心咪同藝員部或家人講囉。依家好傻，一發不可收拾！」
問到將來會否再與「 VI-MAX Music Studio」合作，她說︰「錄音室係製作部揀，以前係合作過，但依家邵氏 嗰邊有個世界頂級錄音室，所以一定唔會再去上址錄音。」
搞到咁大鑊，無論單強姦案告唔告得入，無 綫同涉嫌強姦的男主角李銘豪，馬上劃清界線。
唔信佢會咁做
狄易達：「我識得 Max，佢幾好人。我今朝睇到報紙，唔相信佢會咁做。」
要保護自己
關心妍：「佢（李銘豪）個人幾 nice，每次我都係同佢講狗經。雖然每個人都有佢嘅自由，不過女仔要識得保護自己。」
孤男寡女要小心
王君馨：我就好少飲酒，就算出去我都會同一班熟悉嘅朋友。孤男寡女要小心，一定要有戒心。
個女仔信錯人
唐詩詠：今日打開報紙睇到 TVB女星，仲要 23歲，真係好愕然。自己 20歲做 model，之後入 TVB，嗰時夜晚要去呢度嗰度，都有媽咪陪住我。個女仔信錯人，點都要保護自己。
酒後亂性
隊酒無益，唔少藝人做過反面教材，輕則被影到醉酒街頭，無晒儀態；亦有唔少唔知真醉定假醉，借醉行兇的例子。
成龍激咀徐靜蕾
去年十二月，成龍同內地女星徐靜蕾在北京五星級酒店門外腳步浮浮，不停大笑。徐靜蕾上車離開時，成龍突然撲入車廂激吻她。
陳浩民狼啜陳嘉桓
去年十一月，陳嘉桓在橫店拍完戲消夜，被醉後狼相盡現的陳浩民及馬德鐘連環攬啜摷。陳嘉桓回港後舉行記者會及報警，最後陳浩民帶大肚妻公開道歉，事件才擺平。
《壹週刊》圖片
李思捷摸曾愛媚
今年三月，爆出李思捷出席一個幕後生日會時，飲大兩杯，同曾愛媚猜枚時乘機掃背搣 pat，然後再向另一旁的岑潔儀上下其手，才被岑踢開。有指在場的崔建邦大叫收手，李才腳步浮浮離場。
Orignal From: 女藝員被姦震撼TVB
沒有留言:
發佈留言